Ejra 6:20 - Sră Goh 2018

²⁰ Ală cau gơnoar ơn phan duh khoai mơ ală cau Lebi neh lơh goh să tòm bol khai dê mơ jơh tơl nă bol khai neh gơs goh. Behơ̆ bol khai hàl belàt kòn ngai wèr Lòt Gan, ală cau neh rê bơh di tiah kong kup cèng in ơn, bơh ală oh mi bol khai la cau ơn phan duh khoai, mơ ơn bơh să tòm bol khai in.

Ejra 6:20 ပူးပေါင်းရင်းမြစ်များ

II Yal Yau 29:34

Bulah behơ̆, ntum khà ală cau gơnoar ơn phan duh khoai la dô êt, ò tơl nàng klò gơltau jơh ală phan ơn chu pơrguc; behơ̆ cau gơp bơtiàn bol khai dê la cau Lebi dong kòl bol khai jơl tus di tŭ lơh sir broă hơ̆, mơ jơl tus di tŭ ală cau gơnoar ơn phan duh khoai ndai geh ơn is sàng goh, bơh tòm bơta ơn is să tòm bol khai sàng goh, gen ală cau Lebi jơh nùs lơh sàng goh să he rlau mơ ală cau gơnoar ơn phan duh khoai.

II Yal Yau 35:11

Bol khai neh hàl belàt kòn bơta pơjum sa lòt gan, mơ ală cau gơnoar ơn phan duh khoai neh rsìh mhàm neh ai bol khai in, tòm tŭ ală cau Lebi klò gơltau ală phan poan jơng.

II Yal Yau 35:14

Tơnơ̆ mơ tŭ bol khai neh lơh bơta rcang lài să tòm bol khai in mơ ală cau gơnoar ơn phan duh khoai in, tài bơh ală cau gơnoar ơn phan duh khoai la ală kòn sau Arôn dê, neh geh pơnah tòm phan ơn chu pơrguc mơ ală pơnah dơngi jơl tus di trồ mang. Behơ̆ ală cau Lebi neh lơh bơta rcang lài să tòm bol khai in mơ ală cau gơnoar ơn phan duh khoai jat jơi Arôn in.

II Yal Yau 35:15

Ală cau jak lip kơñi la ală kòn sau Asap neh ơm di tiah lơh nền bơh Dabit, Asap, Heman mơ Jeduthun la cau gơnoar git lài bơtau dê. Ală cau kơp mpồng tòm kòp nơm mpồng, bol khai ò càng ơm dơh wơl broă bol khai dê, bơh ală oh mi Lebi bol khai dê neh rcang lài bol khai in rau.

Lik Ejiptơ 12:21

Behơ̆, Môise hòi pơjum bal jơh ală cau kwang kra Israel dê mơ đơs mơ bol khai lah: “Lòt tĕ mo mơ sac rwah tĕ ală phan poan jơng kòp nơm hìu ală bol mê in mơ hàl belàt Pơjum sa Lòt Gan dê.

Hebrơ 7:27

Kơnràñ ò di be ală cau gơnoar dờng lam bồ ơn phan duh khoai ne, la cau kòp ngai pal ơn phan duh khoai tài bơh glài bol khai dê, tơnơ̆ bơh glài làng bol dê; bơh Kơnràñ neh lơh broă hơ̆ dô dơ̆ tơl rau, tòm tŭ Kơnràñ ơn să tòm Kơnràñ.