Ejekiel 45:4 - Sră Goh 2018

⁴ Gơ rơp la pơnah sàng goh tòm lơgar; gơ rơp la tiah cau gơnoar ơn phan duh khoai in, la ală cau duh broă tòm tiah sàng goh mơ la ală cau tus rềp di Yàng Jehôwa nàng duh broă Kơnràñ; mơ gơ rơp la tiah hìu bol khai dê, mơ la dô bă tiah sàng goh tòm tiah sàng goh.

Ejekiel 45:4 ပူးပေါင်းရင်းမြစ်များ

Ejekiel 40:45

Khai đơs mơ añ lah: “Ơdŭ wèt mat hơ đah đơm lòi is ală cau gơnoar ơn phan duh khoai in la ală cau duh broă tòm hìu duh khoai,

Ejekiel 40:46

mơ ơdŭ wèt mat hơ đah đang lòi is ală cau gơnoar ơn phan duh khoai la cau duh broă di cơnòng duh khoai. Hơ̆ la ală kòn klau Jadôk dê, mìng ală cau Lebi lơm rgơi tus rềp di Yàng Jehôwa nàng duh broă di đap Kơnràñ.”

Ejekiel 43:19

‘Mê pal ơn dô nơm kơnrồ dam lơh gơs phan ơn tơwài glài ală cau gơnoar ơn phan duh khoai in, hơ̆ la jơi bơtiàn Lebi gơrê bal mơ hìu nhă Jadok, la cau tus rềp mơ añ nàng duh broă di đap Añ,’ Jehôwa Yàng Tom Trồ đơs behơ̆.

Ejekiel 44:28

Bơh phan jơtài gen Añ la phan jơtài bol khai dê. Bol mê rơp ò ai bol khai in sre brê lơi tòm Israel; Añ rơp la sre brê bol khai dê.

Ejekiel 45:1

“Tòm tŭ bol mê tòmpà lơgar lơh gơs sre brê, bol mê pal ơn Yàng Jehôwa in dô pơnah ù tiah lơh gơs dô kơnhwàl ơn is sàng goh, jòng ròt bàr jơt pram rbô tal, ơnàng bàr jơt rbô tal; jơh dô kơnhwàl do rơp la tiah sàng goh.

Ejekiel 45:3

Tòm kơnhwàl sàng goh, was tĕ dô pơnah jòng ròt bàr jơt pram rbô tal mơ ơnàng jơt rbô tal. Tòm tiah hơ̆ rơp la tiah sàng goh, la tiah sàng goh ngan.

Ejekiel 48:8

Lòt jat rò nhàr ù tiah Juda dê bơh đah mattơngai lik tus hơ đah mattơngai mut rơp la pơnah bol mê rơp ơn is lơh gơs dô nơm phan ơn. Gơ rơp gơs bàr jơt pram rbô tal ơnàng, mơ jòng ròt gơ dê bơh đah mattơngai lik tus hơ đah mattơngai mut rơp ndròm bal mơ dô pơnah tòm ală pơnah tòmpà jơi bơtiàn in; hìu duh khoai rơp ơm digùl gơ.

Khà Làng Bol 16:5

Gen khai đơs mơ Kôra mơ jơh ală cau jat khai lah: “Àng drim hìng gen Yàng Jehôwa rơp ràng tơlik ñcau la cau gơrê bal mơ Kơnràñ mơ ñcau la sàng goh, mơ Kơnràñ rơp lơh cau hơ̆ tus rềp mơ Kơnràñ. Cau mơ Yàng Jehôwa sac rwah gen Kơnràñ rơp lơh cau hơ̆ in tus rềp mơ Kơnràñ.