Ejra 3:13 - Sră Goh 2018

¹³ Gen tàng ò gơs cau lơi rgơi cah is digùl jơnau hòn chò mơ jơnau ñìm rac, tài bơh làng bol driau dờng nggồr nggàc, mơ cau kơno jơnau ntas hơ̆ ngài ngan.

Ejra 3:13 ပူးပေါင်းရင်းမြစ်များ

I Ală Bơtau 1:40

Mơ jơh làng bol guh jat khai, uh kơwào mơ hòn chò ò git lơh, tian gơs ù gơlơnggơr bơh jơnau driau dờng bol khai dê.

I Ală Bơtau 1:45

Jadôk cau gơnoar ơn phan duh khoai bal mơ Nathan cau gơnoar hwơr neh bong mơñà Salômôn in lơh gơs bơtau tòm Gihôn. Bơh tềng hơ̆ bol khai neh guh driau dờng hòn chò, mơ ƀòn dờng nggồr ur. Hơ̆ la jơnau ntas mơ ală ồng neh kơno.”

Ejra 3:12

Mơya oă cau gơnoar ơn phan duh khoai, ală cau Lebi mơ ală cau at bồ ală hìu nhă, ală cau kra la ală cau neh gŏ hìu duh khoai yau, neh geh bơt hơđang mơnàng gơ dê; bol khai ñìm nggà dờng tòm tŭ bol khai neh gŏ hìu do, bulah behơ̆ oă jơnau driau dờng bơh bơta hòn chò ngan,

Ejra 4:1

Tòm tŭ ală cau sò tơm làng bol Juda mơ Benjamin di kơno lah, ală cau neh kòl kup cèng rê wơl bơt bơtào wơl dô nơm hìu duh khoai Jehôwa Yàng Tom Trồ Israel dê,

Nehemi 12:43

Bol khai ơn oă ngan ală phan duh khoai mơ hòn chò tòm ngai hơ̆, tài bơh Yàng Tom Trồ neh lơh bol khai in hòn chò mơ bơta hòn chò dờng. Ală cau ùr mơ ală cau kơnòm kung chò hòp, sap ntas bơta chò hòp tòm Jerusalem geh kơno ngài ngan.

Đơs Crih 5:11

Mơya lòi jơh ală cau lơi in kìng crŭ să he tòm Kơnràñ gen geh hòn chò, Lòi bol khai đơs chò hòn chò sùm; Dan Yàng sền gàr bol khai, Nàng cau lơi kòñ gơboh di sơnđan Kơnràñ dê, rơp hòn chò tòm Kơnràñ.

Jeremi 33:11

gen cau rơp kơno sap driau chò mơ hòn chò, sap cau bơrtơu pa mơ sap cau ƀan pa, sap ală cau đơs chò kung be bol khai cèng phan ơn pơdơng tòm hìu Yàng Jehôwa dê: “Ưnngài tĕ Yàng Jehôwa Gơnap Gơnoar, Bơh Yàng Jehôwa la niam, Bơta kòñ gơboh kơ̆ dơn Kơnràñ dê gam sùm sùm!” Bơh Añ rơp bơtào wơl lơgar do in be lài òr,’ Yàng Jehôwa đơs behơ̆.

Jeremi 50:4

Yàng Jehôwa đơs: “Tòm ală ngai hơ̆ mơ tòm tŭ hơ̆, làng bol Israel mơ làng bol Juda dô bă bal rê wơl, lòt ndang ñìm ndang, jòi jat Jehôwa Yàng Tom Trồ bol khai dê.

Sacari 4:7

Ơ mơnơm dờng ne, mê la ñcau taih? Ơm di đap Jerubabel mê gơlik gơs ƀlàng ring, mơ khai rơp cèng tơlik lŭ bồ digùl ală jơnau driau dờng lah: ‘Kòñ nđàc! Kòñ nđàc gơ in!’”

Ală Kwang Cahrña 2:5

behơ̆ bol khai sơnđan tiah hơ̆ la Bôkim. Tềng hơ̆ bol khai ơn phan duh khoai Yàng Jehôwa in.

I Samuel 4:5

Tòm tŭ Đài Bơta Ho Bal Yàng Tom Trồ dê neh tus di tiah bơtào sàl, gen jơh Israel driau dờng ngan tian gơs ù gơlơnggơr.