Ejra 3:10 - Sră Goh 2018

¹⁰ Tòm tŭ ală cau chài bơt mơnàng hìu duh khoai Yàng Jehôwa dê, gen ală cau gơnoar ơn phan duh khoai soh ồi ào jrùh mơ ntào di tiah bol khai dê, mơ at kơlwòk, mơ ală cau Lebi ală kòn klau Asap tur cing mơ jòng ro Yàng Jehôwa jat be bơta lơh nền bơh Dabit bơtau Israel dê;

Ejra 3:10 ပူးပေါင်းရင်းမြစ်များ

I Yal Yau 15:24

Sebania, Jôsaphat, Nethanel, Amasai, Sacari, Benayah mơ Eliejer la ală cau gơnoar ơn phan duh khoai gen uh ală kơlwòk di đap Đài Bơta Ho Bal Yàng Tom Trồ dê. Ôbet Edôm mơ Jehia kung la ală cau kơp gàr mpồng Đài Bơta Ho Bal in.

I Yal Yau 15:27

Dabit neh soh dô nơm ào jrùh mơ bài che dơmài lơbơn, jơh ală cau Lebi tùng Đài Ho Bal kung soh behơ̆ bal mơ ală cau đơs chò mơ Kenania la cau lam bồ ală mpồl đơs chò sơl. Dabit kung soh dô nơm ephot mơ bài che dơmài.

I Yal Yau 16:37

Dabit lòi Asap mơ ală cau lơh broă bal mơ khai di đap Đài Bơta Ho Bal Yàng Jehôwa dê nàng duh broă jat be òs tềng hơ̆ tòm ală bơta pal lơh kòp ngai.

I Yal Yau 16:42

Heman mơ Jeduthun gơs broă tòm tòm bơta uh ală kơlwòk mơ tur cing dềt, mơ tòm bơta pĕ mơ rơs ală kơñi ndai jat ală bơta đơs chò sàng goh. Ală kòn klau Jeduthun dê geh sồr kơp gàr mpồng dờng.

I Yal Yau 23:5

Poan rbô nă rơp gơs cau kơp gàr mpồng, mơ poan rbô nă rơp gơs cau jòng ro Yàng Jehôwa bal mơ tơl ală kơñi mơ añ neh lơh bơh bơta jòng ro.”

I Yal Yau 25:25

khà dơ̆ jơt phàm di Hanani, ală kòn klau mơ ală gơp bơtiàn khai dê: jơt bàr nă,

II Yal Yau 35:14

Tơnơ̆ mơ tŭ bol khai neh lơh bơta rcang lài să tòm bol khai in mơ ală cau gơnoar ơn phan duh khoai in, tài bơh ală cau gơnoar ơn phan duh khoai la ală kòn sau Arôn dê, neh geh pơnah tòm phan ơn chu pơrguc mơ ală pơnah dơngi jơl tus di trồ mang. Behơ̆ ală cau Lebi neh lơh bơta rcang lài să tòm bol khai in mơ ală cau gơnoar ơn phan duh khoai jat jơi Arôn in.

II Yal Yau 35:15

Ală cau jak lip kơñi la ală kòn sau Asap neh ơm di tiah lơh nền bơh Dabit, Asap, Heman mơ Jeduthun la cau gơnoar git lài bơtau dê. Ală cau kơp mpồng tòm kòp nơm mpồng, bol khai ò càng ơm dơh wơl broă bol khai dê, bơh ală oh mi Lebi bol khai dê neh rcang lài bol khai in rau.

II Yal Yau 5:12

mơ jơh ală cau gơrê bal mơ cau Lebi đơs chò, la Asap, Heman, Jeduthun mơ ală kòn klau mơ gơp bơtiàn bol khai dê, soh ào bài che dơmài lơbơn, gen ơm đah mattơngai lik cơnòng duh khoai dê, tur cing dềt mơ rơs ală kơñi che bal mơ dô rhiang bàr jơt nă cau gơnoar ơn phan duh khoai uh kơlwòk.

Ejra 2:41

Ală cau đơs chò: ală kòn sau Asap dê la dô rhiang bàr jơt phàm nă.

Ejra 5:16

Behơ̆ Sesbajar do neh lòt tus mơ bơt bơtào ală mơnàng hìu Yàng Tom Trồ dê tòm Jerusalem. Bơh ngai hơ̆ tus di tŭ do, cau ơm bơt bơtào hìu hơ̆ mơya òhềt bơt sir.’

Đơs Crih 150:5

Tur tĕ cing ntas dờng nàng jòng ro Kơnràñ! Tur tĕ cing nggồr nàng jòng ro Kơnràñ!

Sră Age 2:15

Mơya tŭ do, kơlôi sơwì tĕ ală bơta rơp tus bơh ngai do jơl tus hìng nau. Lài mơ tŭ dô pơnai lŭ neh ơn hơđang dô pơnai lŭ nàng bơt hìu duh khoai Yàng Jehôwa dê,

Sacari 4:10

Ñcau sền òsơp di ngai ală bơta dềt rhền taih? Cau rơp chò hòp sền gŏ che rnoas bơt hìu tòm tê Jerubabel. Poh nơm ồs đèng la gar mat Yàng Jehôwa sền sơwì làm jơh plai ù.”

Sacari 4:6

Behơ̆ khai đơs mơ añ lah: “Do la jơnau Yàng Jehôwa đơs mơ Jerubabel: ‘Hơ̆ ò di la bơh gơnoar pràn, kung ò di la bơh gơnap gơnoar, mơya la bơh Hwềng Añ,’ Yàng Jehôwa Gơnap Gơnoar Dờng Làm Jơh đơs behơ̆.

Sacari 4:7

Ơ mơnơm dờng ne, mê la ñcau taih? Ơm di đap Jerubabel mê gơlik gơs ƀlàng ring, mơ khai rơp cèng tơlik lŭ bồ digùl ală jơnau driau dờng lah: ‘Kòñ nđàc! Kòñ nđàc gơ in!’”

Sacari 6:12

Đơs tĕ mơ khai lah Yàng Jehôwa Gơnap Gơnoar Dờng Làm Jơh neh đơs be do: ‘Do la dô nă cau gơs sơnđan la Sơmbut Ntê Chi, mơ khai rơp lik bơh di tiah khai dê mơ bơt bơtào hìu duh khoai Yàng Jehôwa dê.

Sacari 7:3

mơ lùp ală cau gơnoar ơn phan duh khoai tòm hìu duh khoai Yàng Jehôwa Gơnap Gơnoar Dờng Làm Jơh dê, bal mơ ală cau gơnoar hwơr lah: “Añ pal ñìm rac mơ ơt sa tòm kơnhai pram kung be añ neh lơh tòm oă sơnam neh rlau sơl ơ?”

I Samuel 22:18

Gen cau bơtau ai jơnau sồr Dôek mơ đơs lah: “Mê wèt mơ tơnchơt tĕ ală cau gơnoar ơn phan duh khoai hơ̆.” Behơ̆ Dôek cau Edôm wèt mơ tơnchơt ală cau gơnoar ơn phan duh khoai. Tòm ngai hơ̆ khai tơnchơt phàm jơt pram nă cau soh ephot lơh mơ bài che dơmài.