Ejra 9:11 - Sră Goh 2018

¹¹ mơ Kơnràñ neh kơnòm di ală cau duh broă Kơnràñ dê la ală cau gơnoar hwơr mơ đơs lah: ‘Lơgar mơ bol mê rơp mut nàng dòp leng la dô nơm lơgar neh gơlik ƀơ̆ ƀơl bơh bơta tồi glài ală làng bol gơ dê. Bơh ală broă lơh cù kìr bol khai dê, bol khai neh lơh lơgar in bềng lìu bơta ƀơ̆ ƀơl bol khai dê bơh đah do tus hơ đah ne.

Ejra 9:11 ပူးပေါင်းရင်းမြစ်များ

II Ală Bơtau 21:16

Manase kung lơh gơtuh oă mhàm ò gơs glài, tian gơs Jerusalem kong bềng bơh đah do tus hơ đah ne. Di gah glài mơ khai neh lơh Juda in tìs glài, gen tàng bol khai neh lơh ală bơta iơh di đap Yàng Jehôwa.

II Yal Yau 33:2

Khai lơh bơta iơh bơsak di đap mat Yàng Jehôwa, lơh jat ală broă cù kìr ală làng bol mơ Yàng Jehôwa neh bơtrơh tơlik di đap cau Israel.

Ejra 6:21

Behơ̆ ală cau Israel neh rê wơl bơh di tiah kong kup cèng lơh dĭ neh sa gơ, bal mơ jơh ală cau neh cah is bol khai bơh di ală bơta òs mòng ƀơ̆ ƀơl ală làng bol bơdìh ơm tòm lơgar nàng duh khoai Yàng Jehôwa la Yàng Tom Trồ Israel dê.

Ejra 9:1

Tơnơ̆ mơ tŭ ală broă hơ̆ neh sir rau, ală cau kwang at bồ lòt tus hơ añ mơ đơs lah: “Làng bol Israel, ală cau gơnoar ơn phan duh khoai, mơ ală cau Lebi, ò cah is să bol khai bơh di ală làng bol ơm tòm lơgar bal mơ bơta ngkòr ngkàc làng bol hơ̆ dê, bơh di làng bol Kanaan, làng bol Hetit, làng bol Pheres, làng bol Jebusit, làng bol Ammôn, làng bol Môap, làng bol Ejiptơ mơ làng bol Amôr.

Ejra 9:10

Mơ tŭ do, ơ Yàng Tom Trồ bol hi dê, ñchi jơnau bol hi pal đơs tơnơ̆ mơ ală bơta do taih? Bơh bol hi neh sang lòi ală bơta sồr lam Kơnràñ dê,

Jeremi 26:5

Ò iat jơnau ală dĭ gơna Añ jê, la ală cau gơnoar hwơr Añ sồr tus mơ bol mê jal ngan, mơya bol mê ò bài iat bol khai,

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Yal Wơl 12:31

Bol mê ò di duh khoai Jehôwa Yàng Tom Trồ bol mê dê jat gùng bol khai dê, tài bơh tòm tŭ duh khoai ală yàng bol khai dê gen bol khai kung lơh jơh ală bơta cù kìr iơh rmơh mơ Yàng Jehôwa gơjrañ. Bol khai chu ală kòn klau kòn ùr bol khai dê tòm ồs lơh gơs phan ơn ală yàng bol khai in.

Yal Wơl 18:12

Cau lơi lơh ală bơta do la iơh rmơh cù kìr di đap Yàng Jehôwa, mơ tài bơh ală broă lơh iơh rmơh cù kìr hơ̆ mơ Yàng Tom Trồ bol mê rơp ting bơtrơh ală làng bol do di đap bol mê.