Ejekiel 5:6 - Sră Goh 2018

⁶ Mơya gơ neh bơtào tòmdră mơ ală bơta boh lam mơ ală bơta sồr lam Añ jê gơlik iơh bơsak rlau mơ ală làng bol mơ ală lơgar gùt dar gơ, neh sang lòi ală bơta boh lam Añ jê mơ ò lơh jat ală bơta sồr lam Añ jê.

Ejekiel 5:6 ပူးပေါင်းရင်းမြစ်များ

II Ală Bơtau 21:11

“Bơh Manase, bơtau Juda, neh tìs ală bơta cù kìr hơ̆, mơ neh lơh bơta iơh rlau mơ ală bơta cau Amôrit neh lơh lài mơ khai, mơ neh lơh Juda in kung tìs glài mơ rùp ràk khai dê sơl.

II Ală Bơtau 21:9

Mơya bol khai ò bài iat; Manase neh lam bol khai lơh bơta iơh bơsak rlau mơ ală làng bol mơ Yàng Jehôwa neh tơnroh bơh di đap làng bol Israel.

Nehemi 9:34

Ală cau bơtau bol hi dê, ală kwang bàng, ală cau gơnoar ơn phan duh khoai, mơ mò pàng bol hi dê ò lơh jat bơta boh lam Kơnràñ dê, kung ò iat ală gơnoar sồr mơ ală bơta bơto tơnggit mơ Kơnràñ neh ai bol khai in.

Nehemi 9:35

Bulah ơm tòm lơgar tòm bol khai dê, mơ tòm bơta nđàc dờng mơ Kơnràñ neh ai bol khai in, tòm ù ơnàng mơ niam bơkah mơ Kơnràñ neh ai bol khai in, bol khai ò duh broă Kơnràñ mơ ò sang lòi broă iơh bơsak bol khai dê.

Đơs Crih 106:20

Bol khai tòmgơl bơta gơklŏ Yàng Tom Trồ dê, Mơ ai rùp kơnrồ sa ñhơt.

Đơs Crih 78:10

Bol khai ò prap gàr bơta ho bal Yàng Tom Trồ dê, Kung ò bài lơh jat bơta boh lam Kơnràñ dê.

Lik Ejiptơ 16:28

Gen Yàng Jehôwa đơs mơ Môise lah: “Bol mê ò bài prap gàr ală bơta sồr lam mơ ală bơta bơto sồr Añ jê jơl tus di tŭ lơi taih?

Jeremi 11:10

Bol khai wèt wơl hơ tồi glài iơh bơsak ồng pàng bol khai dê bơh yau òr, la ală cau neh ò bài iat jơnau Añ; bol khai neh lòt jat ală yàng ndai mơ duh broă bol gơ. Hìu Israel mơ hìu Juda neh sang lòi bơta ho bal mơ Añ neh bơt bơtào bal mơ ồng pàng bol khai dê.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 8:5

Behơ̆ ñchi bơh tài làng bol kư̆ dô ngài? Tòm bơta kư̆ tìs wơl sùm sùm ơ? Bol khai sơmbat prap bơta blac chừt, Bol khai ò bài rê wơl.

Jeremi 9:6

Yàng Jehôwa đơs: “Bơta rồn bơklơn bơtơl bơta rồn bơklơn; Blac pơrlồm bơtơl blac pơrlồm! Behơ̆ tàng bol khai ò bài đal git Añ.”

Ejekiel 11:12

Gen bol mê rơp git Añ la Yàng Jehôwa, bơh bol mê neh ò lơh jat ală bơta sồr lam hala prap gàr ală bơta sồr lam Añ jê; mơya bol mê neh lơh jat ală sơnoa rnoas ală lơgar ơm gùt dar bol mê.’”

Ejekiel 16:51

Tồi glài mơ Samari neh tìs ò tus di nggùl tồi glài mơ ai neh lơh. Ai neh lơh oă bơta cù kìr rlau mơ bol khai, mơ ai neh lơh ală oh mi ai dê gơlơh song ring bơh ală broă cù kìr ai dê.

Daniel 9:15

Mơ tŭ do, ơ Yàng la Yàng Tom Trồ bol hi dê, la Bơtau neh ai tê gơnoar pràn nàng cèng làng bol Kơnràñ dê lik bơh lơgar Ejiptơ mơ neh lơh pơnro sơnđan Kơnràñ dê jơl tus di ngai do; ai bol hi neh tìs glài, neh lơh bơta iơh bơsak.

Daniel 9:5

Bol hi la cau tồi glài mơ lơh tìs, bol hi la iơh bơsak mơ tòmdră mơ Yàng, bol hi neh pơrlơ̆ sang ală bơta sồr lam mơ ală bơta boh lam Yàng dê.

Daniel 9:8

Ơ Yàng, bol hi bal mơ ală cau bơtau, ală cau kwang at bồ, ală ồng pàng bol hi dê pal kong bơta ƀàssìl ƀàsso tài bơh bol hi neh tìs glài tòmdră mơ Kơnràñ.

Sacari 7:11

Mơya bol khai ò bài ơn nùs tồr, mơ wèt ngkòi kră kơldang, mơ sềt tồr ò bài iat.

I Kôrintô 5:1

Neh kơno lah tòm mpồl oh mi gơs glài rềs àr bơrnàn, mơ bơta rềs àr bơrnàn hơ̆ kung ò di gơs digùl cau làng bol bơdìh, hơ̆ la dô nă cau tìs glài mơ bau ùr bèp khai dê.

Jude 1:4

Bơh gơs cau ƀà neh mut òm tòm mpồl bol he, hơ̆ la ală cau bơh lài òr neh kòl lơh nền lòi bơta cahrña in, la cau ò gơs nùs duh rngòt, neh tòmgơl bơta nđàc Yàng Tom Trồ bol he dê gơlik gơs bơta bung jang, mơ pơndang sang Bơtau Tòm At Bồ gơs mìng dô nă, la Yàng bol he dê, la Yàng Jesu Krist.