Ejekiel 8:3 - Sră Goh 2018

³ Cau hơ̆ pò tơlik gơlơh kung be dô nơm tê mơ sơmbat kup di sŏ hơđang bồ añ. Hwềng yò tơngguh añ digùl trồ mơ tiah, mơ cèng añ tòm bơta gơtơnggŏ Yàng Tom Trồ dê hơ Jerusalem, di gùng mut tòm mpồng dờng đah đang la tiah bơtào rùp ràk bơta ƀoah pơrñat, la bơta gơchồl bơta ƀoah pơrñat dê.

Ejekiel 8:3 ပူးပေါင်းရင်းမြစ်များ

I Ală Bơtau 18:12

Tòm tŭ añ lòt bơh di ồng, rơp gơs hwềng Yàng Jehôwa dê cèng ồng lòt tiah lơi añ ò git; behơ̆, tòm tŭ añ tus yal Ahap in, mơ khai ò gŏ ồng, khai rơp tơnchơt añ. Bulah, añ la dĭ gơna ồng dê duh rngòt di Yàng Jehôwa bơh tŭ gam pơnu.

II Ală Bơtau 16:14

Ai cơnòng duh khoai mơ kòng neh ơm di đap Yàng Jehôwa, gen khai tă cèng bơh di đap hìu duh khoai, digùl cơnòng duh khoai pa mơ hìu duh khoai Yàng Jehôwa dê, mơ ơn gơ đah đang cơnòng duh khoai khai dê.

II Ală Bơtau 2:16

Mơ đơs mơ khai lah: “Tềng do, bol he gơs pram jơt nă cau pràn kơldang digùl ală cau duh broă ồng dê; dan lòi bol khai in lòt jòi cau tòm ồng dê; digơlan Hwềng Yàng Jehôwa dê cèng khai guh, mơ sơrbì khai hơđang mơnơm lơi hala tòm thòng lơi sơl?” Elise ho: “Ò di, bañ sồr bol khai lòt.”

II Ală Bơtau 21:7

Ai rùp ràk Asera mơ khai neh lơh, gen khai ơn tòm hìu duh khoai mơ Yàng Jehôwa neh đơs mơ Dabit mơ Salômôn, kòn klau khai, lah: “Tòm hìu duh khoai do mơ tòm Jerusalem, ƀòn Añ neh sac tòm ală jơi bơtiàn Israel, mơ Añ rơp ơn sơnđan Añ sùm sùm.

Đơs Crih 78:58

Bơh bol khai bơrcek Kơnràñ gơjrañ tài bơh ală tiah jơnhoa duh rùp ràk; Bol khai chồl nùs Kơnràñ ƀoah tài bơh ală rùp pac sềr bol khai dê.

Lik Ejiptơ 20:4

Bol mê bañ lơh să tòm he in dô nơm rùp duh khoai lơi gơs rùp să kung be dô nơm phan tòm trồ hơđang, tòm tiah hơđơm, hala tòm ală dà hơđơm ù.

Lik Ejiptơ 20:5

Bol mê bañ cùn khoai di đap bol gơ, hala duh khoai bol gơ; bơh Añ, Jehôwa Yàng Tom Trồ bol mê dê, la Yàng Tom Trồ ƀoah pơrñat, rơp tài bơh tồi glài ồng pàng dê mơ lơh glài kòn sau jơl tus di pe hala poan rài ală cau gơjrañ di Añ,

Lik Ejiptơ 34:14

Bañ duh khoai yàng lơi ndai, bơh Yàng Jehôwa gơs sơnđan la Ƀoah Pơrñat la Yàng Tom Trồ ƀoah pơrñat.

Jeremi 32:34

Bol khai neh ơn ală rùp ràk cù kìr tòm hìu geh sơnđan bơh sơnđan Añ, nàng lơh gơs ƀơ̆ ƀơl.

Jeremi 7:30

Yàng Jehôwa đơs: “Bơh làng bol Juda neh lơh bơta iơh di đap mat Añ, bol khai ơn ală phan cù kìr tòm hìu geh sơnđan bơh sơnđan Añ, nàng lơh gơ in ƀơ̆ ƀơl.

Ejekiel 1:1

Tòm nam dơ̆ pe jơt, ngai pram kơnhai poan, tòm tŭ añ ơm digùl ală cau kong kup cèng pơrdô, di gah hiòng Kebar, ală tap trồ pò tơlik mơ añ gŏ ală bơta gơtơnggŏ Yàng Tom Trồ dê.

Ejekiel 10:3

Tòm tŭ khai mut gen ală ceruƀim ñă ntào di đah hơđơm hìu duh khoai; mơ dô puk mhwal bềng rơng dơlam hìu.

Ejekiel 11:1

Gen Hwềng yò tơngguh añ mơ cèng añ tus di mpồng dờng đah mattơngai lik hìu Yàng Jehôwa dê, wèt hơ đah mattơngai lik.Tềng hơ̆, di gùng mut tòm mpồng dờng gơs bàr jơt pram nă cau klau; digùl bol khai, añ gŏ gơs Jaajania kòn klau Ajur, mơ Phelatia kòn klau Benayah, la ală cau kwang at bồ làng bol.

Ejekiel 11:24

Hwềng yò tơngguh añ tòm bơta gơtơnggŏ mơ Hwềng Yàng Tom Trồ cèng añ tus hơ Kalde, tus hơ ală cau kong kup cèng. Gen bơta gơtơnggŏ mơ añ neh gŏ lik bơh di añ.

Ejekiel 2:9

Gen añ rmê sền mơ añ neh gŏ gơs dô nơm mpàng tê pò tơlik tus di añ, tòm hơ̆ gơs dô pồt sră neh cih.

Ejekiel 3:12

Tŭ hơ̆ Yàng Hwềng cèng tơngguh añ mơ añ kơno đah ngkòi añ gơs ntas nggồr dờng ngan tòm tŭ bơta gơklŏ Yàng Jehôwa dê gơguh bơh di tiah hơ̆;

Ejekiel 3:14

Chòp Yàng Hwềng cèng añ guh mơ cèng añ tus tiah ndai, mơ añ lòt tòm bơta sràt bơtang mơ tòm bơta gơjrañ mañ tòm hwềng añ, gơs tê Yàng Jehôwa dê ơn hơđang añ pràn kơldang.

Ejekiel 37:1

Tê Yàng Jehôwa dê ơm hơđang añ, mơ Hwềng Yàng Jehôwa dê cèng añ lik, mơ ơn añ digùl dô nơm thòng gơs bềng ală ntìng.

Ejekiel 40:2

Tòm ală bơta gơtơnggŏ Yàng Tom Trồ dê, Kơnràñ cèng añ tus tòm lơgar Israel, mơ ơn añ hơđang dô nơm mơnơm jơnhoa ngan, bơh hơđang hơ̆ añ sền gŏ hơ đah đơm gơlơh be dô nơm ƀòn dờng gơs oă hìu.

Ejekiel 43:5

Gen Hwềng yò añ tơngguh mơ cèng añ mut tòm ƀlàng dơlam; mơ bơta gơklŏ Yàng Jehôwa dê bềng lìu hìu duh khoai.

Ejekiel 43:8

Tòm tŭ bol khai ơn mpồng bol khai dê di gah mpồng Añ jê, mơ ơn jrong mpồng bol khai dê di gah jrong mpồng Añ jê, gơs mìng dô nơm dơrñang lơm digùl Añ mơ bol khai, bol khai lơh ƀơ̆ iơh sơnđan sàng goh Añ jê bơh ală broă lơh cù kìr bol khai dê. Behơ̆ gen Añ tơnroh bol khai tòm bơta gơjrañ Añ jê.

Ejekiel 5:11

Jehôwa Yàng Tom Trồ đơs lah: “Gen tàng di ngan kung be Añ kis, tài bơh mê neh lơh ƀơ̆ ƀơl tiah sàng goh Añ jê bơh ală rùp duh khoai cù kìr bal mơ ală bơta duh khoai ƀơ̆ iơh, gen tàng să tòm Añ rơp koh tơmù mê, Añ rơp ò prap lòi mê hala nđàc sơngit ò.

Ejekiel 7:20

Bol khai neh jòng să bơh ală phan bơka să hàng mơnĕ bol khai dê, mơ ngui gơlơh gơs ală rùp ràk cù kìr bal mơ ală rùp duh khoai iơh rmơh. Behơ̆ tàng Añ rơp lơh ală phan hơ̆ gơlik gơs dô nơm phan ƀơ̆ ƀơl bol khai in!

Ejekiel 8:5

Gen Yàng Tom Trồ đơs mơ añ lah: “Ơ kòn mơnus, wèt sền tĕ đah đang.” Behơ̆ gen añ wèt mat sền mơ di gùng mut đah đang mpồng dờng cơnòng duh khoai dê, gơs rùp ràk bơta ƀoah pơrñat dê.

Ejekiel 9:2

Mơ gơs prau nă tus bơh mpồng dờng đah đang, kòp nă at phan tòmlơh tòm tê. Tòm bol khai gơs dô nă cau soh ào che dơmài, di ngkòi àñ ding gai cih, bol khai mut mơ ntào di gah cơnòng duh khoai mơ kòng.

Daniel 10:10

Tŭ hơ̆ gơs dô nơm mpàng tê ƀư di añ, yò tơngguh añ wơl, añ rơm să rngòt ngan, cùn gơltang mơ dră tê di ù.

Daniel 10:18

Gen bơtau gơs rùp să be dô nă cau ƀư tai di añ mơ ai añ in pràn kơldang.

Daniel 5:5

Tòm jơ hơ̆, nisơna gơs ală ràs tê mpàng tê kòn mơnus dê gơtơlik, cih di dơrñang mơ cùr gơlang bơtau dê, tòm toh di đap tiah ơn jơng ồs, mơ cau bơtau sền gŏ mpàng tê hơ̆ cih.

Broă 8:39

Tòm tŭ bol khai guh bơh dà, gen Hwềng Yàng dê cèng Philip lòt thit; cau kwang kơndời hơ̆ ò gŏ tai khai, mơ kư̆ hòn chò lòt gùng.

Yal Wơl 32:16

Bol khai lơh Kơnràñ in ƀoah pơrñat bơh ală yàng lơgar ndai, mơ lơh Kơnràñ in gơjrañ mañ bơh ală broă iơh rmơh.

Yal Wơl 32:21

Bol khai lơh Añ in ƀoah pơrñat bơh bơta ò di la yàng, mơ bơrcek Añ gơjrañ bơh ală rùp ràk bol khai dê. Behơ̆ Añ rơp lơh bol khai in ƀoah pơrñat bơh dô làng bol ò di la làng bol, bơrcek bol khai gơjrañ bơh dô làng bol tùl gơla.

Yal Wơl 4:24

Bơh Jehôwa Yàng Tom Trồ bol mê dê la dô nơm ồs sa pơrguc, dô nă Yàng Tom Trồ ƀoah pơrñat.

Yal Wơl 5:9

Bol mê bañ cùn khoai bol gơ hala duh khoai bol gơ; bơh Añ la Jehôwa Yàng Tom Trồ bol mê dê, la Yàng Tom Trồ ƀoah pơrñat, lơh glài kòn sau bơh tồi glài ală ồng pàng tus di pe poan rài cau lơi pơndang sang Añ,

Yal Wơl 6:15

bơh Jehôwa Yàng Tom Trồ bol mê dê, Bơtau ơm digùl bol mê, la Yàng Tom Trồ ƀoah pơrñat mơ bơta gơjrañ dờng Kơnràñ dê rơp gơhào khuh tòmdră mơ bol mê, mơ Kơnràñ rơp tơnroh bol mê bơh di hơđang ù.

Jôsue 24:19

Jôsue đơs mơ làng bol lah: “Bol mê ò rgơi duh broă Yàng Jehôwa. Kơnràñ la Yàng Tom Trồ sàng goh; Kơnràñ la Yàng Tom Trồ gơjrañ di rùp ràk. Kơnràñ rơp ò toh bơta lơh tìs mơ bơta tồi glài bol mê dê.