Ejra 4:20 - Sră Goh 2018

²⁰ Jerusalem neh gơs ală cau bơtau gơs gơnoar pràn at bồ làm jơh Đah Ne Hiòng, mơ làng bol neh dap dia bơh jơh ală bơta ală cau bơtau hơ̆ in.

Ejra 4:20 ပူးပေါင်းရင်းမြစ်များ

Sơnròp Gơlik Gơs 15:18

Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat,

I Ală Bơtau 4:21

Salômôn at bồ hơđang jơh ală lơgar bơh hiòng Ơphrat tus di lơgar Philistin, ngài tus di nhàr lơgar Ejiptơ. Ală lơgar hơ̆ dap dia mơ dòn duh hơđơm gơnoar Salômôn dê jơl jơh rài kis khai dê.

I Ală Bơtau 4:24

Bơh khai at bồ hơđang jơh ală kơnhwàl ơm đah mattơngai mut hiòng Ơphrat dê, bơh Tipsah tus hơ Gaja; mơ gơs bơta ring lơngai tòm làm lơgar.

I Ală Bơtau 5:1

Tŭ hơ̆ Hiram bơtau Tirơ sồr ală cau duh broă khai dê lòt tus hơ Salômôn, tòm tŭ khai kơno Salômôn neh geh bong mơñà gơs bơtau nàng pơrdòn sơbàn bèp khai dê, bơh Hiram sùm sùm la cau bơyô gơwèt mơ Dabit.

I Ală Bơtau 5:4

Mơya tŭ do, Jehôwa Yàng Tom Trồ añ jê neh ai añ in bơta rlô ring lơngai bơh ală đah, ò gơs cau sò tơm, hala bơta rung rài.

I Yal Yau 18:13

Khai ơn ală cau ling kơp gàr tòm Edôm, mơ jơh ală cau Edôm gơlik gơs cau duh broă Dabit. Yàng Jehôwa ai Dabit in bơta pha lin rlau tòm làm jơh ală tiah khai lòt tus.

I Yal Yau 18:3

Rlau mơ hơ̆, Dabit tòmlơh mơ Hadadejer bơtau Jôba dê tus di Hamat, tòm tŭ khai bơtào kơ̆ gơnoar at bồ khai dê rò gah hiòng Ơphrat.

I Yal Yau 18:6

Khai ơn ală cau ling kơp gàr tòm Aram gơrê bal mơ Damas, mơ cau Aram gơlik gơs cau kong duh broă mơ dap dia khai in. Yàng Jehôwa ai Dabit in bơta pha lin rlau tòm làm bă tiah khai lòt tus.

I Yal Yau 19:19

Tòm tŭ ală làng bol hơđơm gơnoar at bồ Hadadejer dê gŏ bol khai neh kong cau Israel lơh alah, bol khai lơh gơtòmsòr mơ Dabit mơ kong duh broă khai. Behơ̆, cau Aram ò bài dong kòl cau Ammôn tai.

II Yal Yau 17:11

Gơs dô êt cau Philistin cèng Jehôsaphat ală phan pà, mơ priă nàng lơh gơs phan pà, mơ ală cau Arap kung cèng khai in poh rbô poh rhiang nơm belàt mơ poh rbô poh rhiang nơm be.

II Yal Yau 9:14

rlau mơ màh hơ̆ gam gơs màh bơh ală cau kă bro cèng tus. Jơh ală cau bơtau Arap mơ ală cau kwang dờng at bồ tòm lơgar kung cèng màh mơ priă Salômôn in.

Ejra 4:13

Tŭ do, dan yal bơtau in git lah, dilah ƀòn dờng do geh bơt wơl mơ ală dơrñang gơ geh bơtào wơl, bol khai rơp ò dap dia bơtau in tai jat bơta òs mòng, dap dia lòt gùng mơ đam priă lơgar bơtau dê rơp gơhuc.

Ejra 4:16

Bol hi kòñ yal bơtau in git dilah ƀòn dờng do geh bơt wơl mơ ală dơrñang gơ geh bơtào sir, gen bơtau rơp ò gam gơs pơnah lơi tòm kơnhwàl Đah Ne Hiòng.”

Ejra 4:19

Añ neh ai jơnau sồr mơ cau neh jòi sơwì, mơ neh geh bàn tòm ală sră yal yau lơgar dimơ neh git lah ƀòn dờng hơ̆ bơh yau òr neh òs tòmdră mơ ală cau bơtau, mơ la dô bă tiah jak pơrlơ̆ dră mơ òs chồl tơngguh bơta tòmdră.

Ejra 4:21

Tŭ do bol mê ai tĕ jơnau gơnoar sồr jơh ală cau hơ̆ pal dơh wơl, ò geh gơnoar bơt wơl ƀòn dờng hơ̆ jơl tus di tŭ añ ai gơnoar sồr bơh broă hơ̆.

Ejra 7:24

Bol mê kung pal git lah bol mê ò gơs gơnoar boh dia lơi di ală cau gơnoar ơn phan duh khoai, ală cau Lebi, ală cau đơs chò, ală cau kơp mpồng, ală cau duh broă tòm hìu duh khoai, hala ală cau lơh broă ndai tòm hìu Yàng Tom Trồ dê.

Đơs Crih 72:8

Dan ai khai in at bồ bơh dàlềng do tus hơ dàlềng ne, Bơh di hiòng jơl tus di lồi plai ù.

Ñìm Rac 1:1

Mbe ƀòn dờng ơm nggui is dô nă, hơ̆ la ƀòn bơh lài òr neh gơs bềng cau! Mbe khai gơlơh be dô nă cau ùr bơnrau, Yau òr khai la dờng digùl ală làng bol! Yau òr khai la kwang at bồ digùl ală kơnhwàl lơgar, tŭ do khai gơlik gơs dô nă cau duh broă cau ndai in!

Ejekiel 19:11

Ală ntê pràn rlau jơh gơ dê gơlik gơs gai gơnoar at bồ. Gơhòn jơnhoa ngan gơs oă ntê mơ nha, cồng gơ jơnhoa hơđang ơm digùl ală ntê, lơh cau in gŏ bơta jơnhoa gơ dê.

Mathiơ 9:9

Yàng Jesu lòt bơh tềng hơ̆, gŏ dô nă cau sơnđan la Mathiơ nggui tòm tiah boh dia, gen sồr khai lah: “Jat tĕ Añ.” Khai ñă ntào mơ jat Kơnràñ.