Ejra 5:16 - Sră Goh 2018

¹⁶ Behơ̆ Sesbajar do neh lòt tus mơ bơt bơtào ală mơnàng hìu Yàng Tom Trồ dê tòm Jerusalem. Bơh ngai hơ̆ tus di tŭ do, cau ơm bơt bơtào hìu hơ̆ mơya òhềt bơt sir.’

Ejra 5:16 ပူးပေါင်းရင်းမြစ်များ

Ejra 3:10

Tòm tŭ ală cau chài bơt mơnàng hìu duh khoai Yàng Jehôwa dê, gen ală cau gơnoar ơn phan duh khoai soh ồi ào jrùh mơ ntào di tiah bol khai dê, mơ at kơlwòk, mơ ală cau Lebi ală kòn klau Asap tur cing mơ jòng ro Yàng Jehôwa jat be bơta lơh nền bơh Dabit bơtau Israel dê;

Ejra 3:8

Tòm kơnhai dơ̆ bàr tơnơ̆ mơ tŭ bol khai tus hơ hìu duh khoai Yàng Tom Trồ dê tòm Jerusalem, tòm nam dơ̆ bàr gen Jerubabel kòn klau Sealthiel, mơ Jesua kòn klau Jôjadak, neh sơntòm bơt, bal mơ ală cau gam wơl tòm làng bol bol khai dê, ală cau gơnoar ơn phan duh khoai, ală cau Lebi bal mơ jơh ală cau neh rê wơl hơ Jerusalem bơh di tiah neh gơkòl kup cèng. Bol khai pồ bơtào ală cau Lebi gơs bàr jơt nam mơ rlau, tòm broă sền gàr tòm broă bơt bơtào hìu Yàng Jehôwa dê.

Ejra 5:14

Rlau mơ hơ̆ tai, màh mơ priă mơ ală phan ngui tòm hìu Yàng Tom Trồ dê, mơ bơtau Nebukatnessar neh tă bơh di hìu duh khoai tòm Jerusalem mơ cèng tus hơ tơmut tòm hìu bơmồng tòm Babilôn; ală phan ngui hơ̆ bơtau lơh mơ màh mơ priă la ală phan ngui gơrê bal mơ hìu Yàng Tom Trồ dê mơ Nebukatnessar neh ai bơh di hìu duh khoai tòm Jerusalem mơ cèng brê hơ hìu duh khoai tòm Babilôn. Gen bơtau Sirus neh jào ală phan hơ̆ dô nă cau in sơnđan la Sesbajar la cau mơ bơtau neh bơtào gơs kwang at bồ,

Ejra 5:15

mơ đơs mơ khai lah: “Tă tĕ ală phan ngui do mơ cèng ơn wơl tòm hìu duh khoai tòm Jerusalem; mơ bơt bơtào wơl tĕ hìu Yàng Tom Trồ hơđang mơnàng yau gơ dê.”

Ejra 5:2

Gen Jerubabel kòn klau Sealthiel mơ Jesua kòn klau Jôjadak lik lòt nàng bơt wơl hìu Yàng Tom Trồ dê tòm Jerusalem; bal mơ bol khai gơs ală cau gơnoar hwơr Yàng Tom Trồ dê dong kòl bol khai.

Ejra 6:15

Hìu duh khoai neh geh bơt sir tòm ngai pe kơnhai Adar, nam dơ̆ prau rài at bồ bơtau Darius dê.

Sră Age 2:18

Kơlôi sơwì tĕ, bơh ngai do jơl tus hìng nau. Bơh ngai bàr jơt poan kơnhai dơ̆ sin, bơh di ngai mơnàng hìu duh khoai Yàng Jehôwa dê neh bơt. Kơlôi sơwì tĕ:

Sacari 4:10

Ñcau sền òsơp di ngai ală bơta dềt rhền taih? Cau rơp chò hòp sền gŏ che rnoas bơt hìu tòm tê Jerubabel. Poh nơm ồs đèng la gar mat Yàng Jehôwa sền sơwì làm jơh plai ù.”

Sacari 4:9

“Tê Jerubabel neh bơt mơnàng hìu duh khoai do, gen tê khai kung rơp lơh sir. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê.

Jang 2:20

Cau Juda đơs tai lah: “Cau bơt hìu duh khoai do tòm poan jơt prau nam mơ ồng rơp bơtào gơs wơl tòm pe ngai ơ?”