Ejra 7:25 - Sră Goh 2018

²⁵ Ai mê, ơ Ejra, jat be bơta jak chài Yàng Tom Trồ mê dê mơ mê neh gơs, pồ bơtào tĕ ală cau kwang at bồ mơ ală cau kwang cahrña nàng bol khai cahrña jơh làng bol tòm kơnhwàl ơm Đah Ne Hiòng, la ală cau git ală bơta boh lam Yàng Tom Trồ mê dê, mơ mê pal bơto ală bơta hơ̆ cau lơi ò git ală bơta boh lam hơ̆.

Ejra 7:25 ပူးပေါင်းရင်းမြစ်များ

Sơnròp Gơlik Gơs 41:38

Pharaôn đơs mơ ală cau duh broă khai dê lah: “Bol he jòi gŏ dô nă cau be cau do, gơs hwềng Yàng Tom Trồ dê sơl ơ?”

Sơnròp Gơlik Gơs 41:39

Pharaôn đơs mơ Jôsep lah: “Bơh Yàng Tom Trồ neh sơnio mê in git ală broă do, gen ò gơs cau lơi jak chài mơ git kơrhia be mê tai.

I Ală Bơtau 3:28

Tòm tŭ jơh ală cau Israel kơno bơta cahrña bơtau dê, gen bol khai duh rngòt ngan di bơtau, tài bơh bol khai dòp git cau bơtau gơs bơta jak chài Yàng Tom Trồ dê nàng lơh jat bơta song ring.

II Ală Bơtau 17:27

Gen bơtau Asiri ai gơnoar sồr lah: “Cèng tĕ tềng hơ̆ dô nă cau gơnoar ơn phan duh khoai mơ bol mê neh kup bơh tềng hơ̆, nàng bơto bol khai in bơta boh lam yàng lơgar dê.”

I Yal Yau 22:12

Dan Yàng Jehôwa ai kòn in bơta jak chài mơ bơta git wă tòm tŭ Kơnràñ jào gơnoar kòn in at bồ hơđang Israel, nàng kòn prap gàr bơta boh lam Jehôwa Yàng Tom Trồ kòn dê.

I Yal Yau 23:4

Dabit đơs lah: “Bàr jơt poan rbô nă tòm ală cau do rơp rcang gàr broă lơh tòm hìu duh khoai Yàng Jehôwa dê mơ prau rbô nă la cau kwang at bồ mơ kwang cahrña.

Ejra 10:4

Lơh tĕ, bơh hơ̆ la broă tòm ồng dê, mơ bol hi rơp ơm bal mơ ồng, lơh tĕ pràn kơldang mơ lơh tĕ bơta hơ̆.”

Ejra 6:6

Tŭ do, ơ Tattenai cau kwang at bồ kơnhwàl Đah Ne Hiòng, mơ Sethar Bôjenai mơ ală cau tòm mpồl jơnum bal mơ mê, lơh broă bal tòm kơnhwàl hơ̆, ơm tĕ ngài bơh tềng hơ̆.

Ejra 7:10

Bơh Ejra neh ơn nùs khai dê bơtê bơta Boh Lam Yàng Jehôwa dê, mơ lơh jat gơ, nàng bơto ală jơnau sồr lam mơ bơta boh lam tòm Israel.

Ejra 7:14

Bơtau mơ poh nă cau bơyai broă bơtau dê neh sồr mê lòt nàng lùp sơwì bơh Juda mơ Jerusalem, gơwèt hơ bơta boh lam Yàng Tom Trồ mê dê, la bơta boh lam ơm tòm tê mê dê.

Nehemi 9:3

Bol khai ntào tòm tiah bol khai dê mơ sền sră bơta boh lam Yàng Jehôwa Yàng Tom Trồ bol khai dê, tòm dô pơnah poan ngai dê, mơ tòm dô pơnah poan ndai bol khai yal glài mơ duh khoai Jehôwa Yàng Tom Trồ bol khai dê.

Đơs Crih 19:7

Bơta boh lam Yàng Jehôwa dê la wil tơl, nàng bơtơl pràn tai hwềng soàn in; Jơnau sồr kràñ cê Yàng Jehôwa dê la kơ̆ nền, lơh cau ò hoan git in gơlik jak chài.

Jơnau Pơnđik 2:6

Bơh Yàng Jehôwa ai gòi bơta jak chài. Bơh di bơr Kơnràñ tus bơta git jak mơ bơta git wă.

Jơnau Pơnđik 6:23

Bơh bơta sồr lam la dô nơm ồs đèng, boh lam la bơta àng, mơ bơta lah pơrhơng bơto tơngkah la gùng bơta kis dê.

Malaci 2:7

Bơh bơr sơndồi cau gơnoar ơn phan duh khoai dê pal prap gàr bơta git jak, mơ làng bol jòi bơta bơto sồr bơh di bơr khai dê, bơh khai la cau kong sồr Yàng Jehôwa Gơnap Gơnoar Dờng Làm Jơh dê.

Mathiơ 13:52

Kơnràñ đơs tai lah: “Tài behơ̆ kòp nă cau bơto bơta boh lam mơ neh gơlik gơs cau bơtê lơgar đang trồ dê la kung be dô nă cau tòm hìu cèng tơlik ală phan pa mơ phan yau bơh tòm đam khai dê.”

Jơnau Niam Jat Mak 6:34

Tŭ Yàng Jesu lik bơh ơhò, gŏ mpồl làng bol oă gen nđàc sơngit di bol khai, bơh bol khai gơlơh be belàt ò gơs cau ê. Gen Kơnràñ sơntòm bơto sồr bol khai oă bơta.

Yal Wơl 16:18

Pồ bơtào tĕ ală cau kwang cahrña mơ ală cau kwang at bồ kòp jơi bơtiàn bol mê in tòm kòp nơm ƀòn dờng mơ Jehôwa Yàng Tom Trồ bol mê dê ai bol mê in, mơ bol khai rơp cahrña làng bol dô bă song ring.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.