Ejra 6:14 - Sră Goh 2018

¹⁴ Behơ̆, ală cau kwang kra cau Juda dê kư̆ pơnjat bơt bơtào mơ gơlik cồng nha tòm toh jat be jơnau bơto Age cau gơnoar hwơr mơ Sacari kòn sau Idô dê. Bol khai bơt sir hìu duh khoai jat be gơnoar sồr Yàng Tom Trồ Israel dê, mơ jat be jơnau sồr Sirus, Darius, mơ Artaserses la ală bơtau Persia dê.

Ejra 6:14 ပူးပေါင်းရင်းမြစ်များ

Ejra 3:8

Tòm kơnhai dơ̆ bàr tơnơ̆ mơ tŭ bol khai tus hơ hìu duh khoai Yàng Tom Trồ dê tòm Jerusalem, tòm nam dơ̆ bàr gen Jerubabel kòn klau Sealthiel, mơ Jesua kòn klau Jôjadak, neh sơntòm bơt, bal mơ ală cau gam wơl tòm làng bol bol khai dê, ală cau gơnoar ơn phan duh khoai, ală cau Lebi bal mơ jơh ală cau neh rê wơl hơ Jerusalem bơh di tiah neh gơkòl kup cèng. Bol khai pồ bơtào ală cau Lebi gơs bàr jơt nam mơ rlau, tòm broă sền gàr tòm broă bơt bơtào hìu Yàng Jehôwa dê.

Ejra 4:24

Behơ̆ broă bơt hìu duh khoai Yàng Tom Trồ tòm Jerusalem ơm dơh wơl jơl tus di nam bàr rài at bồ Darius bơtau Persia dê.

Ejra 4:3

Mơya Jerubabel, Jesua mơ ală cau gam wơl at bồ ală hìu nhă Israel dê đơs mơ bol hơ̆ lah: “Bol mê ò gơs pơnah lơi bal mơ bol hi tòm bơta bơt bơtào dô nơm hìu duh khoai Yàng Tom Trồ bol hi dê. Mìng bol hi lơm rơp bơt bơtào hìu hơ̆ Jehôwa Yàng Tom Trồ Israel dê, jat be Sirus bơtau Persia neh ai gơnoar sồr bol hi.”

Ejra 5:1

Tŭ hơ̆ cau gơnoar hwơr Age mơ cau gơnoar hwơr Sacari, kòn klau Idô, đơs hwơr bơh ală cau Juda ơm tòm Juda mơ tòm Jerusalem, ai sơnđan Yàng Tom Trồ Israel dê la Bơtau ơm at bồ bol khai.

Ejra 5:13

Bulah behơ̆, bơtau Sirus, Babilôn dê, tòm nam sơnròp bơta at bồ bơtau Sirus dê, neh tơlik dô jơnau sồr bơh hìu duh khoai Yàng Tom Trồ dê pal geh bơt bơtào wơl.

Ejra 5:2

Gen Jerubabel kòn klau Sealthiel mơ Jesua kòn klau Jôjadak lik lòt nàng bơt wơl hìu Yàng Tom Trồ dê tòm Jerusalem; bal mơ bol khai gơs ală cau gơnoar hwơr Yàng Tom Trồ dê dong kòl bol khai.

Ejra 6:3

Tòm nam sơnròp bơtau Sirus dê, bơtau yal tơlik dô bơta lơh nền gơwèt hơ hìu duh khoai Yàng Tom Trồ dê tòm Jerusalem: Lòi tĕ hìu duh khoai geh bơt bơtào wơl, tềng hơ̆ lơh gơs tiah ơn ală phan ơn duh khoai, mơ ơn phan ơn chu pơrguc, đah jơnhoa rơp la prau jơt tal mơ ơnàng prau jơt tal,

Ejra 6:8

Rlau mơ hơ̆, añ ai jơnau gơnoar sồr do bol mê in bơh bơta bol mê pal lơh mơ ală cau kwang kra làng bol Juda dê tòm broă bơt bơtào hìu Yàng Tom Trồ dê: ngui tĕ bơh tòm đam jàr bơtau dê jền priă boh dia kơnhwàl Đah Ne Hiòng dê nàng tơm wil tơl ală cau hơ̆ in tồ broă lơh rơp ò dơh wơl.

Ejra 7:1

Tơnơ̆ mơ ală bơta hơ̆, tòm rài at bồ Artaserses bơtau Persia dê, Ejra kòn klau Seraya, Seraya kòn klau Ajaria, Ajaria kòn klau Hilkia,

Ejra 9:9

Bơh bol hi la ală cau dĭ, bulah behơ̆ Yàng Tom Trồ bol hi dê ò sang lòi bol hi tòm bơta ơm dĭ bol hi dê. Mơya neh ràng tơlik bol hi in bơta kòñ gơboh kơ̆ dơn Kơnràñ dê di đap ală cau bơtau lơgar Persia dê, nàng ai bol hi in rài kis pa, nàng bơtào wơl hìu Yàng Tom Trồ bol hi dê mơ rcang niam wơl ală tiah tơrlah tơrling gơ dê, mơ ai bol hi in dô nơm dơrñang tòm Juda mơ Jerusalem.

Nehemi 6:15

Behơ̆, dơrñang neh sir tòm ngai bàr jơt pram kơnhai Elul cau bơt wơl sir dơrñang, tòm pram jơt bàr ngai.

Esai 44:28

đơs bơh Sirus lah: ‘Khai la cau ê belàt Añ jê; mơ rơp lơh gơlik gơs jơh ală bơta Añ niam nùs;’ Kơnràñ rơp đơs bơh Jerusalem lah: ‘Lòi gơ rơp geh bơt bơtào wơl,’ mơ đơs bơh hìu duh khoai lah: ‘Mơnàng mê dê rơp geh bơt.’”

Sră Age 1:1

Nam dơ̆ bàr rài at bồ bơtau Darius dê, ngai dùl kơnhai dơ̆ prau, gơs jơnau Yàng Jehôwa dê sồr cau gơnoar hwơr Age đơs mơ Jerubabel, kòn klau Sealthiel, cau kwang dờng at bồ lơgar Juda, mơ đơs mơ Jôsua, kòn klau Jehôjadak, la cau gơnoar dờng lam bồ ơn phan duh khoai lah:

Sră Age 1:8

Guh tĕ hơđang ală mơnơm mơ cèng brê mpàn nàng bơt bơtào hìu do, tồ lơh Añ in niam nùs bơh bơta hơ̆ mơ geh jòng ro,’ Yàng Jehôwa đơs behơ̆.

Sacari 1:1

Tòm kơnhai phàm nam dơ̆ bàr rài at bồ bơtau Darius dê, gơs jơnau Yàng Jehôwa đơs mơ cau gơnoar hwơr Sacari, kòn klau Beraci, sau Idô dê lah:

Sacari 1:16

Gen tàng Yàng Jehôwa đơs be do: ‘Añ ai nùs nđàc sơngit mơ rê wơl hơ Jerusalem; tềng hơ̆ hìu Añ rơp bơt bơtào wơl. Mơ che was rơp dang hơđang Jerusalem.’ Yàng Jehôwa Gơnap Gơnoar Dờng Làm Jơh đơs behơ̆.

Sacari 4:9

“Tê Jerubabel neh bơt mơnàng hìu duh khoai do, gen tê khai kung rơp lơh sir. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê.

Sacari 8:9

Yàng Jehôwa Gơnap Gơnoar Dờng Làm Jơh đơs be do: “Bol mê la ală cau pa do kơno ală jơnau hơ̆ bơh bơr ală cau gơnoar hwơr neh gơs mat tòm tŭ bơt bơtào wơl mơnàng hìu duh khoai, la hìu Yàng Jehôwa Gơnap Gơnoar Dờng Làm Jơh dê, lơh tĕ tê bol mê dê gơlik pràn kơldang.