Ejra 10:11 - Sră Goh 2018

¹¹ Tŭ do yal glài tĕ di đap Yàng Jehôwa la Yàng Tom Trồ ală ồng pàng bol mê dê, mơ lơh jat tĕ nùs kòñ Kơnràñ dê. Cah is tĕ să tòm bol mê bơh di ală làng bol ơm gùt dar bol mê mơ bơh di ală bau ùr làng bol bơdìh bol mê dê.”

Ejra 10:11 ပူးပေါင်းရင်းမြစ်များ

II Yal Yau 30:22

Ejekia đơs jơnau chồl nùs jơh ală cau Lebi neh yal tơlik bơta git jak niam bơh bơta duh broă Yàng Jehôwa. Behơ̆ làng bol sa phan sa bơta pơjum sa ngai wèr dê tòm poh ngai, ơn phan duh khoai bơta ring lơngai mơ bơta ưnngài Jehôwa Yàng Tom Trồ ală ồng pàng bol khai dê.

Ejra 10:10

Gen Ejra cau gơnoar ơn phan duh khoai ñă ntào mơ đơs mơ bol khai lah: “Bol mê neh tìs glài mơ neh bau mơ ală cau ùr làng bơdìh, mơ neh bơtơl bơta tìs glài Israel dê.

Ejra 10:12

Gen jơh ală mpồl jơnum ho wơl dô jơnau driau dờng lah: “Ngan behơ̆! Bol hi pal lơh jat be jơnau ồng neh đơs.”

Ejra 10:3

Behơ̆ tŭ do, lòi tĕ bol hi bơtào dô bơta ho bal mơ Yàng Tom Trồ bol hi dê, nàng sang jơh ală bau ùr hơ̆ bal mơ ală kòn bol khai dê, jat be jơnau bơyai cau tòm bol hi mơ ală cau rơm să rngòt di bơta sồr lam Yàng Tom Trồ bol he dê. Lơh tĕ bơta hơ̆ jat be bơta boh lam.

Ejra 9:1

Tơnơ̆ mơ tŭ ală broă hơ̆ neh sir rau, ală cau kwang at bồ lòt tus hơ añ mơ đơs lah: “Làng bol Israel, ală cau gơnoar ơn phan duh khoai, mơ ală cau Lebi, ò cah is să bol khai bơh di ală làng bol ơm tòm lơgar bal mơ bơta ngkòr ngkàc làng bol hơ̆ dê, bơh di làng bol Kanaan, làng bol Hetit, làng bol Pheres, làng bol Jebusit, làng bol Ammôn, làng bol Môap, làng bol Ejiptơ mơ làng bol Amôr.

Nehemi 13:3

Tòm tŭ làng bol neh kơno bơta boh lam rau, gen bol khai cah is ală cau bơdìh bơh làng bol Israel.

Nehemi 9:2

Gen ală cau Israel cah is să tòm bol khai bơh di ală cau làng bol bơdìh, ntào yal glài să tòm bol khai mơ ală bơta tồi glài mò pàng bol khai dê.

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Jơnau Pơnđik 28:13

Cau lơi pồn prap tồi glài he rơp ò geh bơtoah; mơya cau lơi yal tơlik gơ mơ sang lòi gơ gen rơp geh nđàc sơngit.

Esai 56:4

Bơh Yàng Jehôwa đơs be do: “Ală cau neh kriau prap gàr ală ngai Saƀat Añ jê, sac rwah bơta niam nùs Añ, mơ at kơ̆ bơta ho bal Añ jê,

Jeremi 3:13

‘Mìng mê pal dòp git tồi glài mê dê, Mê neh pơrlơ̆ dră mơ Jehôwa Yàng Tom Trồ mê dê; Mê neh lòt nrah nring digùl ală yàng ndai hơđơm kòp nơm chi tơlir, Mơ ò lơh jat jơnau Añ.’” Yàng Jehôwa đơs behơ̆.

Jeremi 7:3

Yàng Jehôwa Gơnap Gơnoar, Yàng Tom Trồ Israel dê, đơs be do: Rcang niam wơl tĕ ală gùng dà mơ broă lơh bol mê; mơ Añ rơp ơm mơ bol mê tòm tiah do.

Ejekiel 18:30

Gen tàng, Yàng Jehôwa đơs lah: ‘Ơ hìu Israel, Añ rơp cahrña bol mê, kòp nă jat gùng dà khai dê. Gơjrañ sang glài tĕ! Pơrlac ngài tĕ bơh di jơh ală bơta tìs bol mê neh lơh; dilah ò, gen bơta tồi glài rơp la bơta tơnroh bol mê.

Jang 9:24

Dô dơ̆ tai, ală cau Pharisi hòi wơl cau lài neh jơngo mơ đơs lah: “Jòng ro tĕ Yàng Tom Trồ, bol he git cau hơ̆ la cau gơs glài.”

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

II Kôrintô 6:17

Gen tàng Yàng đơs lah: “Ală bol mê lik tĕ bơh digùl bol khai, Cah is tĕ mơ bol khai, Bañ ƀư di phan lơi ngkòr ngkàc, Gen Añ rơp wă rò ală bol mê;

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

Jôsue 7:19

Gen Jôsue đơs mơ Akan lah: “Ơ kòn klau añ jê, lơh gơklŏ tĕ Jehôwa Yàng Tom Trồ Israel dê, mơ yal glài tĕ mơ Kơnràñ; tŭ do yal tĕ añ in ñchi mê neh lơh, bañ pồn bơta hơ̆ bơh di añ.”