Ejra 6:22 - Sră Goh 2018

²² Bol khai ñô sa chò hòp bơta pơjum sa piang lă ò gơs kañ tòm poh ngai, tài bơh Yàng Jehôwa neh lơh bol khai in bềng lìu bơta hòn chò, mơ neh tơrwơl nùs Asiri dê hơ bol khai, tian gơs khai dong kòl bol khai tòm broă bơt bơtào hìu Yàng Tom Trồ la Yàng Tom Trồ Israel dê.

Ejra 6:22 ပူးပေါင်းရင်းမြစ်များ

II Ală Bơtau 23:29

Tòm ală ngai hơ̆, Pharaôn Nekô bơtau Ejiptơ, neh guh brồ lơh bơtau Asiri tus hơ hiòng Ơphrat. Gen Jôsia lòt tìp khai. Mơya tòm tŭ Pharaôn Nekô tìp mơ khai tòm Megidô gen tơnchơt khai.

II Yal Yau 23:18

Jehôyada jào broă rcang gàr hìu duh khoai Yàng Jehôwa dê mpồl cau Lebi la ală cau gơnoar ơn phan duh khoai, la ală cau mơ Dabit neh jào broă tòm hìu duh khoai nàng ơn ală phan ơn chu pơrguc Yàng Jehôwa in be neh cih tòm sră bơta Boh lam Môise dê, dô bă hòn chò bal mơ jơnau đơs chò kung be Dabit neh sồr.

II Yal Yau 29:30

Bơtau Ejekia mơ ală cau kwang duh broă khai dê ai gơnoar sồr ală cau Lebi ngui ală jơnau đơs crih Dabit mơ Asap cau gơnoar git lài khai dê mơ jòng ro Yàng Jehôwa. Behơ̆ bol khai đơs chò jòng ro tòm bơta hòn chò mơ bol khai kun bồ mơ duh khoai.

II Yal Yau 30:21

Ală cau Israel gơs mat tòm Jerusalem neh prap gàr bơta pơjum sa ngai wèr Piang Lă Ò Gơs Kañ tòm poh ngai hòn chò dờng ngan, tòm tŭ ală cau Lebi mơ ală cau gơnoar ơn phan duh khoai đơs chò Yàng Jehôwa in kòp ngai, dô bă bal mơ ntas ală kơñi jòng ro Yàng Jehôwa.

II Yal Yau 33:11

Behơ̆ Yàng Jehôwa neh cèng tus ală cau at bồ mpồl ling bơtau Asiri dê, bol khai kup jàm Manase, ơn dô nơm gai kwĕ di muh khai, kơt khai mơ che sreng kòng mơ cèng khai tus hơ Babilôn.

II Yal Yau 35:17

Ală cau Israel gơs mat neh prap gàr pơjum sa Lòt Gan tòm tŭ hơ̆, mơ bơta pơjum sa Piang lă ò gơs kañ tòm poh ngai.

Ejra 1:1

Tòm nam sơnròp rài Sirus bơtau Persia, nàng jơnau Yàng Jehôwa dê kơnòm bơh bơr Jeremi pal gơlik di ngan. Kơnràñ chồl nùs Sirus bơtau Persia, gen tàng khai tơlik dô gơnoar sồr tòm làm jơh lơgar khai dê, mơ kung cih jơnau yal tơnggit lah:

Ejra 6:1

Gen bơtau Darius tơlik dô gơnoar sồr, mơ sồr cau jòi sơwì tòm ală sră pơàr neh prap lòi tòm Babilôn.

Ejra 7:27

Pal jòng ro Jehôwa Yàng Tom Trồ ală ồng pàng bol he dê bơh Kơnràñ neh ơn ală bơta hơ̆ tòm nùs cau bơtau nàng khai lơh gơklŏ hìu Yàng Jehôwa tòm Jerusalem,

Nehemi 13:6

Tòm tŭ ală bơta hơ̆ neh gơs añ ò ơm tòm Jerusalem; tài bơh di di nam pe jơt bàr rài Artaserses, bơtau Babilôn dê; gen añ neh rê wơl hơ bơtau. Tơnơ̆ dô êt jŏ, añ dan bơtau ai gơnoar nàng lòt bơh di bơtau,

Jơnau Pơnđik 16:7

Tŭ gùng dà cau lơi dê niam nùs Yàng Jehôwa, gen Kơnràñ kung lơh ală cau sò tơm khai dê ơm gơtòmsòr bal mơ khai.

Jơnau Pơnđik 21:1

Nùs bơtau dê ơm tòm tê Yàng Jehôwa ò gơkrơi be hiòng dà hòr; Kơnràñ lơh sơrkềng đah lơi jat nùs kòñ Kơnràñ dê.

Ejekiel 23:23

Hơ̆ la ală cau Babilôn, jơh ală cau Kalde, ală cau Pekôt, cau Soa mơ cau Koa, mơ jơh ală cau Asiri bal mơ bol khai, la ală cau pơnu niam klau, jơh ală bol khai la ală cau kwang đơng kơnhwàl mơ kwang at bồ, kwang at rơndeh lòs tòmlơh mơ ală cau gơnoar broă dờng, jơh tơl nă gen hào ơseh.

Mathiơ 26:17

Mơ tai, tòm ngai sơnròp pơjum sa piang lă ò gơs kañ dê, ală cau bơtê tus hơ Yàng Jesu mơ đơs lah: “Ntềng đah Kơnàñ kòñ bol hi rcang yò sa bơta pơjum sa Lòt Gan taih?”

Jang 19:11

Yàng Jesu ho lah: “Dilah ò di bơh hơđang neh ai ồng in, gen ồng ò gơs gơnoar lơi hơđang Añ; behơ̆ tàng, cau neh bơtào Añ ồng in gen cau hơ̆ gơs glài dờng rlau tai.”