Ejra 7:6 - Sră Goh 2018

⁶ hơ̆ la Ejra do neh rê bơh Babilôn. Khai la dô nă cau git jak tòm bơta boh lam Môise dê, mơ Yàng Jehôwa la Yàng Tom Trồ Israel dê neh ai khai in; mơ bơtau neh ai khai in jơh ală bơta khai neh dan, tài bơh tê Yàng Jehôwa la Yàng Tom Trồ khai dê ơm hơđang khai.

Ejra 7:6 ပူးပေါင်းရင်းမြစ်များ

Sơnròp Gơlik Gơs 32:28

Cau hơ̆ đơs lah: “Sơnđan mê ò di la Jakôp tai, mơ rơp sơnđan la Israel, tài bơh mê neh tòmpơt mơ Yàng Tom Trồ mơ kòn mơnus, mơ mê neh geh pha.”

Ejra 5:5

Mơya mat Yàng Tom Trồ bol khai dê sền gàr ală cau kwang kra cau Juda dê, mơ bol khai ò rgơi dơh wơl jơl tus di tŭ gơs sră yal broă tus bơh Darius mơ geh jơnau ho wơl bơh sră pơyoa bơh bơta hơ̆.

Ejra 6:22

Bol khai ñô sa chò hòp bơta pơjum sa piang lă ò gơs kañ tòm poh ngai, tài bơh Yàng Jehôwa neh lơh bol khai in bềng lìu bơta hòn chò, mơ neh tơrwơl nùs Asiri dê hơ bol khai, tian gơs khai dong kòl bol khai tòm broă bơt bơtào hìu Yàng Tom Trồ la Yàng Tom Trồ Israel dê.

Ejra 7:21

Añ la bơtau Artaserses, ai jơnau gơnoar sồr jơh ală cau at bồ đam jàr tòm kơnhwàl Đah Ne Hiòng: Bulah bơta lơi cau gơnoar ơn phan duh khoai Ejra, cau git jak bơta boh lam Yàng Tom Trồ hơđang trồ kòñ dan mơ bol mê, lơh tĕ ală bơta hơ̆ jơh nùs ngac ngar,

Ejra 7:28

la Bơtau neh lơh añ in geh bơta kòñ gơboh kơ̆ dơn di đap cau bơtau mơ ală cau kwang bơyai broă bơtau dê, mơ di đap jơh ală cau kwang gơs gơnoar pràn cau bơtau dê. Añ gơs bơta khin cha, tài bơh tê Jehôwa Yàng Tom Trồ añ jê neh ơm hơđang añ, mơ añ pơjum tơrgòm ală cau lam bồ tòm Israel nàng lòt bal mơ añ.

Ejra 7:5

Buki kòn klau Abisua, Abisua kòn klau Phineas, Phineas kòn klau Eleajar, Eleajar kòn klau Arôn la cau gơnoar dờng ơn phan duh khoai,

Ejra 7:9

Tòm ngai dùl kơnhai dùl, bơta lòt gùng bơh Babilôn neh sơntòm, mơ tòm ngai dùl kơnhai pram khai neh tus hơ Jerusalem, bơh tê kòñ nđàc Yàng Tom Trồ dê neh ơm hơđang khai.

Ejra 8:1

Do la ală cau at bồ hìu nhă mơ ală cau geh cih sơnđan bal mơ bol khai la ală cau guh bal mơ añ bơh di Babilôn tòm rài at bồ bơtau Artaserses dê:

Ejra 8:18

Bơh di tŭ tê bơta nđàc Yàng Tom Trồ bol he dê ơm hơđang bol he, bol khai cèng bol he in dô nă cau geh khat gơboh tòm kòn sau Mahli, kòn klau Lebi, sau Israel; hơ̆ la Serebia, bal mơ ală kòn klau mơ oh mi jơt phàm nă;

Ejra 8:22

Bơh añ ƀàssìl nàng dan bơtau ai dô mpồl ling bal mơ ală cau ling hào ơseh nàng sền gàr bol hi klàs bơh di ală cau sò tơm tòm gùng bol hi dê, bơh di tŭ bol hi neh đơs mơ cau bơtau lah: “Tê Yàng Tom Trồ bol hi dê kòñ nđàc jơh ală cau jòi Kơnràñ, mơya gơnoar pràn mơ bơta gơjrañ Kơnràñ dê tòmdră mơ jơh ală cau sang lòi Kơnràñ.”

Ejra 8:31

Gen bol hi lòt bơh hiòng Ahaba tòm ngai jơt bàr kơnhai dùl nàng lòt hơ Jerusalem. Tê Yàng Tom Trồ bol hi dê ơm hơđang bol hi, mơ Kơnràñ sền gàr bol hi klàs bơh di ală cau sò tơm ơm kơp òm rò gùng.

Nehemi 12:26

Ală cau hơ̆ duh broă tòm rài Jôyakim kòn klau Jesua sau Jôjadak, mơ tòm rài Nehemi kwang đơng lơgar, mơ tòm rài Ejra la cau gơnoar ơn phan duh khoai, mơ cau gơnoar cih.

Nehemi 12:36

mơ ală oh mi bol khai di la: Semayah, Ajarel, Milalai, Gilalai, Maai, Nethanel, Juda, mơ Hanani at ală kơñi Dabit cau Yàng Tom Trồ dê. Ejra cau gơnoar cih lòt hơđap bol khai.

Nehemi 2:12

Gen añ guh tòm mang bal mơ bàr pe nă cau klau, añ ò yal cau lơi in ñchi bơta Yàng Tom Trồ añ jê neh ơn tòm nùs añ nàng lơh Jerusalem in. Añ mìng gơs phan poan jơng mơ añ neh hào lơm.

Nehemi 2:18

Añ yal bol khai in git mbe tê Yàng Tom Trồ añ jê neh kòñ nđàc di añ, mơ kung yal ală jơnau bơtau neh đơs mơ añ. Bol khai ho lah: “Bol he bơt wơl tĕ!” Behơ̆ bol khai lơh broă bal dô bă niam.

Nehemi 2:8

mơ dô nơm sră pơyoa tus hơ Asap cau at bồ brê bơtau dê, nàng sồr khai ai añ in chi nàng lơh ală jrong mpồng theng kơ̆ cê dê, mơ dơrñang ƀòn dờng dê, bal mơ hìu tòm añ jê.” Bơtau ai gơnoar añ in bơta añ neh dan, tài bơh tê kòñ nđàc Yàng Tom Trồ añ jê ơm hơđang añ.

Nehemi 4:15

Tòm tŭ ală cau sò tơm bol hi dê git bol hi neh git kai gơrmơ̆i bol khai dê, mơ Yàng Tom Trồ neh lơh roh gơprah kai gơrmơ̆i bol khai dê, gen jơh tơl nă bol hi rê wơl hơ dơrñang, kòp nă lơh wơl broă tòm he.

Nehemi 8:1

Gen bol khai pơjum bal be dô nă tòm ƀlàng dờng di đap Mpồng Dà. Bol khai sồr Ejra cau bơto bơta boh lam cèng sră boh lam Môise dê mơ Yàng Jehôwa neh ai làng bol Israel in.

Nehemi 8:13

Tòm ngai bàr ală cau at bồ tòm ală hìu nhă jơh làng bol dê, ală cau ơn phan duh khoai, mơ ală cau Lebi pơjum gùt dar Ejra cau gơnoar cih nàng bơtê ală jơnau bơta boh lam dê.

Nehemi 8:4

Cau bơto bơta boh lam Ejra ntào hơđang tiah bơto lơh mơ mpàn mơ cau neh lơh nàng ngui tŭ hơ̆. Ntào di gah khai la Mattithia, Sema, Anayah, Uria, Hilkia; ntào đah ma khai la Maaseyah; mơ Pedayah, Misael, Malkijah, Hasum, Hasbadanah, Sacari, mơ Mesulam ntào đah kiau khai.

Nehemi 8:9

Gen Nehemi cau kwang at bồ kơnhwàl, Ejra cau gơnoar ơn phan duh khoai kung la cau gơnoar cih, mơ ală cau Lebi la ală cau bơto làng bol đơs mơ làng bol Israel lah: “Ngai do la ngai sàng goh Jehôwa Yàng Tom Trồ bol mê in, bañ moat jrùng mơ ñìm rac.” Tài bơh jơh làng bol ñìm tòm tŭ bol khai kơno ală jơnau bơta boh lam dê.

Nehemi 9:13

Kơnràñ kung neh mù hơđang mơnơm Sinai tòmbơhbơr mơ bol khai bơh đang trồ, ai bol khai in ală bơta sồr lam, bơta boh lam di pal mơ song ring, bơta lơh nền mơ jơnau gơnoar sồr niam ngan.

Đơs Crih 109:27

Lòi bol khai in git hơ̆ la tê Kơnràñ dê; Ơ Yàng Jehôwa, să tòm Kơnràñ neh lơh bơta hơ̆!

Đơs Crih 147:19

Yàng yal loh jơnau Kơnràñ dê Jakôp in, Hơ̆ la ală bơta lơh nền mơ gơnoar sồr Israel in.

Đơs Crih 45:1

Nùs añ bềng lìu ală jơnau đơs niam; Añ đơs jơnau đơs crih cau bơtau in, Lơmpiat añ kung be gai cih cau gơnoar cih chài rgơi.

Đơs Crih 80:18

Behơ̆ bol hi rơp ò gơs tŭ lơi sang lòi Yàng tai; Dan ai bol hi in bơta kis, gen bol hi rơp hòi dan di sơnđan Yàng.

Jơnau Pơnđik 3:6

Tòm jơh ală gùng dà kòn dê, dòp git tĕ Kơnràñ, Gen Kơnràñ rơp bơsong ală gùng dà kòn dê.

Esai 50:2

Ñchi bơh tài tòm tŭ Añ tus, ò gơs dô nă cau lơi taih? Ñchi bơh tài tòm tŭ Añ hòi, ò gơs dô nă cau lơi ho wơl taih? Tơwòr tê Añ la liah ngan tian gơs ò rgơi tơwài bol mê sơl ơ? Añ ò tơl pràn nàng dong tă bol mê sơl ơ? Mìng bơh dô jơnau lah pơrhơng mơ Añ neh lơh soat dàlềng, Añ lơh ală hiòng dà gơlik gơs ƀlàng bràs; ka tòm dà gơ dê chơt ồm bơh siơ̆u dà, mơ chơt tơhìr dà.

Esai 59:1

Ne, tê Yàng Jehôwa dê ò liah ir nàng ò dong tă, hala tồr Kơnràñ dê kung ò tĭ nàng ò kơno.

Jeremi 8:8

Mbe bol mê rgơi đơs lah: “Bol he la àng jak, mơ bơta boh lam Yàng Jehôwa ơm bal mơ bol hi,” Mơya, gai cih ma blac ală cau gơnoar cih dê Neh lơh bơta boh lam hơ̆ gơlik bơta đơs blac!

Mathiơ 13:52

Kơnràñ đơs tai lah: “Tài behơ̆ kòp nă cau bơto bơta boh lam mơ neh gơlik gơs cau bơtê lơgar đang trồ dê la kung be dô nă cau tòm hìu cèng tơlik ală phan pa mơ phan yau bơh tòm đam khai dê.”

Mathiơ 23:2

“Ală cau bơto bơta boh lam mơ cau Pharisi nggui hơđang cơnòng Môise dê.

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

I Kôrintô 15:1

Ơ oh mi, añ tơngkah wơl oh mi in Jơnau Niam añ neh bơto yal oh mi in, mơ oh mi neh dòp rau, mơ oh mi kung gam ntào kơ̆ tòm jơnau hơ̆.

Yal Wơl 28:1

Dilah bol mê dòn bơr wil tơl Jehôwa Yàng Tom Trồ bol mê dê mơ kơrhia lơh jat jơh ală jơnau sồr Kơnràñ dê mơ añ ai bol mê in tòm ngai do, gen Jehôwa Yàng Tom Trồ bol mê dê rơp bơtào bol mê hơđang jơh ală làng bol ndai tòm plai ù.

Yal Wơl 4:5

Sền tĕ, añ neh bơto bol mê in git ală bơta lơh nền mơ ală bơta boh lam mơ Jehôwa Yàng Tom Trồ añ jê neh sồr añ, tồ bol mê rgơi lơh jat tòm lơgar bol mê rơp mut mơ dòp lơh gơs sre brê.