Ejra 6:17 - Sră Goh 2018

¹⁷ Tòm bơta ơn hìu do Yàng Tom Trồ in, bol khai ơn dô rhiang nơm kơnrồ dam, bàr rhiang nơm belàt dam, poan rhiang nơm belàt kòn, mơ jat be khà jơi bơtiàn Israel dê, bol khai ơn jơt bàr nơm be dam lơh gơs phan ơn duh khoai tơwài glài jơh Israel in, jat be khà jơi bơtiàn Israel dê.

Ejra 6:17 ပူးပေါင်းရင်းမြစ်များ

I Ală Bơtau 18:31

Khai ai jơt bàr nơm pơnai lŭ, jat khà jơt bàr jơi bơtiàn ală kòn klau Jakôp dê, la cau mơ jơnau Yàng Jehôwa neh yal lah: “Israel rơp la sơnđan mê.”

I Ală Bơtau 8:62

Gen bơtau mơ jơh ală cau Israel ơn ală phan ơn duh khoai di đap Yàng Jehôwa.

II Yal Yau 29:24

Gen ală cau gơnoar ơn phan duh khoai hàl ală be mơ ơn mhàm bol gơ dê hơđang cơnòng duh khoai lơh gơs phan ơn tơwài glài nàng tơwài glài jơh Israel, tài bơh cau bơtau neh ai gơnoar sồr ơn phan ơn chu pơrguc mơ phan ơn tơwài glài jơh Israel in.

II Yal Yau 7:5

Mơ bơtau Salômôn ơn dô nơm phan ơn duh khoai bàr jơt bàr rbô nơm kơnrồ mơ dô rhiang bàr jơt rbô nơm belàt mơ be. Behơ̆ bơtau mơ jơh làng bol ơn hìu duh khoai Yàng Tom Trồ in.

Ejra 8:35

Tŭ hơ̆ ală cau neh rê wơl bơh di tiah kong kup cèng ơn phan ơn chu pơrguc Yàng Tom Trồ Israel in: Jơt bàr nơm kơnrồ dam bơh jơh làng bol Israel in, sin jơt prau nơm belàt dam, poh jơt nơm belàt kòn, mơ jơt bàr nơm be dam lơh gơs phan ơn tơwài glài. Jơh ală phan ơn hơ̆ la phan ơn chu pơrguc Yàng Jehôwa in.

Lebi 4:28

Tòm tŭ khai neh git tồi glài khai neh tìs gen khai pal cèng dô nơm phan ơn la dô nơm be dra ò tềl sồt.

Lebi 4:3

Dilah la cau gơnoar ơn phan duh khoai neh geh bong mơñà mơ tìs glài, cèng bơta tồi glài hơ̆ hơđang làng bol in, gen khai pal cèng Yàng Jehôwa in dô nơm kơnrồ dam gam dềt ò gơs tềl sồt lơh gơs phan ơn duh khoai tơwài glài mơ khai neh tìs.

Luka 22:30

bol mê geh ñô sa di cơnòng Añ jê tòm lơgar Añ; bol mê kung rơp nggui hơđang sơbàn mơ cahrña jơt bàr jơi bơtiàn làng bol Israel.”

Yal Tơlik 21:12

Ƀòn hơ̆ gơs dô nơm dơrñang dờng mơ jơnhoa, gơs jơt bàr nơm mpồng dờng, dê ală mpồng hơ̆ gơs jơt bàr nă cau gơnrơh, mơ gơs cih ală sơnđan jơt bàr jơi bơtiàn kòn sau Israel dê.