Ejra 8:25 - Sră Goh 2018

²⁵ Mơ añ neh kơr bol khai in ală phan ơn mơ priă mơ màh, mơ ală phan ngui mơ cau bơtau, ală cau bơyai broă mơ ală cau kwang duh broă bơtau dê, bal mơ jơh Israel gơs mat tềng hơ̆ neh ơn hìu Yàng Tom Trồ bol he in.

Ejra 8:25 ပူးပေါင်းရင်းမြစ်များ

Ejra 1:8

Sirus bơtau Persia sồr Mitredat, cau kwang at bồ đam jàr cèng tus ală phan hơ̆, kòp khà bol gơ mơ jào Sesbajar in la cau kwang at bồ làng bol Juda dê.

Ejra 2:69

Jat be bơta pràn bol khai dê, bol khai ơn tòm đam jàr lơh broă do prau jơt dùl rbô darik màh, pram rbô mina priă mơ dô rhiang yô ào jrùh cau gơnoar ơn phan duh khoai dê.

Ejra 8:33

Tòm ngai poan tòm hìu Yàng Tom Trồ bol hi dê, priă, màh, mơ ală phan ngui neh kơr ơn tòm tê cau gơnoar ơn phan duh khoai Meremôt kòn klau Uria, bal mơ khai la Eleajar kòn klau Phineas, lòt bal mơ bol khai kung gơs ală cau Lebi la Jôsaƀat kòn klau Jesua mơ Nôadia kòn klau Binnui.

Khà Làng Bol 7:85

Kòp nơm prềng priă kơnjơ̆ dô rhiang pe jơt sieklơ, mơ kòp nơm jơrlŭ ơn dà rsìh kơnjơ̆ poh jơt sieklơ. Jơh ală prềng priă kơnjơ̆ bàr rbô poan rhiang sieklơ, jat sieklơ tiah sàng goh dê.

Philip 4:8

Lồi tơnơ̆, ơ oh mi, dilah bơta lơi song ngan, bơta lơi màng ryŭ; bơta lơi song ring, bơta lơi sàng goh, bơta lơi pal kòñ gơboh, bơta lơi gơs pơnro niam, dilah gơs bơta kơ̆ dơn lơi, dilah gơs bơta lơi pal jòng ro, gen oh mi pal kơlôi sơnơng tĕ di ală bơta hơ̆.