Ejra 5:11 - Sră Goh 2018

¹¹ Do la jơnau bol khai ho wơl bol hi in: ‘Bol hi la ală cau duh broă Yàng Tom Trồ, hơđang trồ mơ tiah dê, mơ bol hi ơm bơt wơl hìu duh khoai neh geh bơt jŏ sơnam lài òr, la hìu duh khoai mơ dô nă cau bơtau dờng Israel dê neh bơt bơtào mơ lơh sir.

Ejra 5:11 ပူးပေါင်းရင်းမြစ်များ

Sơnròp Gơlik Gơs 24:3

mơ añ rơp sồr mê ai sơnđan Yàng Jehôwa la Yàng trồ mơ tiah dê mơ ho bal lah mê ò jòi bau kòn klau añ in tòm ală cau ơruh làng bol Kanaan dê, hơ̆ la làng bol mơ bol he ơm ing nàng tòmbau mơ kòn klau añ,

I Ală Bơtau 6:38

Tus nam dơ̆ jơt dùl, di kơnhai Bulơ, hơ̆ la kơnhai phàm, bơta bơt hìu duh khoai neh sir tòm ală pơnah gơ dê, jat be rùp neh cih. Salômôn neh bơt sir hìu duh khoai tòm poh sơnam.

I Ală Bơtau 9:10

Tŭ lồi dut bàr jơt sơnam, Salômôn bơt sir bàr nơm hìu, hơ̆ la hìu duh khoai Yàng Jehôwa dê mơ gơlang bơtau,

Ejra 5:10

Bol hi kung neh lùp sơnđan bol khai nàng bol hi rgơi cih bơtau in git sơnđan ală cau lam bồ bol khai dê.

Đơs Crih 119:46

Añ kung rơp đơs bơh ală jơnau sồr kràñ cê Kơnràñ dê di đap ală cau bơtau, Mơ rơp ò kòl ƀàssìl dô êt lơi,

Đơs Crih 136:26

Ưnngài tĕ Yàng Tom Trồ hơđang trồ, Bơh bơta kòñ gơboh kơ̆ dơn Kơnràñ dê gam sùm sùm.

Daniel 3:26

Gen bơtau Nebukatnessar tus rềp hơ mpồng bơnhă ồs, mơ ai jơnau hòi lah: “Ơ Sadrak, Mesak mơ Abetnegô la cau duh broă Yàng Tom Trồ Hơđang Rlau Jơh dê, lik tĕ mơ lòt tus hơ do!” Gen Sadrak, Mesak mơ Abetnegô lik bơh digùl bơnhă ồs.

Jôna 1:9

Khai ho lah: “Añ la dô nă cau Hebrơ, mơ añ duh khoai Yàng Jehôwa la Yàng Tom Trồ hơđang trồ, la Bơtau neh lơh gơs dàlềng mơ ù tiah.”

Mathiơ 10:32

Cau lơi yal tơlik Añ di đap cau, gen Añ kung rơp yal tơlik khai di đap Bèp Añ ơm hơđang trồ.

Luka 12:8

Añ kung đơs mơ bol mê, dilah cau lơi yal tơlik Añ di đap cau, gen Kòn mơnus kung rơp yal tơlik khai di đap cau gơnrơh Yàng Tom Trồ dê sơl;

Broă 27:23

Bơh tòm mang do Yàng Tom Trồ la Bơtau mơ añ gơrê bal mơ duh broă, neh ai cau gơnrơh Kơnràñ dê ntào di gah añ,

Rôma 1:16

Ngan behơ̆, añ ò ƀàssìl bơh Jơnau Niam ò, bơh la gơnap gơnoar Yàng Tom Trồ dê nàng dong klàs kòp nă cau dòn, lài la cau Juda, tơnơ̆ la cau Grek.

Rôma 6:16

Oh mi ò git lah dilah oh mi neh ơn să he lơh gơs dĭ gơna nàng dòn bơr cau lơi, gen lơh gơs dĭ gơna cau he dòn bơr dê, dĭ gơna tồi glài dê lam tus hơ bơta chơt, dĭ gơna bơta dòn bơr dê lam tus hơ bơta song ring ò ơ?

Galati 6:14

Đah mơ añ, ngan añ ò bài jòng să, mìng jòng să bơh chi pơng Yàng Jesu Krist bol he dê lơm; bơh chi pơng hơ̆, dunnia gơwèt mơ añ neh kòl pơng đìn, añ gơwèt mơ dunnia kung behơ̆ sơl!

Jôsue 24:15

Dilah bol mê ò bài duh broă Yàng Jehôwa, gen bol mê sac rwah tĕ tòm ngai do yàng lơi mơ bol mê rơp duh broă, ală yàng ală ồng pàng bol mê dê neh duh broă đah ne hiòng Ơphrat, hala ală yàng làng bol Amôrit dê tòm lơgar bol mê ơm. Mơya añ mơ hìu nhă añ jê, bol hi rơp duh broă Yàng Jehôwa.”