Ejekiel 9:4 - Sră Goh 2018

⁴ mơ đơs mơ khai lah: “Lòt làm tĕ tòm ƀòn dờng Jerusalem mơ lơh dô nơm tềl hơđang bìng liang ală cau ñìm rac mơ pơt wòl bơh ală bơta cù kìr neh lơh gơs tềng hơ̆.”

Ejekiel 9:4 ပူးပေါင်းရင်းမြစ်များ

Sơnròp Gơlik Gơs 4:15

Yàng Jehôwa đơs lah: “Tài bơh hơ̆ dilah gơs cau lơi tơnchơt Kain gen khai kong sal tê tòm poh dơ̆.” Gen Yàng Jehôwa lơh tềl dê să Kain, tồ cau lơi tìp mơ Kain rơp ò tơnchơt khai.

II Ală Bơtau 22:13

“Lòt tĕ hòi dan mơ Yàng Jehôwa añ in, làng bol in, mơ jơh Juda in, bơh ală jơnau tòm sră pa geh jòi bàn. Bơh bơta gơjrañ Yàng Jehôwa dê gơhào tòmdră mơ bol he ngan la dờng, tài bơh ồng pàng bol he ò bài dòn bơr ală jơnau tòm sră do, mơ ò lơh jat ală bơta neh cih bol he in.”

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 119:53

Añ gơjrañ ngan tài bơh cau iơh bơsak sang lòi bơta boh lam Yàng dê.

Lik Ejiptơ 12:13

Mhàm bong di ală hìu bol mê ơm rơp ngui lơh tềl bol mê in; mơ tòm tŭ Añ gŏ mhàm gen rơp lòt gan di bol mê. Rơp ò gơs pluh plàng tơnroh tus di bol mê tòm tŭ Añ lơh glài Ejiptơ.

Lik Ejiptơ 12:23

Tòm tŭ Yàng Jehôwa rơp lòt gan nàng tơnchơt cau Ejiptơ; Kơnràñ rơp gŏ mhàm di đah đang mơ di bàr đah jrong mpồng gen Yàng rơp pleh bơh di mpồng, mơ Kơnràñ ò ai gơnoar cau tơnroh mut tòm ală hìu nàng tơnchơt bol mê.

Lik Ejiptơ 12:7

Gen bol khai rơp ai dô êt mhàm belàt neh hàl tơnchơt hơ̆ mơ bong di bàr đah jrong mơ di hơđang bồ mpồng ală hìu mơ bol khai ơm sa poac ală belàt kòn hơ̆.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Jeremi 13:17

Mơya dilah bol mê ò bài iat, Hwềng soàn añ rơp ñìm òm bơh bơta jòng să bol mê dê. Mat añ rơp ñìm rac sràt bơtang, mơ dà mat añ gơhòr sùm, Bơh mpồl belàt Yàng Jehôwa dê neh kong kup cèng gơs dĭ.

Ejekiel 21:6

Gen tàng, ơ kòn mơnus, pơt wòl tĕ mơ nùs lề lac! Rac ròc tĕ di đap bol khai mơ bơta sràt bơtang.

Ejekiel 6:11

Jehôwa Yàng Tom Trồ đơs be do: “Tàp tĕ tê mơ ntrơm tĕ jơng mơ hòi driau lah: ‘Ơ hơh! Hơ̆ la tài bơh jơh ală bơta iơh mơ broă lơh cù kìr hìu Israel dê! Bơh khai rơp pừ chơt bơh đào, jơgloh rung mơ pluh plàng.’

Ejekiel 9:5

Lồc behơ̆ Kơnràñ đơs mơ ală cau ne tòm tŭ añ ơm iat lah: “Lòt jat tĕ khai tòm làm jơh ƀòn dờng mơ sreh tơnchơt, mat mê rơp ò càng pơlai mơ nđàc sơngit.

Ejekiel 9:6

Sreh tơnchơt tĕ ală cau kra, cau pơnu mơ cau ơruh, cau ùr mơ cau kơnòm, mơya bañ ƀư di dô nă cau lơi neh gơs tềl di bìng liang. Rơp sơntòm tĕ bơh di tiah sàng goh añ jê.” Behơ̆ ală cau hơ̆ rơp sơntòm bơh di ală cau kra ơm di đap hìu duh khoai.

Amôs 6:6

Bol mê la ală cau ñô tơrnòm tòm ală jơrlŭ mơ bong ală mơñà niam rlau jơh, mơya bol mê ò kơlôi moat jrùng bơh bơta tơnroh Jôsep dê!

Sôphôni 1:12

Tòm tŭ hơ̆ Añ rơp ngui ală ồs đèng nàng jòi tòm Jerusalem, mơ lơh glài ală làng bol la cau jòng să pơnhừ să hơđang iah tơrnòm mơ ală cau kơlôi òm tòm nùs lah: ‘Yàng Jehôwa rơp ò lơh bơta lơi niam hala bơta lơi iơh.’

Sôphôni 3:18

Añ rơp tă sang bơh di ai ală bơta moat jrùng bơh ală ngai pơjum sa chò hòp; bơh hơ̆ ai rơp ò ơnòng kơnjơ̆ bơta lah pơrhơng.

Malaci 3:16

Tòm tŭ ală cau duh rngòt di Yàng Jehôwa tòmbơhbơr bal gen Yàng Jehôwa ơm iat mơ kơno. Dô pồt sră cih prap wơl neh geh cih di đap Kơnràñ bơh ală cau duh rngòt Yàng Jehôwa mơ duh rngòt di sơnđan Kơnràñ dê.

II Kôrintô 1:22

Kơnràñ kung neh tap ƀang kì bol hi in mơ ai Yàng Hwềng tòm nùs bol hi nàng lơh gơs phan ai bồ.

II Kôrintô 12:21

Kung rngòt lah dơ̆ añ lòt tus, gen Yàng Tom Trồ añ jê lơh añ in ƀàssìl bơh oh mi, mơ añ pal moat jrùng bơh oă cau neh tìs glài lài òr, mơ ò bài gơjrañ sang glài bơh bơta ngkòr ngkàc, rềs àr bơrnàn, bung jang mơ bol khai neh tìs.

Galati 6:17

Bơh do jơl hìng nau bañ gơs cau lơi lơh bòl glar kalke añ in tai, bơh să jan añ neh gơs tềl sồt Yàng Jesu dê.

Ephesô 4:30

Bañ lơh moat jrùng Yàng Hwềng Goh Yàng Tom Trồ dê, bơh tòm Kơnràñ oh mi geh tap ƀang kì tus di ngai dong tơwài.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

Yal Tơlik 14:1

Gen añ sền gŏ tai, do, Belàt Kòn ntào hơđang mơnơm Siôn, bal mơ Kơnràñ gơs dô rhiang poan jơt poan rbô nă cau geh cih sơnđan Kơnràñ mơ sơnđan Bèp Kơnràñ hơđang bìng liang bol khai dê.

Yal Tơlik 20:4

Gen añ gŏ ală sơbàn, mơ ală cau nggui tềng hơ̆ la cau neh geh gơnoar cahrña. Añ kung gŏ hwềng soàn ală cau neh kong koh bồ tài bơh jơnau lơh cơng bơh Yàng Jesu, mơ tài bơh jơnau Yàng Tom Trồ dê, hơ̆ la ală cau ò duh khoai phan poan jơng mơ rùp gơ, mơ ò dòp tềl gơ di bìng liang mơ di mpàng tê he. Bol khai geh kis wơl mơ at bồ bal mơ Bơtau Krist tòm dô rbô nam.

Yal Tơlik 9:4

Gơs jơnau sồr bol gơ bañ lơh iơh di ală ñhơt tòm ù, hala di ală phan tơlir, hala di ală chi che lơi, mơya mìng lơh iơh di ală cau ò gơs tềl ƀang kì Yàng Tom Trồ dê di bìng liang bol khai.