Ejra 8:21 - Sră Goh 2018

²¹ Gen añ yal tơnggit dô bơta ơt sa tềng hơ̆, di gah hiòng Ahaba, mơ tơnliah să bol hi di đap Yàng Tom Trồ bol hi dê, mơ jòi jat Kơnràñ ai bol hi in bơta ring lơngai tòm gùng lòt bol hi dê, kòn sau bol hi dê mơ ală phan mơna bol hi dê.

Ejra 8:21 ပူးပေါင်းရင်းမြစ်များ

II Yal Yau 20:3

Jehôsaphat rngòt rngơt, să tòm khai jòi jat Yàng Jehôwa, mơ khai yal tơnggit bơta ơt sa tòm làm jơh Juda.

II Yal Yau 20:4

Juda pơjum bal nàng jòi lùp bơta dong kòl bơh Yàng Jehôwa; bơh di ală ƀòn dờng tòm Juda làng bol lòt tus nàng hòi lùp Yàng Jehôwa;

Ejra 8:15

Añ pơjum tơrgòm bol khai di gah hiòng hòr tus hơ Ahaba, mơ bol hi lơh sàl tềng hơ̆ tòm pe ngai. Tòm tŭ añ sền sơwì làng bol mơ ală cau gơnoar ơn phan duh khoai, gen añ gŏ ò gơs dô nă kòn sau cau Lebi lơi tềng hơ̆.

Ejra 8:31

Gen bol hi lòt bơh hiòng Ahaba tòm ngai jơt bàr kơnhai dùl nàng lòt hơ Jerusalem. Tê Yàng Tom Trồ bol hi dê ơm hơđang bol hi, mơ Kơnràñ sền gàr bol hi klàs bơh di ală cau sò tơm ơm kơp òm rò gùng.

Nehemi 9:1

Tòm ngai bàr jơt poan kơnhai hơ̆, làng bol Israel pơjum bal ơt sa soh ào ƀào, rsìh kơmbuh ù hơđang bồ bol khai dê.

Este 4:16

“Lòt pơjum tĕ jơh ală cau Juda ơm tòm Susa, mơ tài bơh añ mơ ơt sa. Bañ sa hala hùc tòm pe ngai mơ pe mang. Añ mơ ală cau ùr duh broă añ kung rơp ơt sa sơl. Tòm tŭ neh lơh behơ̆ rau, añ rơp lòt tus hơ cau bơtau bulah bơta hơ̆ la tìs mơ bơta boh lam. Mơ dilah añ pal chơt gen añ chơt.”

Đơs Crih 137:1

Bol hi ơm nggui di gah ală hiòng tòm lơgar Babilôn, Mơ ñìm tòm tŭ kah wơl Siôn.

Đơs Crih 5:8

Ơ Yàng Jehôwa, tài bơh cau sò tơm di añ, Dan ai bơta song ring Kơnràñ dê mơ tề lam añ, Mơ bơsong gùng Kơnràñ dê di đap añ.

Đơs Crih 5:9

Bơh di bơr bol khai ò gơs bơta dòn song; Nùs bol khai bềng bơta tơnroh, Rnồng bol khai la bơtô ƀồc pò tơlik, Lơmpiat bol khai dê bềng lìu jơnau rơmhòc.

Đơs Crih 8:2

Yàng kơnòm di bơr ală cau kơnòm mơ ală kòn gam pô nàng jòng ro Kơnràñ, Mơ Yàng bơtào gơs gơnoar pràn Kơnràñ dê tài bơh ală cau sò tơm di Kơnràñ, Nàng lơh bol khai mơ cau sal tê in ơm mŏ mŏ.

Jơnau Pơnđik 3:6

Tòm jơh ală gùng dà kòn dê, dòp git tĕ Kơnràñ, Gen Kơnràñ rơp bơsong ală gùng dà kòn dê.

Esai 30:21

Bulah bol mê pơrlac đah ma hala đah kiau, tồr bol mê rơp kơno gơs sap đơs đah ngkòi bol mê lah: “Do la gùng, lòt tĕ tòm hơ̆!”

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Esai 42:16

Añ rơp tề ală cau jơngo lòt tòm ală gùng bol khai ò git, Añ rơp lam bol khai tòm ală gùng bol khai òhềt mòng git; Añ rơp tòmgơl bơta jơngo gơlik gơs bơta àng di đap bol khai, mơ lơh ală tiah ò ring gơlik gơs ring niam. Hơ̆ la ală bơta Añ rơp lơh; mơ Añ rơp ò sang lòi bol khai.

Esai 49:10

Bol khai rơp ò jơgloh ò tơhìr, kơnhồl duh tòm ƀlàng bràs hala mattơngai rơp ò àl hơđang bol khai. Bơtau kòñ nđàc di bol khai rơp tề lam bol khai, mơ cèng bol khai tus rềp di croh dà.

Esai 58:3

Bol khai đơs lah: ‘Ñchi bơh tài bol hi ơt sa mơ Yàng ò sền gŏ taih? Ñchi bơh tài bol hi pơndêt să bol hi dê mơ Yàng ò cih kah taih?’ Sền ne, bol mê duh broă ală bơta nùs bol mê hàm kòñ tòm ngai bol mê ơt sa, mơ rồn bơklơn jơh ală cau lơh broă bol mê dê.

Esai 58:5

Hơ̆ ò di la bơta ơt sa mơ Añ neh sac rwah, la dô ngai nàng dô nă cau pơndêt să ò ơ? Hơ̆ ò di la dô ngai dô nă cau in kun bồ kung be dô nơm gai proh, bic hơđang ƀào sơnò kiat mơ hơđang bùh ò ơ?

Jeremi 10:23

Ơ Yàng Jehôwa, añ git gùng dà jơi kòn mơnus dê ò di bơh bol khai lơh tòm, Bol khai ò rgơi lơh nền ală cơnđòa jơng bol khai dê.

Jeremi 42:3

Dan Jehôwa Yàng Tom Trồ ồng dê sơnio bol hi in tềng đah bol khai pal lòt mơ ñchi broă bol hi pal lơh!”

Daniel 9:3

Behơ̆, añ wèt mat hơ Yàng la Yàng Tom Trồ, jòi jat Kơnràñ bơh bơta hòi dan, rac ròc bal mơ bơta ơt sa, soh ồi ào bài sơnò kiat mơ nggui tòm bùh.

Jôel 1:14

Lơh nền tĕ dô bơta ơt sa sàng goh, hòi jà tĕ dô bơta pơjum duh khoai, pơjum wơl tĕ ală cau kwang kra bal mơ jơh làng bol tòm lơgar tòm hìu Jehôwa Yàng Tom Trồ bol mê dê mơ rac dan mơ Yàng Jehôwa!

Lebi 16:29

Do la dô bơta sồr lam gam sùm sùm bol mê in: Tòm ngai jơt kơnhai poh bol mê pal ơt sa mơ bañ lơh dô nơm broă lơi, bulah la cau deh tòm lơgar hala cau làng bơdìh ơm digùl bol mê,

Lebi 16:31

Hơ̆ la dô ngai poh ơm rlô, mơ bol mê pal ơt sa; hơ̆ la dô bơta sồr lam gam sùm sùm.

Lebi 23:29

Tòm ngai hơ̆, cau lơi ò ơt sa gen pal kong tă sang bơh di làng bol khai dê.

Jôna 3:5

Làng bol Ninibe dòn Yàng Tom Trồ; bol khai yal tơnggit dô bơta ơt sa, mơ soh ƀào sơnò kiat, mơ jơh kòp nă cau, cau dờng mơ cau dềt.

Jôna 3:7

Gen bơtau ai jơnau sồr tòm ƀòn Ninibe lah: “Jat jơnau sồr cau bơtau dê bal mơ ală cau kwang dờng at bồ dê lah: bulah cau hala phan poan jơng, mpồl kơnrồ hala mpồl belàt ò geh sa liap phan lơi, jơh ală rơp ò geh sa hala hùc dà.

Khà Làng Bol 14:3

Ñchi bơh tài Yàng Jehôwa cèng bol hi tus hơ lơgar do nàng lòi bol hi gơpừ chơt bơh đào tiah? Ală bau ùr mơ ală kòn sau bol hi dê rơp kong kup cèng kung be phan cau tòmpìt geh. Ò di niam rlau bol hi in la rê wơl hơ Ejiptơ ò ơ?”

Khà Làng Bol 14:31

Ai đah pơnah ală kòn sau bol mê dê mơ bol mê neh đơs lah rơp gơkòl kup lơh gơs phan tòmpìt geh, Añ rơp cèng bol khai mut tòm hơ̆ nàng hòn chò tòm lơgar mơ bol mê sang lòi.

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Ală Kwang Cahrña 20:26

Gen cau Israel, jơh tơl nă guh tus hơ Betel, nggui tềng hơ̆ mơ ñìm di đap Yàng Jehôwa. Bol khai ñìm mơ ơt sa tòm ngai hơ̆ jơl tus mho mơ ơn ală phan ơn duh khoai chu pơrguc mơ ală phan ơn duh khoai ring lơngai Yàng Jehôwa in.

I Samuel 7:6

Behơ̆ bol khai neh pơjum bal tòm Mispa, mơ bơ̆ dà mơ tuh gơ di đap Yàng Jehôwa. Bol khai ơt sa tòm ngai hơ̆, mơ đơs lah: “Bol hi neh tìs glài tòmdră mơ Yàng Jehôwa.” Mơ Samuel la cau cahrña Israel tòm Mispa.