Ejekiel 5:1 - Sră Goh 2018

¹ Tŭ do, ơ kòn mơnus, ai tĕ dô nơm đào sồt; ngui be pềs cau siat sŏ nàng koah bồ mơ koah sơnò tềp mê dê. Lồc behơ̆ ngui phan kơr nàng kơr mơ tòmpà sŏ hơ̆.

Ejekiel 5:1 ပူးပေါင်းရင်းမြစ်များ

Esai 7:20

Tòm ngai hơ̆ Yàng Jehôwa rơp ngui dô nơm pềs koah ơpah bơh đah ne hiòng hơ̆ la bơtau Asiri nàng koah bồ bol mê bal mơ sơnò jơng bol mê dê, mơ kung koah tơn sơnò tềp bol mê dê tai sơl.

Jeremi 19:1

Yàng Jehôwa đơs lah: “Lòt tĕ blơi dô nơm gri mơ ù di tiah cau chài mòn glah. Cèng bal mơ mê dô êt nă cau kwang kra tòm mpồl làng bol mơ dô êt cau jòng sơnam tòm mpồl cau gơnoar ơn phan duh khoai,

Ejekiel 4:1

“Ai mê, ơ kòn mơnus, ai tĕ dô nơm gac, ơn gơ di đap mê, mơ cih rùp ƀòn dờng Jerusalem hơđang hơ̆.

Ejekiel 44:20

Bol khai ò di koah bồ hala lòi sŏ jòng, mơya bol khai pal siat niam sŏ hơđang bồ bol khai dê.

Daniel 5:27

Tekel la kơr, bơtau neh kòl kơr hơđang phan kơr, mơ gŏ la siơ̆u ò tơl.

Lebi 21:5

Ală cau gơnoar ơn phan duh khoai ò di koah bồ bol khai dê hala koah sơnò tềp di bàr đah hala koah să jan bol khai dê.