Ejra 5:12 - Sră Goh 2018

¹² Mơya tài bơh ală ồng pàng bol hi dê neh lơh Yàng Tom Trồ ơm hơđang trồ in gơjrañ tian gơs Kơnràñ neh jào phi bol khai tòm tê Nebukatnessar cau Kalde, bơtau Babilôn, bơtau hơ̆ neh tơnroh hìu duh khoai do mơ kup cèng pơrdô làng bol tus hơ Babilôn.

Ejra 5:12 ပူးပေါင်းရင်းမြစ်များ

II Ală Bơtau 24:2

Yàng Jehôwa chồl ală mpồl ling Kalde, ling Aram, ling Môap, mơ ling Ammôn dê tus tòmlơh mơ tơnroh Juda, jat be jơnau Yàng Jehôwa neh đơs bơh di ală cau gơnoar hwơr, la dĭ gơna Kơnràñ dê.

II Ală Bơtau 25:1

Tòm nam dơ̆ sin rài Jedekia, ngai jơt kơnhai jơt, bơtau Nebukatnessar, Babilôn dê, bal mơ jơh mpồl ling khai dê, tus tòmlơh mơ Jerusalem; mơ khai sơntơp sàl di đap ƀòn, mơ bơt dơrñang gơrwàng gùt dar ƀòn.

II Yal Yau 36:20

Khai cèng pơrdô hơ Babilôn ală cau neh klàs bơh đào, mơ bol khai gơlik gơs ală cau duh broă khai in mơ ală kòn klau khai in, jơl tus di tŭ lơgar Persia geh bơtào kơ̆.

Đơs Crih 106:40

Tài bơh hơ̆ bơta gơjrañ dờng Yàng Jehôwa dê gơhào khuh mơ làng bol Kơnràñ dê, Kơnràñ cù kìr di bol khai la sre brê Kơnràñ dê.

Esai 47:6

Añ neh gơhào gơjrañ di làng bol Añ jê, Añ lơh ƀơ̆ ƀơl sre brê Añ, Añ jào bol khai tòm tê ai dê, mơ ai ò yal tơlik bơta nđàc sơngit, Ai ơn dô nơm yô kơnjơ̆ rlau ir hơđang cau kra krồñ.

Jeremi 5:29

Yàng Jehôwa đơs: “Añ rơp ò lơh glài bol khai bơh ală bơta hơ̆ ơ? Mơ Añ rơp ò cèng bơta sal tê hơđang dô nơm lơgar behơ̆ ơ?

Jeremi 51:59

Do la jơnau cau gơnoar hwơr Jeremi nting sồr Seraya, kòn klau Neriya, sau klau Mahaseyah, tòm tŭ khai lòt bal mơ Jedekia bơtau Juda tus hơ lơgar Babilôn tòm nam dơ̆ poan rài bơtau hơ̆. Tŭ hơ̆ Seraya la kwang at bồ tòm gơlang bơtau.

Jeremi 52:12

Ngai jơt kơnhai pram, nam dơ̆ jơt sin rài Nebukatnessar, bơtau Babilôn, gen Nebujaradan, kwang at bồ ling sền gàr bơtau, mut tòm ƀòn Jerusalem.

Daniel 9:5

Bol hi la cau tồi glài mơ lơh tìs, bol hi la iơh bơsak mơ tòmdră mơ Yàng, bol hi neh pơrlơ̆ sang ală bơta sồr lam mơ ală bơta boh lam Yàng dê.

Yal Wơl 31:17

Tòm ngai hơ̆ Añ rơp gơhào gơjrañ di bol khai. Añ rơp sang lòi bol khai mơ Añ rơp pồn mat Añ bơh di bol khai; mơ bol khai rơp gơlik gơs phan ƀuơn kòl tơnroh, mơ oă bơta rung rài bòl glar kalke rơp tus hơđang bol khai. Tòm ngai hơ̆ bol khai rơp đơs lah: ‘Ò di ală bơta rung rài bòl glar kalke tus hơđang bol hi la tài bơh Yàng Tom Trồ bol he dê ò ơm bal mơ bol he ò ơ?’

Yal Wơl 32:30

Dô nă cau mbe rgơi ting bơtrơh dô rbô nă, hala bàr nă cau mbe rgơi ting bơtrơh jơt rbô nă ntoat dô; mìng dilah Pơnai Lŭ bol khai dê neh tac bol khai, mơ Yàng Jehôwa neh sang lòi bol khai?

Ală Kwang Cahrña 2:14

Behơ̆, bơta gơjrañ Yàng Jehôwa dê neh gơhào khuh tòmdră mơ Israel, Kơnràñ lòi bol khai gơkòl phà kơñau tòm tê ală cau phà kơñau bol khai, mơ tac bol khai tòm gơnoar ală cau sò tơm ai phan mơna bol khai dê. Kơnràñ tac bol khai tòm gơnoar ală cau sò tơm ơm gùt dar bol khai; gen tàng bol khai ò rgơi ntào jai tòmdră mơ ală cau sò tơm bol khai dê.

Ală Kwang Cahrña 4:2

Behơ̆ Yàng Jehôwa tac bol khai tòm tê Jabin bơtau Kanaan at bồ tòm Hajor. Cau kwang at bồ mpồl ling khai dê la Sisera ơm tòm Harôset Hagôim.

Ală Kwang Cahrña 6:1

Làng bol Israel lơh bơta iơh bơsak tai di đap Yàng Jehôwa, gen Kơnràñ jào bol khai tòm tê làng bol Midian tòm poh nam.