Ejra 7:5 - Sră Goh 2018

⁵ Buki kòn klau Abisua, Abisua kòn klau Phineas, Phineas kòn klau Eleajar, Eleajar kòn klau Arôn la cau gơnoar dờng ơn phan duh khoai,

Ejra 7:5 ပူးပေါင်းရင်းမြစ်များ

I Yal Yau 6:4

Eleajar tơnggơs Phinea, Phinea tơnggơs Abisua,

II Yal Yau 19:11

Do, Amaria cau gơnoar ơn phan duh khoai rơp lam bồ bol mê tòm ală bơta gơwèt hơ Yàng Jehôwa, mơ Jebadia kòn klau Ismael, cau lam bồ jơi bơtiàn Juda dê, rơp lam bol mê tòm ală bơta gơwèt hơ cau bơtau, mơ cau Lebi rơp duh broă bol mê be ală cau kwang. Lơh khin cha tĕ mơ lơh jat ală jơnau nting sồr do mơ dan Yàng Jehôwa ơm bal mơ ală cau song ring.”

II Yal Yau 26:20

Tòm tŭ Ajaria cau gơnoar lam bồ ơn phan duh khoai mơ jơh ală cau gơnoar ơn phan duh khoai sền gŏ tềl dun di bìng liang khai dê, gen bol khai bơtrơh khai lik mo, mơ să tòm Ujia kung sơrbac sơrbang lik, tài bơh Yàng Jehôwa neh lơh khai.

Ejra 7:4

Merayôt kòn klau Jerahiah, Jerahiah kòn klau Uji, Uji kòn klau Buki,

Ejra 7:6

hơ̆ la Ejra do neh rê bơh Babilôn. Khai la dô nă cau git jak tòm bơta boh lam Môise dê, mơ Yàng Jehôwa la Yàng Tom Trồ Israel dê neh ai khai in; mơ bơtau neh ai khai in jơh ală bơta khai neh dan, tài bơh tê Yàng Jehôwa la Yàng Tom Trồ khai dê ơm hơđang khai.

Lik Ejiptơ 6:25

Eleasa, kòn klau Arôn dê, bau mơ kòn ùr Phetuel dê; khai tơnggơs Phenina Eleajar in. Hơ̆ la ală cau sơnròp bồ dà jơi bơtiàn Lebi dê, jat kòp mpồl hìu nhă.

Lebi 10:12

Môise đơs mơ Arôn, Eleajar mơ Ithamar la bàr nă kòn klau gam wơl Arôn dê lah: “Ai tĕ phan ơn mơ kơmbuh phe gam tơngkah wơl bơh phan ơn duh khoai ngui ồs pơdơng Yàng Jehôwa in mơ sa tĕ ò bơcă mơ kañ rềp di cơnòng duh khoai, tài bơh la dô nơm phan sàng goh ngan.

Lebi 10:16

Tòm tŭ Môise lùp bơh dô nơm be lơh gơs phan ơn tơwài glài mơ git lah gơ neh chu pơrguc tòm ồs rau gen khai gơjrañ di Eleajar mơ Ithamar la bàr nă kòn klau gam wơl Arôn dê, mơ lùp lah:

Lebi 10:6

Gen Môise đơs mơ Arôn bal mơ ală kòn klau khai dê la Eleajar mơ Ithamar lah: “Bañ lòi sŏ bol mê dê ò kèr, mơ bañ crè ồi ào bol mê dê, rngòt bol mê rơp chơt mơ Yàng Jehôwa rơp gơjrañ di jơh mpồl làng bol mòn. Mơya jơh gơp bơtiàn bol mê dê, jơh ală hìu nhă Israel dê rgơi ñìm rac bơh ală cau mơ Yàng Jehôwa neh tơnroh tòm ồs.

Khà Làng Bol 27:2

Bol khai tus rềp di tiah mut Sàl Tòm Mat, mơ ntào di đap Môise, Eleajar cau gơnoar ơn phan duh khoai, ală cau kwang at bồ jơh dô mpồl jơnum làng bol dê, mơ đơs lah:

Khà Làng Bol 3:32

Cau gơnoar dờng at bồ ală cau Lebi la Eleajar kòn klau Arôn, cau gơnoar ơn phan duh khoai. Khai geh pồ bơtào hơđang ală cau gơs broă tòm rcang gàr tiah sàng goh.

Khà Làng Bol 31:31

Behơ̆ Môise mơ Eleajar cau gơnoar ơn phan duh khoai neh lơh jat be jơnau sồr Yàng Jehôwa dê.

Khà Làng Bol 31:54

Behơ̆ Môise mơ Eleajar cau gơnoar ơn phan duh khoai dòp màh bơh di ală cau kwang at bồ rbô nă mơ ală cau kwang at bồ rhiang nă, mơ cèng gơ tus tòm Sàl Tòm Mat lơh gơs phan kah kirsơnre ală cau Israel in di đap Yàng Jehôwa.

Khà Làng Bol 31:6

Môise sồr bol khai lik lòt tòmlơh, dô rbô nă bơh di kòp jơi bơtiàn lòt jat Phineas kòn klau Eleajar cau gơnoar ơn phan duh khoai, khai cèng bal mơ khai ală phan ngui tòm hìu duh khoai mơ ală kơlwòk ngui nàng lơh tềl ai jơnau sồr.

Hebrơ 5:4

Mơ bơta ryŭ ryơm hơ̆ ò gơs cau lơi jòi is he in, mơya pal geh Yàng Tom Trồ hòi sac, kung be Arôn òr nau.

Jôsue 14:1

Do la sre brê mơ làng bol Israel neh dòp geh tòm lơgar Kanaan mơ Eleajar cau gơnoar ơn phan duh khoai, Jôsue kòn klau Nun, bal mơ ală cau kwang at bồ ală mpồl hìu nhă tòm jơi bơtiàn Israel dê neh tòmpà bol khai in.

Jôsue 22:13

Behơ̆ làng bol Israel sồr Phineas, kòn klau cau gơnoar ơn phan duh khoai Eleajar, lòt tus hơ cau Ruben, cau Gat, mơ nggùl jơi bơtiàn cau Manase tòm lơgar Galaat.

Jôsue 22:31

Gen Phineas, kòn klau cau gơnoar ơn phan duh khoai Eleajar đơs mơ cau Ruben, cau Gat, mơ cau Manase lah: “Ngai do bol hi git lah Yàng Jehôwa ơm bal mơ bol he, tài bơh oh mi ò lơh dô bă ò dòn song gơwèt mơ Yàng Jehôwa tòm bơta do; behơ̆ oh mi neh dong làng bol Israel klàs bơh di tê Yàng Jehôwa.”

Jôsue 24:33

Eleajar, kòn klau Arôn chơt mơ geh tơp tòm Gibeah la ù tiah neh tòmpà ai Phineas, kòn klau khai in, tòm lơgar kơh mơnơm Epraim dê.

Ală Kwang Cahrña 20:28

gơs Phinea kòn Eleajar, sau Arôn duh broă di đap gơ), mơ lah: “Bol hi pal lòt tòmlơh tai mơ ală oh mi bol hi dê la cau Benjamin hala bol hi pal ơm taih?” Yàng Jehôwa ho lah: “Lòt tĕ, bơh ngai hìng añ rơp jào phi bol khai tòm tê bol mê dê.”