Ejekiel 5:8 - Sră Goh 2018

⁸ Gen tàng, Jehôwa Yàng Tom Trồ đơs be do: ‘Añ, să tòm Añ tus tòmdră mơ mê, Añ rơp cahrña mê di đap ală làng bol.

Ejekiel 5:8 ပူးပေါင်းရင်းမြစ်များ

Jeremi 21:13

Yàng Jehôwa đơs: ‘Do, ơ ală cau ơm tòm thòng, Ơ pơnai lŭ tòm ƀlàng ring ne, Añ tòmdră mơ bol mê, La ală cau khin đơs lah: Ñcau rơp mù tòmdră mơ bol he? Ñcau rgơi mut tòm tiah bol he ơm crŭ taih?’”

Jeremi 21:5

Să tòm Añ rơp tòmlơh tòmdră mơ bol mê, mơ tê pò tơlik, mơ tơwòr tê pràn kơldang, tòm bơta gơjrañ, tòm bơta gơhào gơjrañ mơ bơta gơjrañ dờng.

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 50:7

Jơh ală cau lơi tìp bol gơ, gen sa loan bol gơ; ală cau sò tơm bol gơ đơs lah: ‘Bol he ò gơkòl glài, bơh bol khai neh tìs glài tòmdră mơ Yàng Jehôwa, la ƀlàng ñhơt ngan, Yàng Jehôwa la bơta gơn kơnòm ală ồng pàng bol khai dê.’

Ñìm Rac 2:5

Yàng neh gơlik gơs be dô nă cau sò tơm, Kơnràñ neh tơnroh Israel; Kơnràñ neh tơnroh jơh ală gơlang bơtau gơ dê, lơh tơrlah tơrling ală theng kơ̆ cê; mơ bơtơl bơta ñìm rac, pơt wòl digùl kòn ùr Juda.

Ñìm Rac 3:3

Mìng dô nă Kơnràñ tòmdră mơ añ, Kơnràñ tơrwơl tê oă dơ̆ jơh ngai mho.

Ejekiel 11:9

Añ rơp tă tơlik bol mê bơh digùl ƀòn dờng do, mơ jào bol mê tòm tê làng bol lơgar bơdìh, mơ rơp lơh gơs bơta cahrña hơđang bol mê.

Ejekiel 13:8

Gen tàng, Jehôwa Yàng Tom Trồ đơs be do: ‘Tài bơh ală jơnau tìs mơ ală bơta gơtơnggŏ blac bol mê dê; do, Añ tòmdră mơ bol mê,’ Yàng Jehôwa đơs behơ̆.

Ejekiel 15:7

Añ rơp wèt mat tòmdră mơ bol khai. Bulah bol khai neh lik klàs bơh ồs, ồs rơp gam chu pơrguc bol khai. Mơ mê rơp git Añ la Yàng Jehôwa, tòm tŭ Añ wèt mat tòmdră mơ bol khai.

Ejekiel 16:41

Bol khai rơp ai ồs chu ală hìu ai dê mơ lơh glài ai di đap oă cau ùr. Añ rơp pơndut bơta rềs àr dri tơlàr ai dê, mơ ai rơp ò tai ai jền tơngai ală cau ai kòñ gơboh in.

Ejekiel 21:3

mơ đơs mơ ù tiah Jerusalem lah: ‘Yàng Jehôwa đơs be do: Añ tus nàng tòmdră mơ mê. Añ rơp tă đào Añ jê bơh di sơmprồm nàng tơnroh bơh di mê ală cau song ring mơ ală cau iơh bơsak.

Ejekiel 28:22

mơ đơs tĕ lah: Jehôwa Yàng Tom Trồ đơs be do: ‘Ơ Sidôn, Añ tòmdră mơ mê, mơ Añ rơp geh gơklŏ bơh digùl mê, bol khai rơp git Añ la Yàng Jehôwa, tòm tŭ Añ lơh gơlik gơs bơta cahrña hơđang gơ mơ yal tơlik să tòm Añ la sàng goh tòm gơ.

Ejekiel 30:19

Behơ̆, Añ rơp lơh gơlik gơs bơta cahrña hơđang Ejiptơ, mơ bol khai rơp git Añ la Yàng Jehôwa.’”

Ejekiel 34:10

Jehôwa Yàng Tom Trồ đơs be do: ‘Añ tòmdră mơ ală cau ê mơ Añ rơp lùp belàt Añ jê bơh di tê bol khai; mơ ò ngui bol khai ròng siam belàt tai, nàng ală cau ê rơp ò gam ròng siam să tòm bol khai tai. Añ rơp dong tă mpồl belàt Añ jê klàs bơh di bơr bol khai nàng belàt ò lơh gơs phan sa bol khai in tai.’

Ejekiel 35:3

mơ đơs mơ gơ lah: Jehôwa Yàng Tom Trồ đơs be do: ‘Ơ mơnơm Seir, Añ tòmdră mơ mê! mơ Añ rơp pò tê tòmdră mơ mê, lơh mê in gơlik gơs dô bă tiah srau gòi mơ ngềt ngơt.

Ejekiel 39:1

“Ơ kòn mơnus, đơs hwơr tĕ tòmdră mơ Gok mơ đơs lah: Jehôwa Yàng Tom Trồ đơs be do: ‘Ơ Gok, bơtau Rôs, Mesek mơ Tubal dê, Añ tòmdră mơ mê.

Ejekiel 5:15

Tòm tŭ Añ gơhào gơjrañ mơ gơjrañ dờng mơ tuh hơđang mê bơta lơh glài mơ bơta lah pơrhơng jê sồt gen mê rơp gơlik dô bơta cau sền òsơp mơ dơñŏ tơnhial, dô jơnau bơto pơhìn, mơ dô nơm phan cù kìr ală lơgar gùt dar mê. Să tòm Añ la Yàng Jehôwa đơs behơ̆.

Nahum 2:13

Yàng Jehôwa Gơnap Gơnoar Dờng Làm Jơh đơs lah: “Añ tòmdră mơ mê, Añ rơp chu pơrguc ală rơndeh mê tòm ñhŭ, mơ đào rơp sa loan ală klìu triă brồ dam; Añ rơp tơnroh phan kup geh bơh di ù, mơ sap đơs ală cau kong sồr mê dê rơp ò gam kơno tai.”

Mathiơ 22:7

Cau bơtau gơhào gơjrañ, gen sồr ală cau ling lòt tơnroh ală cau tơnchơt cau hơ̆, mơ chu ƀòn dờng bol khai dê.

Yal Wơl 29:20

Yàng Jehôwa rơp ò tŭ lơi kòñ toh glài khai; bơh bơta gơjrañ dờng mơ bơta duh hul Kơnràñ dê rơp chu pơrguc tòmdră mơ bol khai. Jơh ală jơnau srat sơntơm neh cih tòm sră do rơp dùh hơđang bol khai, mơ Yàng Jehôwa rơp jùt sang sơnđan mat bol khai dê bơh hơđơm trồ.