Ejekiel 7:18 - Sră Goh 2018

¹⁸ Bol khai rơp soh ƀào sơnò kiat, mơ rơp soh bơta rngòt rngơt. Muh mat bol khai dê rơp kong jơm gòm mơ bơta ƀàssìl ƀàsso, mơ bồ bol khai rơp kong koah.

Ejekiel 7:18 ပူးပေါင်းရင်းမြစ်များ

Sơnròp Gơlik Gơs 15:12

Tŭ mattơngai mut, gen Abram bic lơhă ngan, dô bơta klam jơngo cik mơ rngòt rngơt ngan tus jơm gòm khai.

Sră Jop 21:6

Tòm tŭ añ kơlôi sơnơng bơh bơta hơ̆ gen añ rngòt rngơt, bìr bồ mơ rơm să añ.

Đơs Crih 35:26

Cau lơi hòn chò bơh bơta bòl glar añ jê, Lòi khai gơkòl bal tòm bơta ƀàssìl ƀàsso! Cau lơi bơtào tòmsò mơ añ dô bă pơnhừ să, Lòi khai gơkòl tơnsoh bơta ƀàssìl mơ bơtat bơtròh.

Esai 3:24

Rơp gơs ƀô iơh ala ƀô bơlhu; che cap ala ồi kơt but; bồ lòl ala sŏ tơrkồn; bài sơnò kiat ala ồi ào kas màng; tềl lơhò ala bơta hàng mơnĕ.

Jeremi 3:25

Lòi bol hi bic tòm bơta ƀàssìl bol hi dê, mơ lòi bơta bơrsèl tơnhial jơm bol hi! Bơh bol hi bal mơ ồng pàng bol hi dê Neh tìs glài mơ Jehôwa Yàng Tom Trồ bol hi dê, Bơh tŭ gam kơnòm jơl tus di ngai do; Bol hi ò lơh jat jơnau Jehôwa Yàng Tom Trồ bol hi dê.”

Jeremi 48:37

Kòp nơm bồ neh koah jơh, kòp sơnò tềp gen koh jơh; kòp nơm tê gen kong tềl reh, kòp nơm but soh ƀào sơnò kiat.

Jeremi 6:25

Bañ lik lòt tòm ƀlàng sre, Hala lòt tòm gùng, Bơh cau sò tơm gơs dô nơm đào, bơta rngòt rngơt gơs tòm kòp đah.”

Jeremi 6:26

Ơ làng bol nđàc sơngit Añ jê, soh tĕ bài sơnò kiat, Mơ pơrlac să tòm bùh. Ñìm ƀồc tĕ kung be neh roh kòn dùl nă, Ñìm rac tĕ dô bă sràt bơtang; Bơh cau phà tơnroh nisơna, rơp tus hơđang bol he.

Ejekiel 27:31

Bol khai rơp koah bồ tài bơh mê, mơ kơt but mơ ƀào sơnò kiat. Bol khai rơp ñìm mơ pơt wòl rac ròc tài bơh mê mơ ñìm rac sràt bơtang tòm hwềng soàn.

Jôel 1:13

Ơ ală cau gơnoar ơn phan duh khoai, soh tĕ ào bài sơnò kiat mơ ñìm rac. Ơ bol mê la cau duh broă di đap cơnòng duh khoai, ñìm rac ròc tĕ. Ơ bol mê la cau duh broă di đap Yàng Tom Trồ añ jê, tus tĕ soh ào bài sơnò kiat mang àng, bơh phan ơn mơ kòi mbo bal mơ phan ơn ñô ò gam tai tòm hìu Yàng Tom Trồ bol mê dê.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”