Ejra 8:23 - Sră Goh 2018

²³ Behơ̆ bol hi ơt sa mơ hòi dan mơ Yàng Tom Trồ bol hi dê bơh bơta hơ̆, mơ Kơnràñ iat jơnau hòi dan bol hi dê.

Ejra 8:23 ပူးပေါင်းရင်းမြစ်များ

Sơnròp Gơlik Gơs 25:21

Isak hòi dan mơ Yàng Jehôwa bau khai in bơh khai kơnền. Yàng Jehôwa kơno jơnau hòi dan hơ̆ gen ai Rebeka in bun.

II Ală Bơtau 13:4

Mơya Jôaca hòi dan di Yàng Jehôwa, mơ Yàng Jehôwa dòp jơnau hòi dan khai dê, bơh Kơnràñ gŏ mbe lơi bơtau Aram rồn bơklơn cau Israel.

I Yal Yau 5:20

Mơ tòm tŭ bol khai geh dòp bơta dong kòl nàng tòmdră mơ ală cau sò tơm, bol khai hòi dan mơ Yàng Tom Trồ tòm bơta tòmlơh; gen Kơnràñ jào cau Hagrit bal mơ mpồl lòt bal mơ bol hơ̆ tòm tê bol khai dê, mơ Kơnràñ ai bol khai in bơta pha lin, tài bơh bol khai dòn kơnòm di Kơnràñ.

Ejra 8:31

Gen bol hi lòt bơh hiòng Ahaba tòm ngai jơt bàr kơnhai dùl nàng lòt hơ Jerusalem. Tê Yàng Tom Trồ bol hi dê ơm hơđang bol hi, mơ Kơnràñ sền gàr bol hi klàs bơh di ală cau sò tơm ơm kơp òm rò gùng.

Nehemi 9:1

Tòm ngai bàr jơt poan kơnhai hơ̆, làng bol Israel pơjum bal ơt sa soh ào ƀào, rsìh kơmbuh ù hơđang bồ bol khai dê.

Este 4:16

“Lòt pơjum tĕ jơh ală cau Juda ơm tòm Susa, mơ tài bơh añ mơ ơt sa. Bañ sa hala hùc tòm pe ngai mơ pe mang. Añ mơ ală cau ùr duh broă añ kung rơp ơt sa sơl. Tòm tŭ neh lơh behơ̆ rau, añ rơp lòt tus hơ cau bơtau bulah bơta hơ̆ la tìs mơ bơta boh lam. Mơ dilah añ pal chơt gen añ chơt.”

Jơnau Pơnđik 3:5

Jơh nùs dòn kơnòm tĕ di Yàng Jehôwa. Bañ dòn kơnòm di bơta àng loh kòn dê;

Esai 19:22

Yàng Jehôwa rơp pù lơh Ejiptơ, pù lơh gen sơmbòi wơl; bol khai rơp rê wơl mơ Yàng Jehôwa, mơ Kơnràñ rơp ho wơl ală jơnau bol khai rac dan mơ sơmbòi bol khai.

Jeremi 33:3

‘Lùp tĕ Añ, Añ rơp ho wơl mê in; Añ rơp yal mê in ală broă dờng mơ ndơp ndơr, la ală broă mê òhềt tŭ lơi git.’

Daniel 9:3

Behơ̆, añ wèt mat hơ Yàng la Yàng Tom Trồ, jòi jat Kơnràñ bơh bơta hòi dan, rac ròc bal mơ bơta ơt sa, soh ồi ào bài sơnò kiat mơ nggui tòm bùh.

Luka 2:37

mơ do neh ơm bơnrau phàm jơt poan nam rau. Mò ò gơs tŭ lơi lik bơh di hìu duh khoai, ngai mơ mang kư̆ duh broă Yàng, ơt sào mơ hòi dan.

Broă 10:30

Kornai ho lah: “Neh poan ngai do rau, kung di di jơ pe, añ ơm hòi dan, nisơna gơs cau soh ào gơcrà àng lơr, ntào di đap añ,

Yal Wơl 4:29

Mơya bơh tềng hơ̆ bol mê rơp jòi jat Jehôwa Yàng Tom Trồ bol mê dê, bol mê rơp jòi bàn Kơnràñ dilah bol mê jơh nùs jơh hwềng soàn jòi jat Kơnràñ.