Ejra 8:36 - Sră Goh 2018

³⁶ Bol khai kung jào sră cih jơnau gơnoar sồr cau bơtau dê ală cau bơtau oh bal mơ ală cau kwang at bồ kơnhwàl Đah Ne Hiòng in, gen bol khai dong kòl làng bol mơ hìu Yàng Tom Trồ dê.

Ejra 8:36 ပူးပေါင်းရင်းမြစ်များ

Ejra 6:13

Gen, jat be jơnau gơnoar sồr bơtau Darius neh pơyoa, gen Tattenai cau kwang at bồ kơnhwàl Đah Ne Hiòng, Sethar Bôjenai, mơ ală cau tòm mpồl mơ bol khai lơh jat dô bă kràñ cê ngan jat be jơnau bơtau Darius neh sồr.

Nehemi 2:7

Añ kung đơs mơ bơtau lah: “Dilah niam nùs bơtau gen dan ai añ in sră pơyoa hơ ală kwang at bồ kơnhwàl Đah Ne Hiòng nàng bol khai ai añ in ƀuơn lòt gùng jơl tus di tŭ añ tus hơ lơgar Juda,

Este 3:12

Gen ală cau cih sră bơtau dê pơjum bal tòm ngai jơt pe kơnhai dùl, mơ dô gơnoar sồr, jat be gơnoar Haman dê, neh geh cih tus hơ bơtau oh mơ kwang dờng at bồ hơđang ală kơnhwàl dê mơ tus hơ ală cau kwang at bồ jơh làng bol, tus hơ kòp kơnhwàl jơnau đơs kòp làng bol dê. Ală sră hơ̆ geh cih tòm sơnđan să tòm bơtau Ahasuerus dê mơ geh tap ƀang kì bơtau dê.

Este 9:3

Jơh ală cau kwang at bồ tòm ală kơnhwàl, cau bơtau oh mơ ală cau kwang đơng lơgar, mơ ală cau kwang duh broă cau bơtau dê kung neh dong kòl ală cau Juda, tài bơh bol khai rngòt di Mordike.

Jơnau Pơnđik 16:7

Tŭ gùng dà cau lơi dê niam nùs Yàng Jehôwa, gen Kơnràñ kung lơh ală cau sò tơm khai dê ơm gơtòmsòr bal mơ khai.

Broă 18:27

Tòm tŭ Apôlôs lơh nền lòt hơ lơgar Acai, gen ală cau dòn tòm Ephesô dong kòl khai cih sră pơyoa ală cau dòn in tòm Acai sồr wă rò khai. Tòm tŭ neh tus rau, gen khai dong kòl oă ngan ală cau neh kơnòm di bơta nđàc mơ gơlik gơs cau dòn.

Yal Tơlik 12:16

Mơya plai ù dong kòl cau ùr, gơ ha bơr hùc hiòng dà mơ nagrài neh broac bơh di bơr gơ.