Ejra 6:10 - Sră Goh 2018

¹⁰ tồ bol khai rgơi ơn phan duh khoai niam nùs Yàng hơđang trồ, mơ hòi dan bơta lơngai cau bơtau bal mơ ală kòn cau bơtau in.

Ejra 6:10 ပူးပေါင်းရင်းမြစ်များ

Sơnròp Gơlik Gơs 8:21

Yàng Tom Trồ ƀô kơnhồl bơlhu mơ đơs tòm nùs Kơnràñ lah: “Añ ò srat sơntơm ù bơh kòn mơnus tai, bơh ală bơta kơlôi tòm nùs kòn mơnus la iơh bơsak bơh tòm tŭ gam kơnòm, Añ rơp ò tơnroh tai ală phan kis be Añ neh lơh.

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Ejra 6:9

Ală phan lơi pal càng be ală kơnrồ dam, belàt dam nàng lơh gơs phan ơn duh khoai chu pơrguc Yàng Tom Trồ hơđang trồ in; kòi mi, boh, tơrnòm mơ mơñà jat be bơta pal gơs ală cau gơnoar ơn phan duh khoai in tòm Jerusalem, jơh ală bơta hơ̆ pal ai bol khai in kòp ngai bañ siơ̆u,

Ejra 7:23

Ală bơta lơi Yàng hơđang trồ sồr pal rcang gen ngac ngar lơh tĕ hìu duh khoai Kơnràñ in, hala lòi bơta gơjrañ dờng tus hơđang lơgar bơtau dê mơ hơđang ală kòn klau bơtau dê taih?

Lik Ejiptơ 12:32

Cèng tĕ bal ală mpồl phan poan jơng bol mê dê jat be jơnau bol mê neh đơs, mơ lòt tĕ. Mơ kung ai lơngai añ in sơl.”

Jeremi 29:7

Jòi tĕ bơta lơngap lơngai ƀòn dờng mơ Añ neh lòi bol mê in kong bơtrơh, pal tài bơh bol khai hòi dan mơ Yàng Jehôwa; tài bơh bơta lơngap lơngai bol mê, kơnòm di bơta lơngap lơngai gơ dê.’”

Daniel 2:46

Gen bơtau Nebukatnessar tơmbic să blup mat tòm ù khoai Daniel. Bơtau sồr ơn phan ơn khai in mơ chu phan ƀô bơlhu di đap khai.

Lebi 1:13

Khai pal ai dà mơ rào jơh ală phan tòm dơlam bal mơ jơng gơ, mơ cau gơnoar ơn phan duh khoai pal cèng jơh ală phan hơ̆ mơ chu hơđang cơnòng duh khoai. Hơ̆ la dô nơm phan ơn chu pơrguc, dô nơm phan chu mơ ồs, gơs ƀô bơlhu niam nùs Yàng Jehôwa.

Lebi 1:9

Khai pal ai dà mơ rào ală pơnah tòm dơlam kơnrồ bal mơ ală jơng gơ dê, mơ cau gơnoar ơn phan duh khoai pal chu jơh ală phan hơđang cơnòng duh khoai. Hơ̆ la dô nơm phan ơn chu pơrguc, dô nơm phan ơn chu tòm ồs, gơs ƀô bơlhu niam nùs Yàng Jehôwa.

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.