Ejekiel 7:5 - Sră Goh 2018

⁵ Jehôwa Yàng Tom Trồ đơs be do: ‘Sền ne, bơta rung rài pơnjat bơta rung rài! Gơ tus rau.

Ejekiel 7:5 ပူးပေါင်းရင်းမြစ်များ

Jơnau Pơnđik 13:21

Bơta rung rài ting jat cau gơs glài; Ai bơta lơngai lơngò la phan ƀàn cau song ring dê.

Jơnau Pơnđik 24:16

Bơh cau song ring bulah gơplơ̆ poh dơ̆, bol khai kung rơp guh wơl; ai cau iơh bơsak kong bơta rung rài tơnroh.

Esai 21:12

Cau kơp gàr ho lah: “Àng drim tus, mơ mang kung tus. Dilah mê kòñ lùp gen lùp tĕ; rê wơl tai.”

Jeremi 19:3

Mê pal đơs lah: ‘Ơ ală cau bơtau Juda, mơ làng bol Jerusalem, iat tĕ jơnau Yàng Jehôwa dê. Yàng Jehôwa Gơnap Gơnoar, Yàng Tom Trồ Israel dê, đơs be do: Do, Añ rơp dùh bơta rung rài hơđang tiah do, tian gơs cau lơi kơno kung pal nggồr tồr;

Ejekiel 5:9

Tài bơh ală bơta ngkòr ngkàc mê dê, Añ rơp lơh di mê bơta mơ Añ òhềt tŭ lơi lơh, mơ Añ rơp ò tŭ lơi lơh bơta behơ̆ tai.

Ejekiel 7:12

Tŭ jơ neh tus, ngai neh tus rềp. Bañ lòi cau blơi chò hòp hala cau tac moat jrùng, bơh gơs bơta gơjrañ dờng neh dùh hơđang jơh mpồl làng bol.

Ejekiel 7:2

“Ơ kòn mơnus, Jehôwa Yàng Tom Trồ đơs mơ lơgar Israel be do: ‘Bơta lồi dut! Bơta lồi dut neh tus di poan mum lơgar!

Daniel 9:12

Kơnràñ neh lơh gơlik gơs ală jơnau neh đơs tòmdră mơ bol hi mơ ală cau kwang at bồ bol hi dê, mơ đùh bơta rung rài dờng hơđang bol hi. Làm jơh tòm tiah trồ do, ò gơs bơta neh gơlik gơs ndròm be bơta neh gơlik gơs hơđang Jerusalem.

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Nahum 1:9

Ñchi bơh tài bol mê bơtào kai gơrmơ̆i tòmdră mơ Yàng Jehôwa taih? Kơnràñ rơp tơnlồi jơh; ò gơs cau sò tơm lơi rơp guh dơ̆ bàr.

Sôphôni 1:18

Bulah priă hala màh bol khai dê kung ò rgơi dong klàs bol khai tòm ngai gơjrañ dờng Yàng Jehôwa dê. Jơh plai ù rơp kong chu pơrguc tòm ồs pơrñat; bơta gơjrañ dờng Yàng Jehôwa dê; bơh Kơnràñ rơp pơndut jơh dô bă rngòt rngơt jơh làng bol kis hơđang plai ù.”

Mathiơ 24:21

Bơh tŭ hơ̆ rơp gơs bơta rung rài dờng, tian gơs bơh tŭ crơng gơs jơl tus di tŭ do òhềt gơs, mơ kung rơp ò tŭ lơi gơs behơ̆.

Yal Wơl 32:35

Bơta sal tê gơrê mơ Añ, Añ rơp tơm wơl, bơh tŭ jơng bol khai rơp ntiar; tài bơh ngai rung rài bol khai dê neh tus rềp, mơ khà lơh nền rài kis bol khai dê neh tus mhar.”