Ejekiel 9:9 - Sră Goh 2018

⁹ Kơnràñ đơs mơ añ lah: “Bơta tồi glài hìu Israel mơ Juda dê la dờng ngan ò git lơh; lơgar gơs bềng mhàm hòr mơ ƀòn dờng gơs bềng bơta ò song ring. Bol khai đơs lah: ‘Yàng Jehôwa neh sang lòi lơgar do; Yàng Jehôwa ò wèt sền ò.’

Ejekiel 9:9 ပူးပေါင်းရင်းမြစ်များ

II Ală Bơtau 21:16

Manase kung lơh gơtuh oă mhàm ò gơs glài, tian gơs Jerusalem kong bềng bơh đah do tus hơ đah ne. Di gah glài mơ khai neh lơh Juda in tìs glài, gen tàng bol khai neh lơh ală bơta iơh di đap Yàng Jehôwa.

II Ală Bơtau 24:4

mơ kung tài bơh mhàm ò gơs glài mơ khai neh lơh gơtuh; bơh khai neh lơh Jerusalem in bềng mhàm ò gơs glài, gen Yàng Jehôwa ò toh glài khai in.

Sră Jop 22:13

Gen tàng ồng đơs: ‘Ñchi bơta Yàng Tom Trồ git taih? Kơnràñ rgơi cahrña gan di bơta klam jơngo sơl ơ?

Đơs Crih 10:11

Khai kơlôi lah: “Yàng Tom Trồ neh hŭi rau, Kơnràñ neh pơndơp mat, rơp ò gơs tŭ lơi sền gŏ.”

Đơs Crih 94:7

Bol khai đơs lah: “Yàng Jehôwa ò gŏ ò, Yàng Tom Trồ Jakôp dê ò dòp git bơh bơta hơ̆.”

Esai 1:4

Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Esai 29:15

Bòl glar cau lơi pồn dô bơta rơndap jrô ndơp ir di Yàng Jehôwa, la cau lơh broă khai dê tòm tiah klam jơngo mơ kơlôi lah: “Ñcau gŏ bol hi taih? Ñcau rơp git taih?”

Esai 47:10

Ai ơm lơngap lơngai tòm bơta iơh bơsak ai dê mơ đơs lah: “Ò gơs cau lơi gŏ añ.” Bơta jak chài mơ bơta git wă ai dê neh lam ai lòt tìs gùng, tòm tŭ ai đơs is tòm nùs lah: “Añ do, rlau mơ añ ò gơs cau lơi ndai tai!”

Jeremi 2:34

Di tiang ào mê dê sơl kung gŏ mhàm ală cau rƀah ò gơs glài, bulah bol mê ò kup bol khai tò ƀlong hìu cau, mơya la tài bơh ală bơta iơh hơ̆.

Jeremi 22:17

Mơya mat mơ nùs mê Mìng jòi cồng nha ƀơ̆ ƀơl, Lơh gơtuh mhàm cau ò gơs glài, Mơ lơh bơta rồn bơklơn iơh rmơh.’”

Ñìm Rac 1:5

Cau tòmdră khai dê gơlik gơs cau tòm, cau sò tơm khai dê gơlik cau pas gơs; Tài bơh Yàng Jehôwa lơh khai in bòl glar, bơh tồi glài khai dê gơbơtơl oă. Ală kòn dềt khai dê neh lòt tiah ngài, gơkòl kup cèng di đap cau sò tơm.

Ejekiel 7:23

Rcang tĕ ală che sreng tài bơh lơgar gơs bềng bơta lơh gơtuh mhàm, mơ ƀòn dờng gơs bềng bơta rhung rhang.

Ejekiel 8:12

Gen Kơnràñ đơs mơ añ lah: “Ơ kòn mơnus, mê gŏ sơl bơta ală cau kwang kra hìu Israel dê ơm lơh tòm bơta klam jơngo, kòp nă duh khoai di đap rùp ràk is he dê? Bơh bol khai đơs lah: ‘Yàng Jehôwa ò gŏ bol he ò; Yàng Jehôwa neh sang lòi lơgar do rau!’”

Ejekiel 8:17

Gen Kơnràñ đơs mơ añ lah: “Ơ kòn mơnus, mê neh gŏ bơta hơ̆ sơl? Hơ̆ di sơl la dô bơta ò tơl ƀơ̆ iơh mơ hìu Juda ơm lơh ală bơta cù kìr behơ̆ tềng do ơ? Bol khai pal lơh ală bơta iơh bơsak bềng lìu tòm lơgar nàng kư̆ bơrcek Añ gơjrañ ơ? Sền tĕ bol khai ai ntê chi ơn rềp di muh bol khai dê!

Habakuk 1:4

Tài behơ̆, bơta boh lam roh gơnoar, bơta song ring ò tŭ lơi lơh jat. Cau iơh bơsak gơrwàng gùt dar cau song ring, gen tàng bơta cahrña rơp tus hơđang cau lơh bơta rkwet rkwe.

Sôphôni 1:12

Tòm tŭ hơ̆ Añ rơp ngui ală ồs đèng nàng jòi tòm Jerusalem, mơ lơh glài ală làng bol la cau jòng să pơnhừ să hơđang iah tơrnòm mơ ală cau kơlôi òm tòm nùs lah: ‘Yàng Jehôwa rơp ò lơh bơta lơi niam hala bơta lơi iơh.’

Luka 11:50

Behơ̆ jơi bơtiàn do rơp kong lơh glài bơh mhàm jơh ală cau gơnoar hwơr tồ mhàm jơh ală cau gơnoar hwơr neh hòr lik bơh ngai crơng gơs trồ tiah,

Yal Wơl 31:29

Bơh añ git lah tơnơ̆ mơ tŭ añ neh chơt rau gen ngan la bol mê gơlik gơs iơh rmơh mơ pơrlac sang gùng dà mơ añ neh bơto sồr bol mê. Tòm ală ngai rơp tus, oă bơta rung rài rơp dùh hơđang bol mê tài bơh bol mê rơp lơh bơta iơh bơsak di đap mat Yàng Jehôwa mơ bơrcek Kơnràñ gơhào gơjrañ bơh ală broă tê bol mê neh lơh.”

Yal Wơl 32:5

mơ ală kòn sau neh lơh blac pơrlồm gơwèt mơ Kơnràñ, dô jơi bơtiàn kră kơldang mơ lac lèo,