Ejra 6:8 - Sră Goh 2018

⁸ Rlau mơ hơ̆, añ ai jơnau gơnoar sồr do bol mê in bơh bơta bol mê pal lơh mơ ală cau kwang kra làng bol Juda dê tòm broă bơt bơtào hìu Yàng Tom Trồ dê: ngui tĕ bơh tòm đam jàr bơtau dê jền priă boh dia kơnhwàl Đah Ne Hiòng dê nàng tơm wil tơl ală cau hơ̆ in tồ broă lơh rơp ò dơh wơl.

Ejra 6:8 ပူးပေါင်းရင်းမြစ်များ

Ejra 4:16

Bol hi kòñ yal bơtau in git dilah ƀòn dờng do geh bơt wơl mơ ală dơrñang gơ geh bơtào sir, gen bơtau rơp ò gam gơs pơnah lơi tòm kơnhwàl Đah Ne Hiòng.”

Ejra 4:23

Tòm tŭ neh sir sền sră cih wơl jat sră bơtau Artaserses dê pơyoa Rehum in, Simsai cau gơnoar cih in, mơ ală cau lơh broă bal in rau, gen bol khai lòt mo tus hơ ală cau Juda tòm Jerusalem mơ ngui bơta pràn kơldang nàng kơryan bol khai lơh broă.

Ejra 5:5

Mơya mat Yàng Tom Trồ bol khai dê sền gàr ală cau kwang kra cau Juda dê, mơ bol khai ò rgơi dơh wơl jơl tus di tŭ gơs sră yal broă tus bơh Darius mơ geh jơnau ho wơl bơh sră pơyoa bơh bơta hơ̆.

Ejra 6:14

Behơ̆, ală cau kwang kra cau Juda dê kư̆ pơnjat bơt bơtào mơ gơlik cồng nha tòm toh jat be jơnau bơto Age cau gơnoar hwơr mơ Sacari kòn sau Idô dê. Bol khai bơt sir hìu duh khoai jat be gơnoar sồr Yàng Tom Trồ Israel dê, mơ jat be jơnau sồr Sirus, Darius, mơ Artaserses la ală bơtau Persia dê.

Ejra 6:4

gơs pe sèng lŭ dờng mơ dô sèng mpàn, lòi tĕ khà jền priă tơm rơp geh tă bơh tòm đam jàr bơtau dê

Ejra 6:7

Bañ kơryan broă lơh hìu duh khoai Yàng Tom Trồ. Lòi tĕ cau kwang at bồ ală cau Juda mơ ală cau kwang kra bol khai dê bơt bơtào wơl hìu Yàng Tom Trồ dê hơđang tiah yau gơ dê.

Ejra 6:9

Ală phan lơi pal càng be ală kơnrồ dam, belàt dam nàng lơh gơs phan ơn duh khoai chu pơrguc Yàng Tom Trồ hơđang trồ in; kòi mi, boh, tơrnòm mơ mơñà jat be bơta pal gơs ală cau gơnoar ơn phan duh khoai in tòm Jerusalem, jơh ală bơta hơ̆ pal ai bol khai in kòp ngai bañ siơ̆u,

Ejra 7:14

Bơtau mơ poh nă cau bơyai broă bơtau dê neh sồr mê lòt nàng lùp sơwì bơh Juda mơ Jerusalem, gơwèt hơ bơta boh lam Yàng Tom Trồ mê dê, la bơta boh lam ơm tòm tê mê dê.

Nehemi 11:23

Bơh gơs gơnoar sồr cau bơtau gơwèt hơ broă bol khai dê, mơ dô nă cau rơndap tiah nggui ală cau đơs chò in jat be neh hòi jà kòp ngai.

Nehemi 2:8

mơ dô nơm sră pơyoa tus hơ Asap cau at bồ brê bơtau dê, nàng sồr khai ai añ in chi nàng lơh ală jrong mpồng theng kơ̆ cê dê, mơ dơrñang ƀòn dờng dê, bal mơ hìu tòm añ jê.” Bơtau ai gơnoar añ in bơta añ neh dan, tài bơh tê kòñ nđàc Yàng Tom Trồ añ jê ơm hơđang añ.

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Sră Age 2:8

‘Priă gơrê mơ Añ, màh gơrê mơ Añ,’ Yàng Jehôwa Gơnap Gơnoar Dờng Làm Jơh đơs behơ̆.