Ejra 7:15 - Sră Goh 2018

¹⁵ Mơ kung cèng bal priă, màh mơ bơtau mơ ală cau bơyai broă bơtau dê neh jat nùs kòñ mơ ơn Yàng Tom Trồ Israel in la Bơtau gơs tiah ơm sùm tòm Jerusalem,

Ejra 7:15 ပူးပေါင်းရင်းမြစ်များ

I Yal Yau 29:6

Gen ală cau at bồ hìu nhă, ală cau kwang at bồ ală jơi bơtiàn Israel, ală cau kwang at bồ dô rbô nă mơ ală cau kwang at bồ dô rhiang nă, mơ ală cau kwang gơs broă tòm at bồ broă lơh bơtau dê, bol khai jat nùs kòñ bol khai dê ơn phan Yàng in.

II Yal Yau 2:6

Mơya ñcau rgơi bơt dô nơm hìu Kơnràñ in taih? Bơh ală tap trồ, bulah la ală tap trồ jơnhoa rlau jơh, kung ò rgơi prap Kơnràñ. Gen añ la ñcau mơ bơt dô nơm hìu Kơnràñ in, mìng be la dô bă tiah nàng ơn ală phan ơn pơdơng di đap Kơnràñ lơm sơl ơ?

II Yal Yau 32:23

Oă cau cèng ală phan ơn tus hơ Jerusalem nàng ơn Yàng Jehôwa in mơ oă phan màng ai gòi Ejekia bơtau Juda in. Behơ̆ bơtau geh yò tơngguh di đap jơh ală làng bol bơh di tŭ hơ̆.

II Yal Yau 6:2

Añ neh bơt dô nơm hìu duh khoai geh yò tơngguh Kơnràñ in, dô bă tiah Yàng in ơm gam sùm sùm.”

II Yal Yau 6:6

Mơya Añ neh sac rwah Jerusalem nàng Sơnđan Añ jê rgơi ơm tềng hơ̆, mơ Añ neh sac rwah Dabit nàng at bồ làng bol Israel Añ jê.’

Ejra 1:6

Jơh ală cau ơm rềp mơ bol khai dong ai bơtơl bol khai in ală phan ngui mơ priă mơ màh, ală phan mơna mơ phan poan jơng, mơ ală phan pà kas màng, bal mơ jơh ală phan ơn jat nùs kòñ.

Ejra 6:12

Dan Yàng Tom Trồ, la Bơtau neh bơtào sơnđan Kơnràñ dê tềng hơ̆, tă sang cau bơtau lơi hala làng bol lơi rơp pò tê tòmgơl jơnau gơnoar sồr do hala tơnroh hìu duh khoai do tòm Jerusalem. Añ la Darius ai jơnau gơnoar sồr do, lơh jat tĕ dô bă ngac ngar.”

Ejra 6:4

gơs pe sèng lŭ dờng mơ dô sèng mpàn, lòi tĕ khà jền priă tơm rơp geh tă bơh tòm đam jàr bơtau dê

Ejra 7:14

Bơtau mơ poh nă cau bơyai broă bơtau dê neh sồr mê lòt nàng lùp sơwì bơh Juda mơ Jerusalem, gơwèt hơ bơta boh lam Yàng Tom Trồ mê dê, la bơta boh lam ơm tòm tê mê dê.

Ejra 8:25

Mơ añ neh kơr bol khai in ală phan ơn mơ priă mơ màh, mơ ală phan ngui mơ cau bơtau, ală cau bơyai broă mơ ală cau kwang duh broă bơtau dê, bal mơ jơh Israel gơs mat tềng hơ̆ neh ơn hìu Yàng Tom Trồ bol he in.

Đơs Crih 135:21

Bơh Siôn jòng ro tĕ Yàng Jehôwa, La Bơtau ơm tòm Jerusalem! Jòng ro Yàng Jehôwa!

Đơs Crih 26:8

Ơ Yàng Jehôwa, añ kòñ gơboh hìu la tiah Yàng ơm, Mơ tềng hơ̆ bơta gơklŏ Kơnràñ dê ơm gam sùm sùm.

Đơs Crih 72:10

Dan lòi cau bơtau Tarsi mơ cau bơtau ală bồt pơlào dê boh dia khai in, Lòi bơtau Saba mơ Seba cèng phan ai gòi khai in.

Đơs Crih 76:11

Ho pơgon tĕ mơ Jehôwa Yàng Tom Trồ bol mê dê, mơ lơh jat be bơta neh ho; Jơh tơl nă cau lơi ơm gùt dar Kơnràñ, cèng tĕ phan ơn Kơnràñ in la Bơtau pal duh rngòt.

Đơs Crih 76:2

Sàl ing duh khoai Kơnràñ dê geh bơt bơtào tòm Salem, Mơ tiah ơm Kơnràñ dê tòm Siôn.

Đơs Crih 9:11

Đơs chò jòng ro tĕ Yàng Jehôwa la Bơtau ơm tòm Siôn! Yal tơlik tĕ digùl ală làng bol ală broă Kơnràñ dê.