Ejra 10:1 - Sră Goh 2018

¹ Tòm tŭ Ejra hòi dan mơ yal glài, ñìm rac mơ tơmbic să di đap hìu Yàng Tom Trồ dê, gơs dô mpồl gal ngan cau Israel, cau klau, cau ùr mơ cau kơnòm dềt, pơjum bal gùt dar khai, bol khai kung ñìm rac sràt bơtang ngan.

Ejra 10:1 ပူးပေါင်းရင်းမြစ်များ

I Ală Bơtau 8:30

Dan iat bơta hòi dan dĭ gơna Yàng dê mơ làng bol Israel Yàng dê, tòm tŭ bol khai hòi dan wèt hơ tiah do; Dan iat tĕ, bơh hơđang trồ la tiah ơm Kơnràñ dê; dan dòp jơnau mơ toh glài.

I Ală Bơtau 9:3

Yàng Jehôwa đơs mơ khai lah: “Añ neh iat jơnau hòi dan rac dan mê dê di đap Añ; Añ neh ơn is sàng goh hìu duh khoai do mơ mê neh bơt, mơ ơn sơnđan Añ tềng hơ̆ sùm sùm; mat mơ nùs Añ jê rơp ơm tềng hơ̆ sùm sùm.

II Yal Yau 20:13

Tòm tŭ jơh ală cau Juda ntào di đap Yàng Jehôwa bal mơ ală kòn dềt, mơ ală bau ùr mơ ală kòn sau bol khai dê.

II Yal Yau 20:9

‘Dilah bơta rung rài tus hơđang bol hi, đào tà, bơta cahrña hala pluh plàng hala jơgloh rung, bol hi rơp ntào di đap hìu duh khoai do mơ di đap Kơnràñ bơh sơnđan Kơnràñ ơm tòm hìu do, mơ rac dan di Kơnràñ tòm bơta kalke bòl glar bol hi dê, gen Kơnràñ rơp iat mơ dong tă.’

Ejra 10:6

Gen Ejra lik bơh di đap hìu Yàng Tom Trồ dê, mơ mut tòm ơdŭ ơm Jôhanan kòn klau Eliasip, la tiah khai neh ơm tòm mang. Khai ò sa piang lă, ò hùc dà tài bơh khai moat jrùng ñìm rac bơh bơta ò dòn song ală cau kong kup cèng lơh dĭ dê.

Nehemi 1:4

Tòm tŭ añ kơno ală jơnau hơ̆ gen añ nggui ñìm mơ moat jrùng bàr pe ngai, ơt sa, mơ hòi dan mơ Yàng Tom Trồ hơđang trồ dê.

Nehemi 1:6

Añ dan Yàng wèt tồr iat, pò mat Kơnràñ dê, iat jơnau hòi dan cau duh broă Kơnràñ dê, mơ tŭ do añ hòi dan di đap Kơnràñ sùm ngai mơ mang ală dĭ gơna Kơnràñ in la làng bol Israel. Yal ală tồi glài ală làng bol Israel dê, la ală tồi glài bol hi neh tòmdră mơ Kơnràñ. Tồi glài să tòm añ mơ hìu nhă añ neh tìs glài.

Nehemi 10:28

Làng bol gam wơl, ală cau ơn phan duh khoai, ală cau Lebi, ală cau sền gàr mpồng, ală cau đơs chò, ală cau duh broă tòm hìu duh khoai, ală cau neh cah is bơh ală làng bol tòm lơgar nàng jat bơta boh lam Yàng Tom Trồ dê, bal mơ ală bau ùr, ală kòn klau, ală kòn ùr bol khai dê, hơ̆ la ală cau gơs tơl bơta git wă,

Nehemi 8:9

Gen Nehemi cau kwang at bồ kơnhwàl, Ejra cau gơnoar ơn phan duh khoai kung la cau gơnoar cih, mơ ală cau Lebi la ală cau bơto làng bol đơs mơ làng bol Israel lah: “Ngai do la ngai sàng goh Jehôwa Yàng Tom Trồ bol mê in, bañ moat jrùng mơ ñìm rac.” Tài bơh jơh làng bol ñìm tòm tŭ bol khai kơno ală jơnau bơta boh lam dê.

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 32:5

Añ neh yal tơlik glài añ jê Yàng in, ò pồn bơta tồi glài iơh bơsak añ jê; Añ đơs lah: “Añ rơp yal ală bơta tìs glài añ jê Yàng Jehôwa in,” Gen Yàng neh toh bơta tồi glài añ jê.

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Daniel 9:20

Tòm tŭ añ gam đơs mơ hòi dan, yal glài añ jê mơ glài làng bol Israel añ jê, jơh nùs rac dan mơ Jehôwa Yàng Tom Trồ añ jê, tài bơh mơnơm sàng goh Yàng Tom Trồ añ jê

Sră Ôse 14:2

Bol mê ai tĕ jơnau đơs mơ rê wơl hơ Yàng Jehôwa; đơs tĕ mơ Kơnràñ lah: “Dan toh jơh ală bơta tồi glài bol hi dê; mơ dòp rò tĕ bơta lơi la niam, behơ̆ bol hi rơp ơn jơnau jòng ro bơh sơndồi bol hi ala kơnrồ dam.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Mathiơ 3:6

yal glài he, mơ Jang lơh Ƀaptem bol khai in tòm hiòng Jordan.

Luka 19:41

Tòm tŭ Kơnràñ tus rềp, gŏ ƀòn dờng Jerusalem gen ñìm bơh gơ,

Broă 10:30

Kornai ho lah: “Neh poan ngai do rau, kung di di jơ pe, añ ơm hòi dan, nisơna gơs cau soh ào gơcrà àng lơr, ntào di đap añ,

Broă 21:5

Mơya ală ngai ơm bal mơ bol khai neh rlau, bol hi pơnjat lòt gùng tai. Jơh ală bol khai bal mơ ală kòn bau bol khai dê jun bol hi hơ bơdìh ƀòn dờng. Jơh tơl nă cùn gơltang di gah dà mơ hòi dan.

Rôma 9:2

Añ moat jrùng ngan, nùs añ jê sồt sùm ò dơh.

Yal Wơl 31:12

Hòi pơjum tĕ làng bol, ală cau klau, ală cau ùr mơ ală cau kơnòm, ală cau làng bơdìh ơm kis tòm ală ƀòn dờng bol mê dê, tồ bol khai rgơi ơm iat mơ bơtê duh rngòt di Jehôwa Yàng Tom Trồ bol mê dê mơ kơrhia lơh jat jơh ală jơnau bơta boh lam do dê,

Jôsue 7:6

Gen Jôsue crè ào khai mơ tơmbic să blup mat tòm ù di đap Đài Yàng Jehôwa dê jơl tus mho; khai bal mơ ală cau kwang kra Israel dê; mơ bol khai rsìh thul hơđang bồ bol khai dê.

Jôsue 8:35

Ò gơs dô jơnau lơi tòm jơh ală jơnau Môise nting sồr mơ Jôsue ò sền di đap mpồl jơnum Israel dê, gơs ală cau ùr, cau kơnòm, mơ cau làng bơdìh ơm digùl bol khai.