Ejra 9:12 - Sră Goh 2018

¹² Gen tàng, bañ ai ală kòn ùr bol mê dê bau mơ ală kòn klau bol khai dê, hala bañ ai ală kòn klau bol mê dê bau mơ ală kòn ùr bol khai dê. Bañ tŭ lơi jòi jat bơta ring lơngai mơ bơta pas sơm bol khai dê, tồ oh mi in geh pràn kơldang mơ geh sa ală phan niam ù tiah dê, mơ lòi gơ wơl ală kòn sau bol mê in lơh gơs phan jơtài gam sùm sùm.’

Ejra 9:12 ပူးပေါင်းရင်းမြစ်များ

I Yal Yau 28:8

Behơ̆ tŭ do di đap jơh làng bol Israel mơ jơh dô mpồl jơnum Yàng Jehôwa dê, mơ gơs Yàng Tom Trồ bol he dê ơm iat: Kơrhia tĕ lơh jat jơh ală jơnau gơnoar sồr Jehôwa Yàng Tom Trồ bol mê dê tồ bol mê rgơi dòp lơgar niam mơnĕ do mơ lòi wơl lơh gơs phan jơtài ală kòn sau bol mê in gam sùm sùm.

II Yal Yau 19:2

Jehu kòn klau Hanani cau gơnoar hwơr lòt tìp bơtau mơ đơs mơ khai lah: “Bơtau pal dong kòl ală cau iơh bơsak mơ kòñ gơboh di ală cau gơjrañ di Yàng Jehôwa sơl ơ? Tài bơh ală bơta hơ̆, gen bơta gơjrañ dờng Yàng Jehôwa dê dùh hơđang bơtau.

Ejra 9:2

Bơh bol khai neh lap ală kòn ùr ală làng bol hơ̆ dê nàng bau să tòm bol khai in mơ ală kòn klau bol khai in sơl. Ală gar sơntìl sàng goh do neh gơbơcă mơ làng bol ơm tòm lơgar, mơ tòm bơta ò dòn song do ală cau kwang mơ cau lam bồ neh lam gùng.”

Lik Ejiptơ 23:32

Bañ bơtào bơta ho bal mơ bol khai, hala bal mơ ală yàng bol khai dê.

Jơnau Pơnđik 13:22

Cau niam lòi wơl sre brê kòn sau he in; Mơya phan mơna cau gơs glài lòi wơl cau song ring in.

Jơnau Pơnđik 20:7

Cau song ring ơm kis dô bă song ngan; ală kòn sau khai geh lơngai lơngò ngan!

Esai 1:19

Dilah bol mê gơs nùs kòñ dòn bơr, bol mê rơp geh sa plai đo niam ù tiah dê

Yal Wơl 23:6

Jơl jơh rài kis bol mê dê bañ tŭ lơi jòi bơta ring lơngai mơ bol khai, hala lơh bơta gơs kwơ bol khai in.

Yal Wơl 23:7

Bañ cù kìr di dô nă cau Edôm tài bơh khai la oh mi bol mê dê. Bañ cù kìr di dô nă cau Ejiptơ, tài bơh bol mê neh ơm ing tòm lơgar khai dê.

Yal Wơl 7:3

Bañ lap klau tòmbau ùr mơ bol khai. Bañ ai ală kòn ùr bol mê dê bau mơ ală kòn klau bol khai dê hala ai ală kòn ùr bol khai dê bau mơ ală kòn klau bol mê dê,