Ejekiel 7:16 - Sră Goh 2018

¹⁶ Jơh ală cau gam kis mơ geh lik klàs rơp ơm hơđang ală mơnơm, rac ròc kung be sềm ntòp tòm thòng, kòp nă tài bơh tồi glài khai dê.

Ejekiel 7:16 ပူးပေါင်းရင်းမြစ်များ

Ejra 9:15

Ơ Yàng Jehôwa, la Yàng Tom Trồ Israel dê, Kơnràñ la song ring, mơya bol hi geh pleh klàs be làng bol gam tơngkah wơl, be ngai do. Do bol hi ơm di đap Kơnràñ tòm bơta tồi glài bol hi dê, bulah ò gơs dô nă cau lơi rgơi ntào di đap mat Kơnràñ tài bơh bơta do.”

Đơs Crih 55:2

Dan iat mơ ho wơl añ in; Añ ò suk ơm bơh bơta bòl glar mơ jơnau yoam añ jê.

Esai 1:9

Dilah Yàng Jehôwa Gơnap Gơnoar Dờng Làm Jơh ò lòi wơl bol he in dô êt nă cau gam kis, gen bol he rơp gơlik gơs be Sôdôm, mơ tòm toh be Gômôrơ.

Esai 37:31

Dô dơ̆ tai dô pơnah gam wơl bơh hìu Juda dê, rơp sro ryas hơđơm mơ gơlik plai hơđang.

Esai 38:14

Añ rơnđơh kung be sềm rgut; añ pơt wòl kung be sềm ntòp. Gar mat añ bòl glar tài bơh sền tơnggòr hơđang.” “Ơ Yàng Jehôwa, añ kong rồn bơklơn; dan Yàng dong tă añ!

Esai 59:11

Bol he jơh tơl nă ơnung kung be ală jơgơu, mơ ñìm rac pơt wòl kung be ală sềm ntòp. Bol he jòi jat bơta song ring, mơya jòi ò bàn, jòi jat bơta dong klàs mơya gơ ơm ngài ngan.

Esai 59:12

Bơh ală bơta tìs glài bol hi dê la oă ngan di đap mat Kơnràñ, mơ ală tồi glài bol hi dê lơh cơng tòmdră mơ bol hi. Ală bơta tìs glài bol hi dê gơ ơm sùm sùm mơ bol hi, mơ bol hi git ală bơta tồi glài iơh bơsak bol hi dê:

Jeremi 3:21

Gơs jơnau đơs bơh hơđang ală dòr kơlờl: Hơ̆ la sap kòn sau Israel ñìm rac, Tài bơh bol khai neh lơh rkwet rkwe gùng bol khai dê; bol khai neh hŭi Jehôwa Yàng Tom Trồ bol khai dê.

Jeremi 31:9

Bol khai ñìm rac mơ tus, mơ Añ rơp tề lam tòm bơta rac dan; Añ rơp jun bol khai lòt rò gah ală hiòng, Jat gùng song ngan, ò kòl gơtup pừ. Bơh Añ neh lơh gơs bèp Israel in, Ai Epraim la kòn tơnhoa Añ jê.

Jeremi 44:14

tian gơs tòm ală cau Juda gam wơl lòt tus ơm tòm Ejiptơ, gen ò gơs cau lơi lik klàs, hala gam kis, nàng rê wơl hơ lơgar Juda. Bulah bol khai kòñ ngan rê wơl kis tềng hơ̆, bol khai rơp ò rê wơl, mìng la dô êt nă cau neh dô klàs lơm.’”

Jeremi 44:28

Mìng dô êt cau geh klàs bơh pềs tà tòm lơgar Ejiptơ rê wơl hơ lơgar Juda; mơ jơh ală cau Juda gam wơl, la ală cau neh tus ơm tòm lơgar Ejiptơ rơp git jơnau cau lơi la tòm toh, jơnau Añ hala jơnau bol khai dê.

Jeremi 9:19

Bơh dô jơnau ñìm rac geh kơno bơh Siôn lah: ‘Mbe bol he kong roh rui! Bol he jơh hir ƀàssìl ƀàsso! Tài bơh bol he pal sang lòi lơgar; tài bơh bol khai neh phà tơrlah ală tiah ơm bol he dê!’”

Ejekiel 14:22

Bulah behơ̆ kung gơs dô êt nă cau gam kis, hơ̆ la ală kòn klau mơ ală kòn ùr rơp geh tă tơlik bơh hơ̆, bol khai rơp lòt tus hơ mê, mơ tòm tŭ mê gŏ gùng dà bol khai dê mơ broă lơh bol khai dê, gen mê rơp geh pơndòm pơniang gơwèt hơ bơta rung rài mơ Añ neh tơndùh hơđang Jerusalem, bơh jơh ală bơta Añ neh tơndùh hơđang gơ.

Ejekiel 34:6

Belàt Añ jê lòt nrah nring, bol gơ lòt lềng làng hơđang jơh ală mơnơm mơ tòm kòp nơm dòr jơnhoa, belàt Añ jê gơprah gơpring hơđang làm jơh plai ù, ò gơs dô nă cau lơi jòi, ò gơs cau jat bol gơ.’

Ejekiel 36:31

Gen bol mê rơp kah wơl ală gùng dà iơh mơ ală broă lơh bơsak bol mê dê, mơ bol mê rơp cù kìr di să tòm bol mê bơh ală tồi glài mơ broă lơh iơh rmơh bol mê dê.’

Nahum 2:7

Bơta lơh nền lah ƀòn dờng pal kong kup cèng lòt tiah ngài, ală cau ùr kong kup cèng gơs dĭ ñìm rac kung be ală sềm ntòp mơ tur ntơh bol khai dê.

Sôphôni 1:14

“Ngai dờng Yàng Jehôwa dê neh tus rềp, neh tus rềp mơ tus mhar. Ntas sap ñìm sràt bơtang tòm ngai Yàng Jehôwa dê, ală cau ling tòmlơh driau dờng tềng hơ̆.