Ejra 3:8 - Sră Goh 2018

⁸ Tòm kơnhai dơ̆ bàr tơnơ̆ mơ tŭ bol khai tus hơ hìu duh khoai Yàng Tom Trồ dê tòm Jerusalem, tòm nam dơ̆ bàr gen Jerubabel kòn klau Sealthiel, mơ Jesua kòn klau Jôjadak, neh sơntòm bơt, bal mơ ală cau gam wơl tòm làng bol bol khai dê, ală cau gơnoar ơn phan duh khoai, ală cau Lebi bal mơ jơh ală cau neh rê wơl hơ Jerusalem bơh di tiah neh gơkòl kup cèng. Bol khai pồ bơtào ală cau Lebi gơs bàr jơt nam mơ rlau, tòm broă sền gàr tòm broă bơt bơtào hìu Yàng Jehôwa dê.

Ejra 3:8 ပူးပေါင်းရင်းမြစ်များ

I Yal Yau 23:4

Dabit đơs lah: “Bàr jơt poan rbô nă tòm ală cau do rơp rcang gàr broă lơh tòm hìu duh khoai Yàng Jehôwa dê mơ prau rbô nă la cau kwang at bồ mơ kwang cahrña.

I Yal Yau 3:17

mơ ală kòn sau Jekônia cau kòl kup cèng pơrdô la: Sealthiel,

Ejra 10:18

Digùl ală kòn sau ală cau gơnoar ơn phan duh khoai dê, ală cau tơnơ̆ do neh bau mơ cau ùr làng bơdìh: Bơh di ală kòn sau mpồl Jôsua kòn klau Jôjadak mơ ală oh mi khai dê: Maaseyah, Eliejer, Jarip mơ Gedalia.

Ejra 2:2

Bol khai lòt bal mơ Jerubabel, Jesua, Nehemi, Seraya, Reelayah, Mordike, Bilsan, Mispar, Bikbai, Rehum mơ Baanah. Ntum khà ală làng bol Israel dê:

Ejra 3:2

Gen Jesua kòn klau Jôjadak bal mơ ală cau gơnoar ơn phan duh khoai khai dê mơ Jerubabel kòn klau Sealthiel mơ ală oh mi khai dê lik nàng bơt cơnòng duh khoai Yàng Tom Trồ Israel dê, nàng ơn phan duh khoai chu pơrguc hơđang hơ̆, jat be neh cih tòm bơta boh lam Môise cau Yàng Tom Trồ dê.

Ejra 4:24

Behơ̆ broă bơt hìu duh khoai Yàng Tom Trồ tòm Jerusalem ơm dơh wơl jơl tus di nam bàr rài at bồ Darius bơtau Persia dê.

Ejra 4:3

Mơya Jerubabel, Jesua mơ ală cau gam wơl at bồ ală hìu nhă Israel dê đơs mơ bol hơ̆ lah: “Bol mê ò gơs pơnah lơi bal mơ bol hi tòm bơta bơt bơtào dô nơm hìu duh khoai Yàng Tom Trồ bol hi dê. Mìng bol hi lơm rơp bơt bơtào hìu hơ̆ Jehôwa Yàng Tom Trồ Israel dê, jat be Sirus bơtau Persia neh ai gơnoar sồr bol hi.”

Ejra 5:16

Behơ̆ Sesbajar do neh lòt tus mơ bơt bơtào ală mơnàng hìu Yàng Tom Trồ dê tòm Jerusalem. Bơh ngai hơ̆ tus di tŭ do, cau ơm bơt bơtào hìu hơ̆ mơya òhềt bơt sir.’

Ejra 5:2

Gen Jerubabel kòn klau Sealthiel mơ Jesua kòn klau Jôjadak lik lòt nàng bơt wơl hìu Yàng Tom Trồ dê tòm Jerusalem; bal mơ bol khai gơs ală cau gơnoar hwơr Yàng Tom Trồ dê dong kòl bol khai.

Sră Age 1:1

Nam dơ̆ bàr rài at bồ bơtau Darius dê, ngai dùl kơnhai dơ̆ prau, gơs jơnau Yàng Jehôwa dê sồr cau gơnoar hwơr Age đơs mơ Jerubabel, kòn klau Sealthiel, cau kwang dờng at bồ lơgar Juda, mơ đơs mơ Jôsua, kòn klau Jehôjadak, la cau gơnoar dờng lam bồ ơn phan duh khoai lah:

Sacari 4:9

“Tê Jerubabel neh bơt mơnàng hìu duh khoai do, gen tê khai kung rơp lơh sir. Gen bol mê rơp git lah Yàng Jehôwa Gơnap Gơnoar Dờng Làm Jơh neh sồr añ tus mơ bol mê.

Sacari 6:12

Đơs tĕ mơ khai lah Yàng Jehôwa Gơnap Gơnoar Dờng Làm Jơh neh đơs be do: ‘Do la dô nă cau gơs sơnđan la Sơmbut Ntê Chi, mơ khai rơp lik bơh di tiah khai dê mơ bơt bơtào hìu duh khoai Yàng Jehôwa dê.

Khà Làng Bol 4:3

bơh pe jơt nam tus di pram jơt nam, hơ̆ la ală cau rgơi duh broă tòm Sàl Tòm Mat.