Ejra 3:4 - Sră Goh 2018

⁴ Bol khai prap gàr ngai pơjum sa ngai wèr Sàl Ing, jat be bơta neh cih mơ ơn ală phan ơn duh khoai chu pơrguc jat khà pal ơn kòp ngai be neh geh lơh nền.

Ejra 3:4 ပူးပေါင်းရင်းမြစ်များ

I Yal Yau 16:37

Dabit lòi Asap mơ ală cau lơh broă bal mơ khai di đap Đài Bơta Ho Bal Yàng Jehôwa dê nàng duh broă jat be òs tềng hơ̆ tòm ală bơta pal lơh kòp ngai.

II Yal Yau 31:16

Rlau mơ ală cau geh cih sơnđan tòm sră cih jat jơi bơtiàn, bol khai tòmpà ală cau klau bơh pe nam hala dờng rlau, la jơh ală cau geh mut tòm hìu duh khoai Yàng Jehôwa dê nàng lơh broă pal càng kòp ngai, jat broă tòm neh jào bol khai in mơ jat ală mpồl bol khai dê.

Lik Ejiptơ 23:16

Bol mê pal kah prap bơta Pơjum Sa Kơnhai Toès bal mơ ală plai đo bồ sơnam gơlik bơh ală phan bol mê tùc tam tòm ƀlàng sre bol mê dê. Pơjum Sa Kơnhai Tơrgòm Prap, la tòm tŭ bol mê tơrgòm ală plai đo bơh ƀlàng sre bol mê dê.

Lik Ejiptơ 29:38

Do la ală phan mê pal ơn sùm be òs kòp ngai hơđang cơnòng duh khoai: bàr nơm belàt kòn dô nam.

Lik Ejiptơ 5:13

Ală cau at bồ cau dĭ sồr bơklơn bol khai mơ đơs lah: “Lơh tơl tĕ sir broă bol mê pal lơh kòp ngai, kung be tòm tŭ bol mê neh geh cau phàt rhe.”

Jeremi 52:34

Jehôyakin gam kis kàr lơi, gen bơtau Babilôn ai phan ngui sa khai in sùm kòp ngai, jơl jơh rài kis khai dê.

Lebi 23:33

Yàng Jehôwa đơs mơ Môise lah:

Khà Làng Bol 29:39

Bơtơl tĕ hơđang jơnau bol mê neh srat să ho nền, mơ ală phan ơn jat nùs kòñ bol mê dê gen rcang tĕ ală bơta do Yàng Jehôwa in tòm ală bơta pơjum sa neh bơtào gơs: ală phan ơn chu pơrguc, ală phan ơn mơ kòi mbo, ală phan ơn pơdơng hùc mơ ală phan ơn ring lơngai.”

Jang 7:2

Bơta pơjum Sa Sàl Ing làng bol Juda dê neh mòr di.

Jang 7:37

Ngai lồi dut, la ngai dờng màng tòm ală ngai pơjum sa, Yàng Jesu ntào, hòi dờng lah: “Dilah cau lơi tơhìr, tus tĕ hơ Añ mơ hùc.