Ejekiel 7:4 - Sră Goh 2018

⁴ Mat Añ rơp ò nđàc sơngit di mê hala pơlai di mê ò; Añ rơp lơh glài mê jat ală gùng dà mê dê, tòm tŭ ală bơta cù kìr gam gơs digùl bol mê. Gen mê rơp git Añ la Yàng Jehôwa.’

Ejekiel 7:4 ပူးပေါင်းရင်းမြစ်များ

Jeremi 13:14

Yàng Jehôwa đơs: ‘Añ rơp lơh cau do in tòmdră mơ cau ne, mè bèp mơ kòn sò tơm bal; Añ rơp ò sơnđàc, ò pơlai hala nđàc sơngit, tòm tŭ Añ tơnroh bol khai.’”

Jeremi 16:18

Lài ngan Añ rơp tơm wơl bơta iơh bơsak mơ tồi glài bol khai bàr dơ̆ rlau, bơh bol khai neh lơh ƀơ̆ ƀơl ù tiah Añ bơh ală rùp ràk, mơ cèng ală bơta cù kìr bềng lìu tòm sre brê Añ.”

Jeremi 25:14

Mơ tai, rơp gơs oă lơgar mơ ală cau bơtau dờng kup cau Kalde gơs dĭ, mơ Añ rơp tơm wơl bol khai in jat broă bol khai lơh, mơ jat broă tê bol khai neh lơh.’”

Ejekiel 11:21

Mơya gơwèt mơ ală cau gơs nùs lòt jat ală rùp duh khoai iơh rmơh mơ ală rùp ràk cù kìr bol khai dê, gen Añ rơp tuh wơl ală bơta bol khai neh lơh hơđang bồ bol khai dê,’ Jehôwa Yàng Tom Trồ đơs behơ̆.”

Ejekiel 12:20

Ală ƀòn dờng gơs cau ơm rơp kòl sang lòi srau gòi, mơ ù tiah rơp kong sang lòi ngềt ngơt. Gen bol mê rơp git lah Añ la Yàng Jehôwa.’”

Ejekiel 16:43

Tài bơh ai ò kah ală ngai tòm tŭ ai gam kơnòm să, mơya neh lơh Añ in gơhào gơjrañ bơh jơh ală bơta do, gen ngan la Añ rơp tơndùh hơđang ai ală bơta ai neh lơh,’ Jehôwa Yàng Tom Trồ đơs behơ̆. Ai ò di neh bơtơl bơta rềs àr bơrnàn tòm ală broă cù kìr ai neh lơh ò ơ?

Ejekiel 22:31

Gen tàng Añ tuh bơta gơjrañ dờng añ jê hơđang bol khai, ngui ồs bơta gơjrañ Añ jê nàng sa roh bol khai, tuh wơl hơđang bồ bol khai jơh ală bơta bol khai neh lơh, Jehôwa Yàng Tom Trồ đơs behơ̆.’”

Ejekiel 23:31

Ai neh lòt jat gùng bi ùr ai dê, gen tàng Añ rơp ơn mơngàn khai dê tòm tê ai.’

Ejekiel 23:49

Bol ai rơp kong jê sồt bơh bơta lơh glài tài bơh bơta rềs àr dri tơlàr bol ai dê, mơ rơp àñ cồng nha bơh tồi glài duh rùp ràk bol ai dê. Gen bol ai rơp git Añ la Jehôwa Yàng Tom Trồ.’”

Ejekiel 24:14

Añ la Yàng Jehôwa neh đơs; tŭ jơ neh tus, Añ rơp lơh broă. Añ rơp ò nđàc sơngit, Añ rơp ò ruc wơl; Añ rơp ò gơn tai. Jat be ală gùng dà ai dê mơ broă ai neh lơh, Añ rơp cahrña ai,’ Jehôwa Yàng Tom Trồ đơs behơ̆.”

Ejekiel 33:29

Gen bol khai rơp git Añ la Yàng Jehôwa, tòm tŭ Añ neh lơh lơgar do gơlik tiah sang lòi srau gòi tài bơh jơh ală bơta iơh rmơh mơ bol khai neh lơh.’

Ejekiel 5:11

Jehôwa Yàng Tom Trồ đơs lah: “Gen tàng di ngan kung be Añ kis, tài bơh mê neh lơh ƀơ̆ ƀơl tiah sàng goh Añ jê bơh ală rùp duh khoai cù kìr bal mơ ală bơta duh khoai ƀơ̆ iơh, gen tàng să tòm Añ rơp koh tơmù mê, Añ rơp ò prap lòi mê hala nđàc sơngit ò.

Ejekiel 6:14

Añ rơp pò tê tòmdră mơ bol khai, Añ rơp lơh ù tiah hơ̆ gơlik gơs tiah srau gòi, tòm làm bă tiah lơi bol khai ơm, bơh ƀlàng ngềt ngơt tus di Riblah. Gen bol khai rơp git Añ la Yàng Jehôwa.”

Ejekiel 6:7

Bơta sreh tơnchơt dùh digùl bol mê, gen bol mê rơp git lah Añ la Yàng Jehôwa.

Ejekiel 7:27

Cau bơtau rơp ñìm rac, cau kwang at bồ rơp soh bơta roh nùs moat jrùng, mơ tê làng bol tòm lơgar rơp rơm rngòt. Añ rơp lơh gơwèt hơ bol khai jat be bơta lơh lòt bol khai dê, mơ Añ rơp cahrña bol khai jat be bơta bol khai neh cahrña. Gen bol khai rơp git Añ la Yàng Jehôwa.’”

Ejekiel 7:3

Tŭ do bơta lồi dut neh tus hơđang mê. Añ rơp tuh tơlik bơta gơjrañ Añ jê hơđang mê. Añ rơp cahrña mê jat gùng dà mê dê, mơ rơp lơh glài mê bơh jơh ală bơta cù kìr mê dê.

Ejekiel 7:9

Añ rơp ò nđàc sơngit di mê hala ò pơlai di mê. Añ rơp tơm wơl mê in jat bơta lơh lòt mơ jat ală bơta iơh mơ mê neh lơh digùl bol mê. Bol mê rơp git lah să tòm Añ, Yàng Jehôwa, la Bơtau tuh ală bơta rung rài hơ̆.

Ejekiel 8:18

Behơ̆ gen Añ rơp lơh di bol khai jat bơta gơhào gơjrañ; Añ rơp ò nđàc sơngit di bol khai hala pơlai bol khai. Bulah bol khai nggà driau dờng di tồr Añ, Añ kung rơp ò bài iat bol khai.”

Ejekiel 9:10

Behơ̆, Añ rơp ò nđàc sơngit di bol khai hala pơlai bol khai ò; mơya Añ rơp tuh wơl hơđang bồ bol khai dê bơta bol khai neh lơh.”

Sră Ôse 12:2

Epraim ê càl, ngai mho ting jat càl đah mattơngai lik, mơ bơtơl oă bơta đơs blac mơ bơta iơh bơsak. Khai bơt bơtào bơta ho bal mơ Asiri, mơ pơyoa mơñà tus hơ Ejiptơ.

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Amôs 7:8

Mơ Yàng Jehôwa đơs mơ añ lah: “Ơ Amôs, ñchi mê gŏ taih?” Añ ho lah: “Añ gŏ dô dang che rnoas mơ trà. Gen Yàng đơs lah: Sền do, Añ dang dô nơm che rnoas mơ trà digùl làng bol Israel Añ jê; Añ rơp ò lòi rlau bol khai in tai.

Sacari 11:6

Yàng Jehôwa đơs lah: “Añ rơp ò gam nđàc sơngit di ală cau ơm tòm ù, Añ rơp jào kòp nă bol khai tòm tê cau gơp ƀòn mơ cau bơtau bol khai dê. Bol khai rơp tơnroh ù tiah, mơ Añ rơp ò dong tă dô nă cau lơi klàs bơh di tê bol hơ̆ dê.”

Hebrơ 10:30

Bơh bol he git Bơtau neh đơs lah: “Bơta sal tê gơrê hơ Añ, Añ rơp tơm wơl,” mơ tai: “Yàng rơp cahrña làng bol Kơnràñ dê.”