Ejekiel 7:10 - Sră Goh 2018

¹⁰ Ngai hơ̆ neh tus! Gơ neh tus rau! Bơta rung rài neh gơlik gơs; gai lồng neh cat sơmbut, bơta jòng să neh lik bơkào!

Ejekiel 7:10 ပူးပေါင်းရင်းမြစ်များ

Đơs Crih 89:32

Gen Añ rơp ngui gai nàng lơh glài bol khai bơh bơta tìs glài bol khai dê. Mơ pù ơlih bol khai bơh bơta tồi glài iơh bơsak bol khai dê.

Jơnau Pơnđik 14:3

Tòm bơr cau tùl gơla gơs mơng pù lơh bơta pơnhừ să khai; Mơya sơndồi cau jak chài sền gàr khai.

Jơnau Pơnđik 16:18

Bơta pơnhừ să lòt lài bơta rung rài jat tơnơ̆; Mơ bơta tơngguh is să lòt lài mơ bơta gơtup pừ.

Esai 10:5

Bòl glar Asiri in la gai bơta gơjrañ Añ jê, gai mơng tòm tê bol khai la bơta gơhào gơjrañ Añ jê!

Esai 21:12

Cau kơp gàr ho lah: “Àng drim tus, mơ mang kung tus. Dilah mê kòñ lùp gen lùp tĕ; rê wơl tai.”

Esai 28:1

Bòl glar dơwàng bơkào jòng să ală cau bơñul ñô Epraim dê, bòl glar bơkào mhar ro jrùh la bơta hàng mơnĕ gơklŏ gơ dê, ơm hơđang bồ ală cau lơmă bơh phan sa bơkah, ală cau neh gơpừ tài bơh tơrnòm ño!

Ejekiel 12:23

Đơs tĕ mơ bol khai lah: ‘Yàng Jehôwa đơs be do: Añ rơp pơndut jơnau đơs pơnđik hơ̆, mơ bol khai ò đơs tai tòm Israel.’ Đơs tĕ mơ bol khai lah: ‘Ală ngai neh tus rềp tòm tŭ kòp bơta gơtơnggŏ rơp gơlik gơs di ngan.’

Ejekiel 19:14

Ồs neh lik bơh di ală ntê dờng gơ dê, mơ neh sa pơrguc ală ntê mơ plai gơ dê. Gen tàng ò gơs dô nơm ntê pràn kơldang gam wơl, ò gơs gai gơnoar at bồ. Hơ̆ la dô jơnau ñìm rac geh ngui nàng ñìm rac pơt wòl.”

Ejekiel 21:10

Tồl sồt nàng sreh tơnchơt, tho goh nàng gơcrà kung be puhlèp! Mbe bol he rgơi hòn chò taih? Bơh mê kòn klau añ neh sền òsơp gai mơng mơ ală bơta lơh glài tơmàl.

Ejekiel 21:13

Kơlôi sơwì tĕ: Ñchi bơta rơp gơlik gơs, dilah bol mê sền òsơp dê gai mơng, ală bơta hơ̆ rơp ò gơlik tus sơl ơ? Jehôwa Yàng Tom Trồ đơs behơ̆.’

Ejekiel 30:3

Bơh ngai hơ̆ tus rềp rau, ngai Yàng Jehôwa dê tus rềp rau, hơ̆ la ngai gơs oă mhwal, la tŭ tơngai bòl glar ală làng bol in.

Ejekiel 7:12

Tŭ jơ neh tus, ngai neh tus rềp. Bañ lòi cau blơi chò hòp hala cau tac moat jrùng, bơh gơs bơta gơjrañ dờng neh dùh hơđang jơh mpồl làng bol.

Ejekiel 7:6

Dô bơta lồi dut neh tus, bơta lồi dut neh tus! Gơ neh guh tòmdră mơ mê. Gơ neh tus ne!

Ejekiel 7:9

Añ rơp ò nđàc sơngit di mê hala ò pơlai di mê. Añ rơp tơm wơl mê in jat bơta lơh lòt mơ jat ală bơta iơh mơ mê neh lơh digùl bol mê. Bol mê rơp git lah să tòm Añ, Yàng Jehôwa, la Bơtau tuh ală bơta rung rài hơ̆.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Jôel 1:15

Ơ hơh! Bơh ngai hơ̆, bơh ngai Yàng Jehôwa dê neh tus rềp! Gơ rơp tus kung be bơta tơnroh gơprah gơpring tus bơh Bơtau Gơnar Dờng.

Khà Làng Bol 17:8

Àng drim ngai hìng, Môise mut tòm Sàl Bơta Cơng Tàng mơ gŏ gai jra Arôn dê, la gai lơh ala mat hìu nhă Lebi dê, ò di mìng gơcat sơmbut mơya gơlì bơkào mơ gơlik ală plai gus dum.

I Tesalônika 5:3

Tòm tŭ cau đơs: “Ring lơngai mơ lơngap lơngai,” gen bơta tơnroh nisơna tus hơđang bol khai be bơta jê deh gơtơntus cau ùr bun in, mơ bol khai ngan ò geh pleh klàs ò.

Jakơ 4:6

Mơya Kơnràñ ai bol he in bơta nđàc oă rlau tai. Behơ̆ tàng Sră Goh cih lah: “Yàng Tom Trồ tòmdră mơ cau pơnhừ să, mơya ai bơta nđàc cau tơnliah să in.”