Ejra 8:22 - Sră Goh 2018

²² Bơh añ ƀàssìl nàng dan bơtau ai dô mpồl ling bal mơ ală cau ling hào ơseh nàng sền gàr bol hi klàs bơh di ală cau sò tơm tòm gùng bol hi dê, bơh di tŭ bol hi neh đơs mơ cau bơtau lah: “Tê Yàng Tom Trồ bol hi dê kòñ nđàc jơh ală cau jòi Kơnràñ, mơya gơnoar pràn mơ bơta gơjrañ Kơnràñ dê tòmdră mơ jơh ală cau sang lòi Kơnràñ.”

Ejra 8:22 ပူးပေါင်းရင်းမြစ်များ

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 15:2

Khai lik lòt tòm mat mơ bơtau Asa mơ đơs lah: “Ơ bơtau Asa mơ jơh bol mê la ală cau Juda mơ Benjamin, iat tĕ añ. Yàng Jehôwa ơm bal mơ bol mê tòm tŭ bol mê ơm mơ Kơnràñ. Dilah bol mê jòi jat Kơnràñ, bol mê rơp jòi bàn Kơnràñ, mơya dilah bol mê sang lòi Kơnràñ, gen Kơnràñ rơp sang lòi bol mê.

II Yal Yau 16:9

Bơh Yàng Jehôwa sền sơwì làm plai ù nàng bơtơl pràn ală cau in jơh nùs dòn song mơ Kơnràñ. Bơtau neh lơh dô bơta bơrngơl gơla be do, bơh tŭ do rơp gơs bơta kơlìn sùm hơđang bơtau.”

Ejra 7:28

la Bơtau neh lơh añ in geh bơta kòñ gơboh kơ̆ dơn di đap cau bơtau mơ ală cau kwang bơyai broă bơtau dê, mơ di đap jơh ală cau kwang gơs gơnoar pràn cau bơtau dê. Añ gơs bơta khin cha, tài bơh tê Jehôwa Yàng Tom Trồ añ jê neh ơm hơđang añ, mơ añ pơjum tơrgòm ală cau lam bồ tòm Israel nàng lòt bal mơ añ.

Ejra 7:6

hơ̆ la Ejra do neh rê bơh Babilôn. Khai la dô nă cau git jak tòm bơta boh lam Môise dê, mơ Yàng Jehôwa la Yàng Tom Trồ Israel dê neh ai khai in; mơ bơtau neh ai khai in jơh ală bơta khai neh dan, tài bơh tê Yàng Jehôwa la Yàng Tom Trồ khai dê ơm hơđang khai.

Ejra 7:9

Tòm ngai dùl kơnhai dùl, bơta lòt gùng bơh Babilôn neh sơntòm, mơ tòm ngai dùl kơnhai pram khai neh tus hơ Jerusalem, bơh tê kòñ nđàc Yàng Tom Trồ dê neh ơm hơđang khai.

Ejra 8:31

Gen bol hi lòt bơh hiòng Ahaba tòm ngai jơt bàr kơnhai dùl nàng lòt hơ Jerusalem. Tê Yàng Tom Trồ bol hi dê ơm hơđang bol hi, mơ Kơnràñ sền gàr bol hi klàs bơh di ală cau sò tơm ơm kơp òm rò gùng.

Nehemi 2:9

Behơ̆, añ lòt tus hơ ală kwang at bồ kơnhwàl Đah Ne Hiòng mơ ai bol khai in sră pơyoa bơtau dê. Tŭ hơ̆ bơtau neh sồr ală kwang ling mơ ală ling hào ơseh lòt bal mơ añ.

Đơs Crih 20:8

Ală cau hơ̆ rơp ruc wơl mơ gơplơ̆, Mơya bol hi rơp guh mơ ntào song.

Đơs Crih 34:22

Yàng Jehôwa tơwài bơta kis ală cau duh broă Kơnràñ dê; Mơ cau lơi kìng crŭ să he tòm Kơnràñ gen ò gơkòl lơh nền glài.

Đơs Crih 90:11

Ñcau git kơlôi bơh gơnoar bơta gơhào gơjrañ Yàng dê taih? Ñcau git kơlôi bơh bơta gơjrañ dờng Kơnràñ dê gen rngòt di Kơnràñ taih?

Ñìm Rac 3:25

Yàng Jehôwa la niam gơwèt mơ ală cau kơp gơn Kơnràñ, gơwèt mơ hwềng soàn ală cau jòi Kơnràñ.

Rôma 8:28

Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.

I Kôrintô 9:15

Pơnah đah añ, añ ò ngui gơnoar hơ̆ ò, kung ò cih sră do nàng ai wơl gơnoar hơ̆; chan añ kong chơt la niam rlau mơ kong cau lơh bơta jòng să añ jê gơlik gơs ò kwơ.

II Kôrintô 7:14

Dilah añ neh jòng să dô êt lơi bơh oh mi di đap Tit, gen kung ò ƀàssìl; bơh bol hi neh đơs bơh oh mi la song ngan, be jơh ală bơta añ neh jòng să oh mi di đap Tit kung la ngan sơl.

Hebrơ 10:38

Cau song ring añ jê rơp kis bơh bơta dòn, Dilah ruc wơl, gen hwềng soàn añ ò chò hòp bơh khai dô êt lơi.”

Jôsue 22:16

“Jơh mpồl jơnum Yàng Jehôwa dê đơs lah: ‘Ñchi bơta bol mê ò dòn song do mơ bol mê neh tòmdră mơ Yàng Tom Trồ Israel dê, sang lòi ò lòt jat Yàng Jehôwa tòm ngai do, mơ bơt bơtào bol mê in dô nơm cơnòng duh khoai ndai ngai do nàng tòmdră mơ Yàng Jehôwa taih?

Jôsue 23:16

Dilah bol mê lơh tìs mơ bơta ho bal Jehôwa Yàng Tom Trồ bol mê dê mơ Kơnràñ neh ai jơnau gơnoar sồr bol mê in, mơ lòt duh broă ală yàng ndai mơ cùn khoai di đap bol gơ, gen bơta gơjrañ dờng Yàng Jehôwa dê rơp gơhào khuh di bol mê, mơ bol mê rơp gơkòl tơnroh mhar bơh di lơgar niam mơnĕ mơ Kơnràñ neh ai bol mê in.”

I Pier 3:12

Bơh mat Yàng wèt sền cau song ring, Tồr Kơnràñ kòñ iat jơnau hòi dan bol khai dê; Mơya muh mat Yàng sòdră di cau lơh iơh.”