Ejekiel 41:4 - Sră Goh 2018

⁴ Mơ khai was gah jòng đah dơlam lồi dut tiah sàng goh dê, đah jòng jơt met, mơ gah ơnàng la jơt met. Khai đơs mơ añ lah: “Do la tiah sàng goh ngan.”

Ejekiel 41:4 ပူးပေါင်းရင်းမြစ်များ

I Ală Bơtau 6:16

Khai bơt bàr jơt tal đah ngkòi hìu mơ mpàn nho rề cang bơh mơnàng tus di rkàng, mơ khai bơt đah dơlam be dô nơm ơdŭ sàng goh ngan, la Tiah Sàng Goh Ngan.

I Ală Bơtau 6:20

Đah dơlam Tiah Sàng Goh Ngan gơs bàr jơt tal jòng, bàr jơt tal ơnàng, mơ bàr jơt tal jơnhoa. Đah dơlam mơ kli mơ màh goh, mơ khai kung ƀềp màh cơnòng duh khoai mơ nho rề sơl.

I Ală Bơtau 6:5

Rò gah ală dơrñang ơdŭ dờng mơ tiah sàng goh dơlam, khai bơt dô ròt hìu gùt dar, cah gơs oă ơdŭ dềt.

I Ală Bơtau 7:50

ală mơngàn, pềs, cờu, cơnhŏ, mơ prềng ơn bùh mơ màh ngan; ală kai mpồng, ƀà ngui ală mpồng hìu đah dơlam in, ƀà di Tiah Sàng Goh Ngan, ƀà ngui mpồng hìu duh khoai in, gen la màh ngan.

I Ală Bơtau 8:6

Gen ală cau gơnoar ơn phan duh khoai cèng Đài Bơta Ho Bal Yàng Jehôwa dê tus di tiah gơ dê, tòm dơlam hìu duh khoai, tòm Tiah Sàng Goh Ngan, hơđơm ală pơnđar ceruƀim dê.

II Yal Yau 3:8

Khai bơt bơtào Tiah Sàng Goh Ngan, jòng ròt gơ ndròm bal mơ jòng ròt hìu duh khoai dê, hơ̆ la bàr jơt tal jòng ròt mơ bàr jơt tal ơnàng. Khai ƀềp đah dơlam prau rhiang talơng màh ngan.

II Yal Yau 5:7

Gen ală cau gơnoar ơn phan duh khoai cèng Đài Ho Bal Yàng Jehôwa dê ơn di tiah gơ dê tòm Tiah Sàng Goh Ngan, hơđơm ală pơnđar ceruƀim dê.

Ejekiel 41:23

Hìu duh khoai mơ Tiah Sàng Goh gơs bàr nơm mpồng.

Yal Tơlik 21:16

Ƀòn dờng gơs poan đah ring bal, đah ơnàng mơ đah jòng la ring bal. Khai ai gai rnoas nàng was ƀòn, gơs pơgap bàr rbô poan rhiang kơsồ; đah jòng, đah ơnàng, đah jơnhoa ring bal lơm.