Ejra 7:13 - Sră Goh 2018

¹³ Tŭ do añ lơh nền lah ală cau Israel tòm lơgar añ, kòp bal ală cau gơnoar ơn phan duh khoai mơ ală cau Lebi, cau lơi kòñ lòt tus hơ Jerusalem bal mơ mê gen khai rgơi lòt.

Ejra 7:13 ပူးပေါင်းရင်းမြစ်များ

II Yal Yau 30:5

Behơ̆, bol khai lơh nền pơyoa dô jơnau yal tơnggit làm jơh Israel, bơh Beerseba tus hơ Dan, mơ làng bol pal lòt tus nàng prap gàr bơta pơjum sa ngai wèr Lòt gan Jehôwa Yàng Tom Trồ Israel in tòm Jerusalem; bơh bol khai neh ò prap gàr bơta pơjum sa dô bă gal ngan be khà neh ai gơnoar sồr.

Ejra 1:3

Dan Yàng Tom Trồ ơm bal mơ bol mê la làng bol Kơnràñ dê. Rê wơl tĕ hơ Jerusalem tòm Juda nàng bơt bơtào wơl hìu duh khoai Jehôwa Yàng Tom Trồ Israel dê, la Yàng Tom Trồ ơm tòm Jerusalem.

Ejra 5:13

Bulah behơ̆, bơtau Sirus, Babilôn dê, tòm nam sơnròp bơta at bồ bơtau Sirus dê, neh tơlik dô jơnau sồr bơh hìu duh khoai Yàng Tom Trồ dê pal geh bơt bơtào wơl.

Ejra 6:1

Gen bơtau Darius tơlik dô gơnoar sồr, mơ sồr cau jòi sơwì tòm ală sră pơàr neh prap lòi tòm Babilôn.

Este 3:15

Ală cau geh kong sồr lik lòt sơrbac sơrbang jat jơnau gơnoar sồr cau bơtau dê, mơ bơta lơh nền neh geh yal tơlik tòm Susa la ƀòn dờng bơtau dê. Cau bơtau mơ Haman nggui ñô tơrnòm, mơya ƀòn dờng Susa gen sơlồng sơlàng.

Este 9:14

Behơ̆ bơtau ai jơnau gơnoar sồr lơh jat behơ̆. Dô jơnau gơnoar sồr neh geh yal tơlik tòm Susa, mơ bol khai yồng jơt nă kòn klau Haman dê.

Đơs Crih 110:3

Làng bol mê dê rơp ơn să bơh nùs kòñ bol khai dê, Tòm ngai mê lam mpồl ling mê dê hơđang ală mơnơm sàng goh. Ală cau pơnu mê dê rơp tus hơ mê kung be dà tŭ tòm àng drim.

Đơs Crih 148:6

Kơnràñ bơtào kơ̆ ală phan hơ̆ gam sùm sùm, Kung neh lơh nền nhàr ală phan hơ̆ in, nàng ò rgơi lòt rlau.

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Philip 2:13

Bơh Yàng Tom Trồ la Bơtau lơh broă tòm oh mi, nàng oh mi gơs nùs kòñ mơ lơh jat bơta niam nùs Kơnràñ dê.

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.