Ejra 5:15 - Sră Goh 2018

¹⁵ mơ đơs mơ khai lah: “Tă tĕ ală phan ngui do mơ cèng ơn wơl tòm hìu duh khoai tòm Jerusalem; mơ bơt bơtào wơl tĕ hìu Yàng Tom Trồ hơđang mơnàng yau gơ dê.”

Ejra 5:15 ပူးပေါင်းရင်းမြစ်များ

Ejra 1:2

“Do la jơnau đơs bơtau Sirus lơgar Persia dê: ‘Yàng Jehôwa la Yàng Tom Trồ ală tap trồ dê neh ai añ in jơh ală lơgar tòm plai ù, mơ Kơnràñ neh jào broă añ in nàng bơt dô nơm hìu duh khoai Kơnràñ in tòm Jerusalem lơgar Juda.

Ejra 3:3

Bol khai ơn cơnòng duh khoai hơđang mơnàng gơ dê, tài bơh bol khai rngòt di ală làng bol ơm gùt dar, mơ ơn ală phan ơn duh khoai chu pơrguc hơđang hơ̆ Yàng Jehôwa in, tòm àng drim mơ tòm mho.

Ejra 5:14

Rlau mơ hơ̆ tai, màh mơ priă mơ ală phan ngui tòm hìu Yàng Tom Trồ dê, mơ bơtau Nebukatnessar neh tă bơh di hìu duh khoai tòm Jerusalem mơ cèng tus hơ tơmut tòm hìu bơmồng tòm Babilôn; ală phan ngui hơ̆ bơtau lơh mơ màh mơ priă la ală phan ngui gơrê bal mơ hìu Yàng Tom Trồ dê mơ Nebukatnessar neh ai bơh di hìu duh khoai tòm Jerusalem mơ cèng brê hơ hìu duh khoai tòm Babilôn. Gen bơtau Sirus neh jào ală phan hơ̆ dô nă cau in sơnđan la Sesbajar la cau mơ bơtau neh bơtào gơs kwang at bồ,

Ejra 5:16

Behơ̆ Sesbajar do neh lòt tus mơ bơt bơtào ală mơnàng hìu Yàng Tom Trồ dê tòm Jerusalem. Bơh ngai hơ̆ tus di tŭ do, cau ơm bơt bơtào hìu hơ̆ mơya òhềt bơt sir.’

Ejra 6:3

Tòm nam sơnròp bơtau Sirus dê, bơtau yal tơlik dô bơta lơh nền gơwèt hơ hìu duh khoai Yàng Tom Trồ dê tòm Jerusalem: Lòi tĕ hìu duh khoai geh bơt bơtào wơl, tềng hơ̆ lơh gơs tiah ơn ală phan ơn duh khoai, mơ ơn phan ơn chu pơrguc, đah jơnhoa rơp la prau jơt tal mơ ơnàng prau jơt tal,