Ejra 9:15 - Sră Goh 2018

¹⁵ Ơ Yàng Jehôwa, la Yàng Tom Trồ Israel dê, Kơnràñ la song ring, mơya bol hi geh pleh klàs be làng bol gam tơngkah wơl, be ngai do. Do bol hi ơm di đap Kơnràñ tòm bơta tồi glài bol hi dê, bulah ò gơs dô nă cau lơi rgơi ntào di đap mat Kơnràñ tài bơh bơta do.”

Ejra 9:15 ပူးပေါင်းရင်းမြစ်များ

Ejra 1:4

Mơ lòi tĕ jơh làng bol gam wơl tòm tiah lơi bol khai ơm, gen pal dong kòl ai bol khai in priă màh, bơh ală cau ơm bal mơ bol khai, bal mơ ală phan ngui sa mơ ală phan poan jơng, bal mơ ală phan ơn jat nùs bol khai kòñ ơn hìu duh khoai Yàng Tom Trồ in tòm Jerusalem.’”

Ejra 9:6

mơ hòi dan lah: “Ơ Yàng Tom Trồ añ, añ ƀàssìl oă ngan mơ tơnggòr mat hơ Kơnràñ; ơ Yàng Tom Trồ añ jê, bơh bơta tồi glài bol hi dê neh gơguh jòng rlau mơ bồ bol hi dê, mơ bơta tìs glài bol hi dê neh guh tus hơđang ală tap trồ.

Nehemi 9:8

Kơnràñ neh gŏ khai gơs nùs dòn song di đap Kơnràñ, mơ neh bơtào dô bơta ho bal mơ khai nàng ai jơi bơtiàn khai in ală lơgar làng bol Kanaan, làng bol Hetit, làng bol Amôr dê, làng bol Peres, làng bol Jebusit, mơ làng bol Girgas dê. Kơnràñ neh lơh gơlik di ngan ală jơnau Kơnràñ neh ho, tài bơh Kơnràñ la song ring.

Đơs Crih 116:5

Yàng Jehôwa gơs nùs kòñ nđàc, mơ la song ring, Yàng Tom Trồ bol he dê gơs nùs nđàc sơngit.

Đơs Crih 119:137

Ơ Yàng Jehôwa, Kơnràñ la song ring, Bơta cahrña Kơnràñ dê la song ngan.

Đơs Crih 130:3

Ơ Yàng Jehôwa, dilah Kơnràñ prap kah sùm bơta tồi glài iơh bơsak, gen ơ Yàng! Ñcau rgơi ntào jai taih?

Đơs Crih 143:2

Dan bañ cahrña di cau duh broă Kơnràñ dê, Bơh ò gơs cau kis lơi la song ring di đap Yàng.

Đơs Crih 76:7

Mơya Yàng la pal rngòt ngan! Tòm tŭ Yàng gơhào gơjrañ gen ñcau rgơi ntào jai di đap Kơnràñ taih?

Jeremi 12:1

Khoai Yàng Jehôwa, Kơnràñ song ring ngan; Tòm tŭ añ tòm pơndang mơ Kơnràñ Bulah behơ̆, añ dan lùp Kơnràñ. Ñchi bơh tài gùng dà cau iơh geh bơtoah bơtoài taih? Ală cau tìs glài geh cồng nha taih?

Ejekiel 33:10

“Tŭ do, mê, ơ kòn mơnus, đơs tĕ mơ hìu Israel lah: ‘Bol mê đơs tĕ be do: Ală bơta lơh tìs mơ tồi glài bol hi dê klơn kơnjơ̆ hơđang bol hi, mơ bol hi siar roh tài bơh bol gơ. Behơ̆ gen mbe bol hi rgơi kis taih?’

Ejekiel 7:16

Jơh ală cau gam kis mơ geh lik klàs rơp ơm hơđang ală mơnơm, rac ròc kung be sềm ntòp tòm thòng, kòp nă tài bơh tồi glài khai dê.

Daniel 9:14

Tài bơh hơ̆, Yàng Jehôwa neh rcang mơ đùh bơta rung rài hơđang bol hi. Ngan, Jehôwa Yàng Tom Trồ bol hi dê la song ring tòm jơh ală broă Kơnràñ lơh; bơh bol hi ò dòn bơr Kơnràñ.

Lebi 26:40

Mơya dilah bol khai rơp yal ală bơta tồi glài bol khai dê mơ ală bơta tồi glài ală ồng pàng bol khai dê, hơ̆ la bơta neh tòmdră mơ Añ mơ ală bơta neh sò tơm di Añ,

Lebi 26:41

la ală bơta neh lơh Añ in sòdră di bol khai tian gơs Añ neh sang lòi bol khai tòm lơgar ală cau sò tơm di bol khai, gen tòm tŭ bol khai tơnliah nùs ò siat gơltau bol khai dê mơ kong dòp bơta lơh glài,

Jang 8:21

Kơnràñ đơs tai mơ bol khai lah: “Añ lòt, bol mê rơp jòi Añ, mơ bol mê rơp chơt tòm tồi glài bol mê dê. Tiah Añ lòt, bol mê ò rgơi lòt tus.”

Jang 8:24

Gen tàng, Añ neh đơs mơ bol mê lah bol mê rơp chơt tòm tồi glài bol mê dê; bơh dilah bol mê ò dòn Añ la Bơtau neh gơs mơ gam gơs, gen bol mê rơp chơt tòm tồi glài he dê.”

Rôma 10:3

Bơh bol khai ò dòp git bơta song ring Yàng Tom Trồ ai, mơ jòi bơtào bơta song ring is he dê, gen tàng ò bài dòn duh bơta song ring Yàng Tom Trồ dê;

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

I Kôrintô 15:17

mơ dilah Bơtau Krist neh ò geh kis wơl, gen bơta dòn oh mi dê ò gơs kwơ, mơ oh mi gam ơm tòm bơta tồi glài oh mi dê.

Jôsue 22:15

Tòm tŭ bol khai tus hơ cau Ruben, cau Gat, mơ nggùl jơi bơtiàn cau Manase tòm ù tiah Galaat, gen đơs mơ bol hơ̆ lah: