Ejra 9:1 - Sră Goh 2018

¹ Tơnơ̆ mơ tŭ ală broă hơ̆ neh sir rau, ală cau kwang at bồ lòt tus hơ añ mơ đơs lah: “Làng bol Israel, ală cau gơnoar ơn phan duh khoai, mơ ală cau Lebi, ò cah is să bol khai bơh di ală làng bol ơm tòm lơgar bal mơ bơta ngkòr ngkàc làng bol hơ̆ dê, bơh di làng bol Kanaan, làng bol Hetit, làng bol Pheres, làng bol Jebusit, làng bol Ammôn, làng bol Môap, làng bol Ejiptơ mơ làng bol Amôr.

Ejra 9:1 ပူးပေါင်းရင်းမြစ်များ

Sơnròp Gơlik Gơs 15:16

Tus dê rài poan, gen jơi bơtiàn mê rơp rê wơl hơ do, tài bơh tồi glài cau Amôrit dê òhềt bềng lìu.”

I Ală Bơtau 11:1

Bơtau Salômôn kòñ gơboh oă cau ùr làng bol bơdìh bal mơ kòn ùr Pharaôn dê: Cau ùr Môap, Ammôn, Edôm, Sidôn, mơ Hetit.

II Yal Yau 33:2

Khai lơh bơta iơh bơsak di đap mat Yàng Jehôwa, lơh jat ală broă cù kìr ală làng bol mơ Yàng Jehôwa neh bơtrơh tơlik di đap cau Israel.

II Yal Yau 8:7

Jơh ală làng bol gam wơl bơh di cau Hetit, Amôr, Pheris, Hibit mơ Jebusit, ală làng bol do ò gơrê mơ cau Israel,

Ejra 10:2

Sekania kòn klau Jehiel, kòn sau mpồl Elam dê, đơs mơ Ejra lah: “Bol hi neh tìs glài ò dòn song mơ Yàng Tom Trồ bol hi dê, bơh neh bau mơ ală cau ùr bơdìh bơh di ală làng bol ơm tòm lơgar, mơya bulah behơ̆, tŭ do gơs bơta gơn kơnòm Israel in tòm bơta ò ring nùs bơh bơta do.

Ejra 10:8

Mơ dilah cau lơi ò bài tus tòm pe ngai, jat gơnoar sồr ală cau kwang mơ ală cau kwang kra dê, gen jơh ală phan mơna sre brê khai dê rơp kong tă bơh di khai mơ să tòm cau hơ̆ rơp kong bơtrơh tơlik bơh di mpồl ală cau kong kup cèng.

Nehemi 13:23

Rlau mơ hơ̆ añ gŏ ală cau Juda la cau neh bau mơ ală cau ùr Asdot, Ammôn, mơ Môap;

Nehemi 4:3

Tôbiah cau Ammôn ơm di gah khai đơs lah: “Lŭ dơrñang hơ̆ bol khai ơm bơt, dilah dô nơm pì hào hơđang gơ gen rơp lơh tơrlơm jơh.”

Nehemi 4:7

Mơya tòm tŭ Sanbalat, Tôbiah, ală cau Arap, ală cau Ammôn mơ ală cau Asdôt kơno broă bơt wơl dơrñang neh ntoat tơngguh mơ ală tiah tơrlah neh mòr bơt wơl wil tơl, gen bol khai gơhào gơjrañ oă ngan,

Nehemi 9:2

Gen ală cau Israel cah is să tòm bol khai bơh di ală cau làng bol bơdìh, ntào yal glài să tòm bol khai mơ ală bơta tồi glài mò pàng bol khai dê.

Đơs Crih 106:35

Mơya bol khai ơm bơcă bal mơ ală làng bol, Mơ bơtê lơh jat be làng bol hơ̆ lơh.

Lik Ejiptơ 13:5

Tòm tŭ Yàng Jehôwa cèng bol mê mut lơgar làng bol Kanaan, làng bol Hetit, mơ làng bol Jebusit, la lơgar mơ Kơnràñ neh srat să ho nền mơ ồng pàng bol mê dê rơp ai bol mê in, la lơgar gơhòr bềng lìu dà toh mơ dà lơwe, gen bol mê pal kah prap bơta pơjum duh khoai tòm kơnhai do.

Lik Ejiptơ 23:23

Cau gơnrơh Añ jê rơp lòt hơđap mê mơ cèng mê mut tòm lơgar cau Amôr, cau Hetit, cau Pheres, cau Kanaan, cau Hebit, mơ cau Jebusit, mơ Añ rơp tơnroh jơh hir bol khai.

Lik Ejiptơ 33:16

Mbe rgơi cau rơp git lah añ bal mơ làng bol Kơnràñ dê geh niam nùs Kơnràñ dilah Kơnràñ ò lòt bal mơ bol hi taih? Rlau mơ bơta hơ̆ gen gơs bơta lơi ndai nàng lơh añ in mơ làng bol Kơnràñ in geh sền la krơi is mơ jơh ală làng bol ndai ơm hơđang ù sơl ơ?”

Esai 52:11

Cah is tĕ, cah is tĕ, lik tĕ bơh tềng hơ̆! Bañ ƀư di phan ƀơ̆ ƀơl! Lik tĕ bơh digùl hơ̆ mơ lơh tĕ să tòm bol mê gơlik sàng goh, bol mê la ală cau tui àñ ală phan ngui Yàng Jehôwa dê.

Jeremi 26:10

Ală kwang at bồ Juda kơno ală bơta hơ̆, bơh tòm gơlang bơtau guh hơ hìu Yàng Jehôwa, nggui tòm gùng mut Mpồng Pa hìu Yàng Jehôwa dê,

Jeremi 26:16

Ală kwang at bồ mơ jơh làng bol, đơs mơ ală cau gơnoar ơn phan duh khoai mơ ală cau gơnoar hwơr lah: “Cau do ò di pal chơt; bơh khai ai sơnđan Jehôwa Yàng Tom Trồ bol he dê mơ đơs mơ bol he.”

Lebi 18:3

Bol mê ò di lơh be bol khai lơh tòm Ejiptơ la tiah bol mê neh ơm, mơ bol mê ò di pal lơh be bol khai lơh tòm lơgar Kanaan la tiah Añ cèng bol mê tus. Bañ lơh jat bơta bol khai òs lơh.

Malaci 2:11

Juda neh ò dòn song. Dô bơta ngkòr ngkàc neh gơs tòm Israel mơ tòm Jerusalem. Bơh Juda neh lơh ƀơ̆ ƀơl tiah sàng goh Yàng Jehôwa dê, bơta lơi khai kòñ gơboh, mơ tòmbau mơ kòn ùr dô nă yàng lơgar bơdìh.

Khà Làng Bol 23:9

Bơh hơđang bồ mơnơm lŭ, añ sền gŏ bol khai; bơh di hơđang ală dòr añ neh gŏ bol khai. Añ gŏ dô nơm làng bol ơm kis cah is, mơ ò kòp să tòm bol khai la dô nơm làng bol tòm ală làng bol.

Khà Làng Bol 25:6

Tŭ hơ̆, dô nă cau klau Israel cèng tơmut tòm hìu nhă khai dê dô nă cau ùr Midian di đap mat Môise mơ jơh dô mpồl jơnum Israel dê, tòm tŭ bol khai ơm ñìm rac di tiah mpồng mut Sàl Tòm Mat dê.

Yal Wơl 18:9

Tòm tŭ bol mê mut tòm lơgar mơ Jehôwa Yàng Tom Trồ bol mê dê ai bol mê in, bañ bơtê đòm jat ală gùng dà iơh rmơh ală làng bol tềng hơ̆ dê.

Yal Wơl 23:8

Kòn sau rài dơ̆ pe bol khai dê rgơi geh mut tòm mpồl jơnum Yàng Jehôwa dê.

Yal Wơl 7:1

Tòm tŭ Jehôwa Yàng Tom Trồ bol mê dê cèng bol mê tus di lơgar mơ bol mê rơp mut mơ dòp geh mơ ting bơtrơh bơh di đap bol mê oă làng bol, hơ̆ la ală cau Hetit, Girgas, Amôr, Kanaan, Pheris, Heb mơ Jebusit, jơh ală la poh làng bol dờng rlau mơ pràn kơldang rlau mơ bol mê,

Jôsue 23:12

Mơya dilah bol mê wèt wơl mơ lơh gơtòmsòr bal mơ ală làng bol do gam kis mơ ơm digùl bol mê, mơ dilah bol mê lap klau tòmbau ùr mơ bol khai mơ lơh gơs dô bă bal mơ bol khai,