Ejra 9:13 - Sră Goh 2018

¹³ Tơnơ̆ mơ jơh ală bơta neh tus hơđang bol hi la bơh ală broă iơh bơsak bol hi neh lơh mơ tồi glài dờng bol hi dê; bulah behơ̆, ơ Yàng Tom Trồ bol hi dê, Kơnràñ ò lơh glài bol hi dô bă kơnjơ̆ di pal mơ tồi glài bol hi dê, mơ neh lòi bol hi in dô pơnah làng bol gam wơl be do.

Ejra 9:13 ပူးပေါင်းရင်းမြစ်များ

Nehemi 13:18

Ală mò pàng bol mê ò di neh lơh behơ̆ ơ? Gen tàng Yàng Tom Trồ neh ai bơta rung rài tus hơ bol he mơ hơđang ƀòn do ò ơ? Tŭ do ală bol mê lơh ƀơ̆ ƀơl ngai Saƀat in mơ bơtơl bơta gơjrañ dờng tòmdră mơ Israel.”

Nehemi 9:32

Behơ̆ tŭ do, Ơ Yàng Tom Trồ bol hi dê, la Yàng Tom Trồ dờng ngan, gơnap gơnoar, mơ pal rngòt, Bơtau lơh jat bơta ho bal kòñ gơboh, dan Kơnràñ bañ sền nggòc ală bơta jê sồt bòl glar neh tus hơ bol hi, hơđang ală cau bơtau mơ ală kwang bàng, hơ ală cau gơnoar ơn phan duh khoai mơ ală cau gơnoar hwơr, hơ ală mò pàng bol hi, mơ jơh làng bol Kơnràñ dê, bơh rài ală bơtau Asiri tus tŭ do.

Sră Jop 11:6

Mơ kơp kòñ Kơnràñ yal ồng in ală bơta ndơp ndơr bơta jak chài dê! Bơh bơta jak chài la oă đah. Gen git tĕ lah Yàng Tom Trồ lơh dô êt rlau mơ tồi glài ồng dê.

Đơs Crih 103:10

Kơnràñ ò lơh di bol he jat ală tồi glài bol he dê, Kung ò sal wơl di bol he jat ală tồi glài iơh bơsak bol he dê.

Ñìm Rac 3:22

Bơta kòñ gơboh kơ̆ dơn Yàng Jehôwa ò tŭ lơi gơkòl tơnroh. Bơta kòñ nđàc Kơnràñ dê ò tŭ lơi lồi jơh;

Habakuk 3:2

Khoai Yàng Jehôwa! Añ neh kơno bơh bơta tiơng pơnro Kơnràñ dê; Ơ Yàng, añ rngòt rngơt ngan bơh ală broă lơh Kơnràñ dê. Dan lơh pa wơl ală broă hơ̆ tòm rài bol hi dê, Dan yal cau in git gơtòm tŭ tơngai bol hi dê; Tòm tŭ Kơnràñ gơjrañ dờng, dan kah wơl bơta nđàc sơngit!

Galati 3:4

Oh mi neh git làm oă bơta bòl glar dô bă ò kwơ behơ̆ sơl ơ? Ngan la ò kwơ.