Ejra 8:15 - Sră Goh 2018

¹⁵ Añ pơjum tơrgòm bol khai di gah hiòng hòr tus hơ Ahaba, mơ bol hi lơh sàl tềng hơ̆ tòm pe ngai. Tòm tŭ añ sền sơwì làng bol mơ ală cau gơnoar ơn phan duh khoai, gen añ gŏ ò gơs dô nă kòn sau cau Lebi lơi tềng hơ̆.

Ejra 8:15 ပူးပေါင်းရင်းမြစ်များ

Ejra 7:24

Bol mê kung pal git lah bol mê ò gơs gơnoar boh dia lơi di ală cau gơnoar ơn phan duh khoai, ală cau Lebi, ală cau đơs chò, ală cau kơp mpồng, ală cau duh broă tòm hìu duh khoai, hala ală cau lơh broă ndai tòm hìu Yàng Tom Trồ dê.

Ejra 7:28

la Bơtau neh lơh añ in geh bơta kòñ gơboh kơ̆ dơn di đap cau bơtau mơ ală cau kwang bơyai broă bơtau dê, mơ di đap jơh ală cau kwang gơs gơnoar pràn cau bơtau dê. Añ gơs bơta khin cha, tài bơh tê Jehôwa Yàng Tom Trồ añ jê neh ơm hơđang añ, mơ añ pơjum tơrgòm ală cau lam bồ tòm Israel nàng lòt bal mơ añ.

Ejra 7:7

Gơs cau ƀà tòm làng bol Israel, ƀà la ală cau gơnoar ơn phan duh khoai, ală cau Lebi, ală cau đơs chò, ală cau kơp gàr mpồng, mơ ală cau duh broă tòm hìu duh khoai kung rê wơl hơ Jerusalem, tòm nam dơ̆ poh rài at bồ bơtau Artaserses dê.

Ejra 8:14

Bơh di kòn sau Bikbai gơs Utai mơ Jakkur, bal mơ bol khai gơs poh jơt nă cau klau.

Ejra 8:16

Behơ̆ añ hòi Eliejer, Ariel, Semayah, Elnathan, Jarip, Elnathan, Nathan Sacari mơ Mesullam la ală cau jak chài,

Ejra 8:2

bơh di ală kòn sau Phineas gơs Gersôm; bơh di kòn sau mpồl Ithamar gơs Daniel; bơh di kòn sau Dabit gơs Hattus;

Ejra 8:21

Gen añ yal tơnggit dô bơta ơt sa tềng hơ̆, di gah hiòng Ahaba, mơ tơnliah să bol hi di đap Yàng Tom Trồ bol hi dê, mơ jòi jat Kơnràñ ai bol hi in bơta ring lơngai tòm gùng lòt bol hi dê, kòn sau bol hi dê mơ ală phan mơna bol hi dê.

Ejra 8:31

Gen bol hi lòt bơh hiòng Ahaba tòm ngai jơt bàr kơnhai dùl nàng lòt hơ Jerusalem. Tê Yàng Tom Trồ bol hi dê ơm hơđang bol hi, mơ Kơnràñ sền gàr bol hi klàs bơh di ală cau sò tơm ơm kơp òm rò gùng.

Đơs Crih 137:1

Bol hi ơm nggui di gah ală hiòng tòm lơgar Babilôn, Mơ ñìm tòm tŭ kah wơl Siôn.

Ejekiel 1:1

Tòm nam dơ̆ pe jơt, ngai pram kơnhai poan, tòm tŭ añ ơm digùl ală cau kong kup cèng pơrdô, di gah hiòng Kebar, ală tap trồ pò tơlik mơ añ gŏ ală bơta gơtơnggŏ Yàng Tom Trồ dê.

Ejekiel 3:15

Añ lòt tus hơ ală cau kong kup cèng pơrdô ơm tòm Tel Abip rềp di hiòng Kebar. Mơ tềng hơ̆ la tiah bol khai ơm, añ nggui digùl bol khai tòm poh ngai, dơrcul moat jrùng.

Broă 16:13

Tus dê ngai Saƀat, bol hi lik hơ bơdìh ƀòn dờng lòt rềp di gah hiòng, tềng hơ̆ la tiah bol hi kơlôi lah gơs cau Juda pơjum bal nàng hòi dan; Bol hi nggui mơ tòmbơhbơr mơ ală cau ùr neh pơjum tềng hơ̆.