Ejra 9:5 - Sră Goh 2018

⁵ Di di tŭ ơn phan duh khoai mho, añ ñă ntào bơh di tiah ơt sa añ jê, ào dơlam mơ ào jrùh añ jê neh gơcrè, añ cùn gơltang pò tê hơ Jehôwa Yàng Tom Trồ añ jê,

Ejra 9:5 ပူးပေါင်းရင်းမြစ်များ

I Ală Bơtau 8:22

Tơnơ̆ mơ hơ̆, Salômôn ntào di đap cơnòng duh khoai Yàng Jehôwa dê, di đap mat jơh mpồl jơnum Israel, mơ pò tê khai dê hơđang trồ.

I Ală Bơtau 8:38

Dilah gơs dô nă cau lơi hòi dan, hala jơh làng bol Israel Yàng dê, jơh tơl nă neh đal git bơta rung rài tòm nùs is bol khai dê, tian gơs bol khai pò tê wèt mơ hìu duh khoai do, mơ hòi dan,

I Ală Bơtau 8:54

Tòm tŭ Salômôn neh dan mơ Yàng Jehôwa ală jơnau hòi dan rac dan do rau, gen khai ntào bơh di đap cơnòng duh khoai Yàng Jehôwa, hơ̆ la tiah khai neh cùn gơltang, mơ tê pò hơđang trồ.

II Yal Yau 6:13

Salômôn neh lơh dô nơm tiah ntào mơ kòng, jòng pram tal, ơnàng pram tal mơ jơnhoa pe tal, mơ ơn gơ digùl ƀlàng đah bơdìh; mơ khai ntào hơđang tiah hơ̆. Gen khai cùn gơltang di đap jơh mpồl jơnum Israel dê mơ pò bàr đah tê hơ trồ.

Nehemi 1:4

Tòm tŭ añ kơno ală jơnau hơ̆ gen añ nggui ñìm mơ moat jrùng bàr pe ngai, ơt sa, mơ hòi dan mơ Yàng Tom Trồ hơđang trồ dê.

Đơs Crih 141:2

Dan dòp jơnau hòi dan añ jê be kơlhô chu di đap Yàng; Dan dòp bơta añ pò tê hơđang kung be phan ơn duh khoai tòm trồ mho.

Đơs Crih 143:6

Añ pò tê wèt hơ Yàng, Hwềng soàn añ tơhìr Yàng be tiah rañ ro. (Selah)

Đơs Crih 95:6

Bol he lòt tus tĕ tơmbic să mơ duh khoai; Bol he cùn gơltang tĕ di đap Yàng Jehôwa, la Bơtau crơng gơs bol he!

Lik Ejiptơ 9:29

Môise ho lah: “Tòm tŭ añ neh lik bơh di ƀòn dờng, añ rơp pò tê hòi dan mơ Yàng Jehôwa. Ntơr kơnàs rơp thit, mìu piar rơp ò gam tai, tồ bơtau in git lah plai ù gơrê bal mơ Yàng Jehôwa.

Lik Ejiptơ 9:33

Behơ̆, Môise lik bơh di Pharaôn mơ lòt bơh ƀòn dờng. Khai pò tê wèt hơ Yàng Jehôwa; ntơr kơnàs mơ mìu piar ơm thit, mơ mìu ò dùh tai hơđang lơgar.

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Daniel 10:2

Tòm tŭ hơ̆, añ, Daniel, añ ơm moat jrùng ñìm rac tòm pe poh.

Luka 22:41

Gen Kơnràñ lòt bơh bol khai pơgap dô bồng sơrbì lŭ, cùn gơltang hòi dan lah:

Broă 21:5

Mơya ală ngai ơm bal mơ bol khai neh rlau, bol hi pơnjat lòt gùng tai. Jơh ală bol khai bal mơ ală kòn bau bol khai dê jun bol hi hơ bơdìh ƀòn dờng. Jơh tơl nă cùn gơltang di gah dà mơ hòi dan.

Ephesô 3:14

Tài bơh bơta hơ̆ añ cùn gơltang di đap Yàng Bèp,