Ejra 9:14 - Sră Goh 2018

¹⁴ Bol hi rơp gơltac sang tai ală bơta sồr lam Kơnràñ dê mơ tòmbau mơ ală làng bol neh lơh jat bơta cù kìr behơ̆ sơl ơ? Kơnràñ rơp ò gơjrañ di bol hi tian gơs tơnroh bol hi, ò lòi dô pơnah làng bol gam wơl hala dô nă cau lơi gam kis ò ơ?

Ejra 9:14 ပူးပေါင်းရင်းမြစ်များ

Ejra 10:10

Gen Ejra cau gơnoar ơn phan duh khoai ñă ntào mơ đơs mơ bol khai lah: “Bol mê neh tìs glài mơ neh bau mơ ală cau ùr làng bơdìh, mơ neh bơtơl bơta tìs glài Israel dê.

Ejra 9:2

Bơh bol khai neh lap ală kòn ùr ală làng bol hơ̆ dê nàng bau să tòm bol khai in mơ ală kòn klau bol khai in sơl. Ală gar sơntìl sàng goh do neh gơbơcă mơ làng bol ơm tòm lơgar, mơ tòm bơta ò dòn song do ală cau kwang mơ cau lam bồ neh lam gùng.”

Ejra 9:8

Mơya tŭ do, bơh tŭ tơngai liah ngan, bơta nđàc neh geh yal tơlik bơh Jehôwa Yàng Tom Trồ bol hi dê, la Bơtau neh lòi bol hi gam wơl mơ ai bol hi dô nơm phan ai bồ tòm tiah sàng goh Kơnràñ dê, nàng Kơnràñ pơnđàng àng mat bol hi in, mơ ai bol hi in phan sa bơkah tòm bơta ơm dĭ bol hi dê.

Nehemi 13:18

Ală mò pàng bol mê ò di neh lơh behơ̆ ơ? Gen tàng Yàng Tom Trồ neh ai bơta rung rài tus hơ bol he mơ hơđang ƀòn do ò ơ? Tŭ do ală bol mê lơh ƀơ̆ ƀơl ngai Saƀat in mơ bơtơl bơta gơjrañ dờng tòmdră mơ Israel.”

Lik Ejiptơ 23:32

Bañ bơtào bơta ho bal mơ bol khai, hala bal mơ ală yàng bol khai dê.

Lik Ejiptơ 32:10

Tŭ do lòi tĕ Añ in lơh is, tồ bơta gơjrañ dờng Añ jê gơhào khuh gơwèt mơ bol khai, nàng Añ tơnroh jơh bol khai. Gen Añ rơp lơh mê in gơlik gơs dô nơm làng bol dờng.”

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Jeremi 44:9

Bol mê neh hŭi bơta iơh ồng pàng bol mê dê, bơta iơh ală cau bơtau Juda dê, bơta iơh ală bau ùr cau bơtau dê, bơta iơh să tòm bol mê mơ bau ùr he dê neh tìs tòm lơgar Juda mơ tòm ală gùng Jerusalem ơ?

Jeremi 46:28

Yàng Jehôwa đơs: “Ơ Jakôp dĭ gơna Añ, mê bañ rngòt, bơh Añ ơm bal mơ mê. Añ rơp tơnroh jơh ală lơgar mơ Añ neh bơtrơh mê tus; ai mê, gen Añ ò tơnroh jơh ò, mơya lơh glài tơmàl mê dô bă song ring, mê ò rgơi ò lơh glài tơmàl ò.”

Ejekiel 6:8

Mơya Añ rơp lòi wơl dô êt nă, bơh dô êt nă tòm bol mê geh klàs bơh đào tòm tŭ bol mê ơm nrah nring tòm ală lơgar mơ ală làng bol.

Khà Làng Bol 16:21

“Cah is tĕ să tòm bol mê bơh di mpồl jơnum do tồ Añ rgơi tơnroh bol khai mo tŭ do.”

Khà Làng Bol 16:45

“Lik tĕ ngài bơh di mpồl jơnum do nàng Añ rơp tơnroh bol khai mo tŭ do.” Mơ bol khai tơmbic să blup mat tòm ù.

Jang 5:14

Tơnơ̆ wơl Yàng Jesu bàn cau hơ̆ tòm hìu duh khoai gen đơs lah: “Do, mê neh bòi rau, bañ tìs glài tai yơ, rngòt gơs bơta lơi iơh rlau tai gơlik mê in mòn.”

Rôma 6:1

Behơ̆, mbe bol he kòñ đơs taih? Bol he kư̆ ơm sùm tòm tồi glài tồ bơta nđàc in geh bơtơl lìu làc ơ?

Yal Wơl 9:14

Lòi tĕ Añ in nàng Añ tơnroh bol khai mơ jùt sang sơnđan bol khai dê bơh di hơđơm trồ. Mơ Añ rơp lơh mê in gơlik gơs dô nơm làng bol pràn kơldang rlau mơ oă rlau mơ bol khai.”

Yal Wơl 9:8

Tòm Hôrep bol mê neh lơh Yàng Jehôwa in gơhào gơjrañ dờng tian gơs Kơnràñ neh rcang sir nàng tơnroh bol mê.

Ală Kwang Cahrña 2:2

Đah mơ bol mê bañ lơh bơta ho bal mơ ală cau ơm tòm lơgar do, sòr tơrlah tĕ ală cơnòng duh khoai bol khai dê.’ Mơya bol mê ò dòn bơr Añ. Sền tĕ ñchi bơta bol mê neh lơh!