Ejra 10:18 - Sră Goh 2018

¹⁸ Digùl ală kòn sau ală cau gơnoar ơn phan duh khoai dê, ală cau tơnơ̆ do neh bau mơ cau ùr làng bơdìh: Bơh di ală kòn sau mpồl Jôsua kòn klau Jôjadak mơ ală oh mi khai dê: Maaseyah, Eliejer, Jarip mơ Gedalia.

Ejra 10:18 ပူးပေါင်းရင်းမြစ်များ

Ejra 10:17

di ngai dùl kơnhai dùl bol khai neh tus mơ lơh sir gơwèt mơ jơh ală cau klau neh bau mơ cau ùr làng bol bơdìh.

Ejra 2:2

Bol khai lòt bal mơ Jerubabel, Jesua, Nehemi, Seraya, Reelayah, Mordike, Bilsan, Mispar, Bikbai, Rehum mơ Baanah. Ntum khà ală làng bol Israel dê:

Ejra 2:36

Ală cau gơnoar ơn phan duh khoai: Ală kòn sau Jedayah jat hìu nhă Jesua dê la sin rhiang poh jơt pe nă;

Ejra 3:2

Gen Jesua kòn klau Jôjadak bal mơ ală cau gơnoar ơn phan duh khoai khai dê mơ Jerubabel kòn klau Sealthiel mơ ală oh mi khai dê lik nàng bơt cơnòng duh khoai Yàng Tom Trồ Israel dê, nàng ơn phan duh khoai chu pơrguc hơđang hơ̆, jat be neh cih tòm bơta boh lam Môise cau Yàng Tom Trồ dê.

Ejra 3:8

Tòm kơnhai dơ̆ bàr tơnơ̆ mơ tŭ bol khai tus hơ hìu duh khoai Yàng Tom Trồ dê tòm Jerusalem, tòm nam dơ̆ bàr gen Jerubabel kòn klau Sealthiel, mơ Jesua kòn klau Jôjadak, neh sơntòm bơt, bal mơ ală cau gam wơl tòm làng bol bol khai dê, ală cau gơnoar ơn phan duh khoai, ală cau Lebi bal mơ jơh ală cau neh rê wơl hơ Jerusalem bơh di tiah neh gơkòl kup cèng. Bol khai pồ bơtào ală cau Lebi gơs bàr jơt nam mơ rlau, tòm broă sền gàr tòm broă bơt bơtào hìu Yàng Jehôwa dê.

Ejra 5:2

Gen Jerubabel kòn klau Sealthiel mơ Jesua kòn klau Jôjadak lik lòt nàng bơt wơl hìu Yàng Tom Trồ dê tòm Jerusalem; bal mơ bol khai gơs ală cau gơnoar hwơr Yàng Tom Trồ dê dong kòl bol khai.

Ejra 9:1

Tơnơ̆ mơ tŭ ală broă hơ̆ neh sir rau, ală cau kwang at bồ lòt tus hơ añ mơ đơs lah: “Làng bol Israel, ală cau gơnoar ơn phan duh khoai, mơ ală cau Lebi, ò cah is să bol khai bơh di ală làng bol ơm tòm lơgar bal mơ bơta ngkòr ngkàc làng bol hơ̆ dê, bơh di làng bol Kanaan, làng bol Hetit, làng bol Pheres, làng bol Jebusit, làng bol Ammôn, làng bol Môap, làng bol Ejiptơ mơ làng bol Amôr.

Ejra 9:2

Bơh bol khai neh lap ală kòn ùr ală làng bol hơ̆ dê nàng bau să tòm bol khai in mơ ală kòn klau bol khai in sơl. Ală gar sơntìl sàng goh do neh gơbơcă mơ làng bol ơm tòm lơgar, mơ tòm bơta ò dòn song do ală cau kwang mơ cau lam bồ neh lam gùng.”

Nehemi 12:10

Jesua la bèp Jôyakim, Jôyakim la bèp Eliasip, Eliasip la bèp Jôyada,

Nehemi 13:28

Gơs dô nă tòm ală kòn klau Jôyada dê, sau Eliasip, cau gơnoar lam bồ ơn phan duh khoai, la bơrtơu Sanbalat cau Hôrôn dê. Tài bơh hơ̆ añ neh bơtrơh khai ngài bơh di añ.

Nehemi 8:4

Cau bơto bơta boh lam Ejra ntào hơđang tiah bơto lơh mơ mpàn mơ cau neh lơh nàng ngui tŭ hơ̆. Ntào di gah khai la Mattithia, Sema, Anayah, Uria, Hilkia; ntào đah ma khai la Maaseyah; mơ Pedayah, Misael, Malkijah, Hasum, Hasbadanah, Sacari, mơ Mesulam ntào đah kiau khai.

Nehemi 8:7

Kung gơs Jesua, Bani, Serebia, Jamin, Akup, Sabethai, Hôdiah, Maaseyah, Kelita, Ajaria, Jôjabat, Hanan, Pelayah, mơ ală cau Lebi dong kòl làng bol nàng git wă bơta boh lam tòm tŭ làng bol gam ơm di tiah bol khai dê.

Jeremi 23:10

Tòm lơgar bềng lìu ală cau rềs àr bơrnàn; Tài bơh bơta srat sơntơm gen ù tiah gơlik moat jrùng; Ală ƀlàng ñhơt tòm ƀlàng ngềt ngơt ro rañ. Cau gơnoar hwơr lòt jat gùng iơh, ngui gơnoar bol khai tòm bơta ò song ring;

Jeremi 23:11

Yàng Jehôwa đơs: “Bơh cau gơnoar hwơr mơ cau gơnoar ơn phan duh khoai ò duh rngòt, Tian gơs Añ gŏ bơta iơh bơsak bol khai dê tòm hìu Añ;

Jeremi 23:14

Mơya, tòm mpồl cau gơnoar hwơr tòm Jerusalem, Añ gŏ dô bơta cù kìr rlau tai; Bol khai tìs glài rềs àr bơrnàn, cơnđòa jat bơta ma blac; Bol khai lơh pràn kơldang tê cau lơh iơh in, Tian gơs ò gơs cau lơi pơrlac sang bơta iơh. Añ sền jơh ală bol khai gơlik kung be Sôdôm, Mơ làng bol gơ dê kung be Gômôrơ.”

Ejekiel 44:22

Bol khai ò di bau mơ cau ùr bơnrau hala cau ùr neh bau sang lòi; bol khai mìng bau mơ cau ơruh kòn sau Israel dê lơm hala mơ cau ùr bơnrau cau gơnoar ơn phan duh khoai dê.

Lebi 21:7

Bol khai ò di bau mơ ală cau ùr neh gơlik ƀơ̆ ƀơl tài bơh neh lơh dri hala neh gơkòl bau klau sang lòi, tài bơh ală cau gơnoar ơn phan duh khoai pal gơs sàng goh Yàng Tom Trồ bol khai in.

Sră Age 1:1

Nam dơ̆ bàr rài at bồ bơtau Darius dê, ngai dùl kơnhai dơ̆ prau, gơs jơnau Yàng Jehôwa dê sồr cau gơnoar hwơr Age đơs mơ Jerubabel, kòn klau Sealthiel, cau kwang dờng at bồ lơgar Juda, mơ đơs mơ Jôsua, kòn klau Jehôjadak, la cau gơnoar dờng lam bồ ơn phan duh khoai lah:

Sră Age 1:12

Behơ̆ Jerubabel, kòn klau Sealthiel, mơ Jôsua, kòn klau Jehôjadak, cau gơnoar dờng lam bồ ơn phan duh khoai, mơ làng bol gam wơl dòn bơr Jehôwa Yàng Tom Trồ bol khai dê, mơ jơnau bơto yal cau gơnoar hwơr Age dê, tài bơh Jehôwa Yàng Tom Trồ bol khai dê neh sồr khai tus, mơ làng bol rngòt di Yàng Jehôwa.

Sră Age 2:4

‘Mơya tŭ do, ơ Jerubabel, khin cha tĕ!’ Yàng Jehôwa đơs behơ̆. ‘Ơ Jôsua, kòn klau Jehôjadak, cau gơnoar dờng lam bồ ơn phan duh khoai, khin cha tĕ!’ Yàng Jehôwa đơs behơ̆. ‘Jơh làng bol tòm lơgar, khin cha tĕ mơ lơh broă. Bơh Añ ơm bal mơ bol mê,’ Yàng Jehôwa Gơnap Gơnoar Dờng Làm Jơh đơs behơ̆.

Sacari 3:1

Gen Yàng Jehôwa sơnio añ in sền gŏ cau gơnoar dờng lam bồ ơn phan duh khoai Jôsua ntào di đap cau gơnrơh Yàng Jehôwa dê, mơ Satan ñă ntào di đah ma khai nàng yă khai.

Sacari 6:11

Ai tĕ priă mơ màh lơh gơs dô nơm sơgơn bơtau tơndau hơđang bồ cau gơnoar dờng lam bồ ơn phan duh khoai Jôsua, kòn klau Jehôjadak.

I Timôthe 3:11

Cau ùr kung behơ̆ sơl, pal kràñ cê, ò di đơs iơh, pal git kơrhia mơ dòn song tòm jơh ală bơta.