Ejra 5:14 - Sră Goh 2018

¹⁴ Rlau mơ hơ̆ tai, màh mơ priă mơ ală phan ngui tòm hìu Yàng Tom Trồ dê, mơ bơtau Nebukatnessar neh tă bơh di hìu duh khoai tòm Jerusalem mơ cèng tus hơ tơmut tòm hìu bơmồng tòm Babilôn; ală phan ngui hơ̆ bơtau lơh mơ màh mơ priă la ală phan ngui gơrê bal mơ hìu Yàng Tom Trồ dê mơ Nebukatnessar neh ai bơh di hìu duh khoai tòm Jerusalem mơ cèng brê hơ hìu duh khoai tòm Babilôn. Gen bơtau Sirus neh jào ală phan hơ̆ dô nă cau in sơnđan la Sesbajar la cau mơ bơtau neh bơtào gơs kwang at bồ,

Ejra 5:14 ပူးပေါင်းရင်းမြစ်များ

II Yal Yau 36:18

Jơh ală phan ngui tòm hìu duh khoai Yàng Tom Trồ dê, dờng mơ dềt, mơ ală phan màng tòm hìu duh khoai Yàng Jehôwa dê mơ ală phan màng cau bơtau dê mơ ală cau kwang duh broă khai dê, cèng jơh ală phan hơ̆ hơ Babilôn.

II Yal Yau 36:7

Nebukatnessar kung tă cèng tus hơ Babilôn ală phan ngui tòm hìu duh khoai Yàng Jehôwa dê mơ ơn ală phan ngui hơ̆ tòm gơlang khai dê tòm Babilôn.

Ejra 5:15

mơ đơs mơ khai lah: “Tă tĕ ală phan ngui do mơ cèng ơn wơl tòm hìu duh khoai tòm Jerusalem; mơ bơt bơtào wơl tĕ hìu Yàng Tom Trồ hơđang mơnàng yau gơ dê.”

Ejra 5:16

Behơ̆ Sesbajar do neh lòt tus mơ bơt bơtào ală mơnàng hìu Yàng Tom Trồ dê tòm Jerusalem. Bơh ngai hơ̆ tus di tŭ do, cau ơm bơt bơtào hìu hơ̆ mơya òhềt bơt sir.’

Ejra 6:5

Rlau mơ hơ̆, ală phan lơh mơ màh mơ priă ngui tòm hìu Yàng Tom Trồ dê mơ Nebukatnessar neh ai bơh di hìu duh khoai tòm Jerusalem mơ neh cèng tus hơ Babilôn, gen kung pal ơn wơl tòm tiah gơ dê tòm hìu duh khoai tòm Jerusalem; mê pal ơn ală phan hơ̆ wơl tòm hìu Yàng Tom Trồ dê.

Ejra 7:27

Pal jòng ro Jehôwa Yàng Tom Trồ ală ồng pàng bol he dê bơh Kơnràñ neh ơn ală bơta hơ̆ tòm nùs cau bơtau nàng khai lơh gơklŏ hìu Yàng Jehôwa tòm Jerusalem,

Jơnau Pơnđik 21:1

Nùs bơtau dê ơm tòm tê Yàng Jehôwa ò gơkrơi be hiòng dà hòr; Kơnràñ lơh sơrkềng đah lơi jat nùs kòñ Kơnràñ dê.

Jeremi 52:19

Cau kwang at bồ ling gàr bơtau kung cèng brê jơh ală mơngàn, phan ơn kơlhô, thau ƀàk, glah, jơng ồs đèng, cơnhŏ, mơ jơrlŭ, jơh phan lơi lơh mơ màh, jơh phan lơi lơh mơ priă.

Sră Age 1:1

Nam dơ̆ bàr rài at bồ bơtau Darius dê, ngai dùl kơnhai dơ̆ prau, gơs jơnau Yàng Jehôwa dê sồr cau gơnoar hwơr Age đơs mơ Jerubabel, kòn klau Sealthiel, cau kwang dờng at bồ lơgar Juda, mơ đơs mơ Jôsua, kòn klau Jehôjadak, la cau gơnoar dờng lam bồ ơn phan duh khoai lah:

Sră Age 1:14

Behơ̆ Yàng Jehôwa chồl hwềng nùs Jerubabel, kòn klau Sealthiel, kwang dờng at bồ lơgar Juda, mơ chồl hwềng nùs Jôsua, kòn klau Jehôjadak, cau gơnoar dờng lam bồ ơn phan duh khoai, mơ chồl hwềng nùs jơh làng bol gam wơl. Bol khai lòt tus, lơh broă bơt hìu Jehôwa Gơnap Gơnoar Dờng Làm Jơh la Yàng Tom Trồ bol khai dê,

Sră Age 2:2

“Đơs tĕ mơ Jerubabel, kòn klau Sealthiel, kwang dờng at bồ lơgar Juda, mơ Jôsua, kòn klau Jehôjadak, cau gơnoar dờng lam bồ ơn phan duh khoai, mơ làng bol gam wơl, lùp bol khai lah:

Sră Age 2:21

“Đơs tĕ mơ Jerubabel, kwang dờng at bồ lơgar Juda, mơ lah: ‘Añ rơp lơh gơlơnggơr ală tap trồ mơ plai ù.

Broă 13:12

Cau kwang đơng lơgar gŏ bơta neh gơlik gơs gen dòn, bơh ồng ai lơh krơi bơh bơta bơto sồr Yàng dê.